“ ငိုကြွေးနေတဲ့ ရောင်ပြန် ”

လောကကြီးနဲ့ သိသိသာသာ ကျွမ်းဝင်ပြီးတဲ့နောက်မှာ အလီဘာဘာတံခါးတွေအပြင် အလီဘာဘာလမ်းတွေပါ ရှိသေးကြောင်း ကျွန်မ သိလာခဲ့ရပါတယ်။
ကံတရားတဲ့လေ။ကျွန်မ သိပ်မုန်းတယ်။
ဂါထာကို ထောင်ပေး မသင်ယူနိုင်သူအတွက် သူနဲ့ ကျွန်မဟာ ကျောချင်းကပ် ရန်သူတွေပါ။

ဘယ်လို။
ဘဝဟာ ပြဌာန်းပြီးသား စာအုပ်တဲ့လား။ခါးလွန်းလို့  နားလိုက်ဦးကွယ်။
ခြေအကြွမှာ ဆူးတွေ ကပ်ပါနေပေမယ့် အိပ်မက်တွေ သိပ်သိပ်သည်းသည်း မြုပ်နှံထားရာဆီ ဆက်လှမ်းနေဦးမယ်။

“သမီးမိုက်” တဲ့လား။
ခွင့်လွှတ်ပါ အမေ။ သမီး မသေချင်သေးဘူး။
အမေညွန်တဲ့ လမ်းတွေမှာ သမီးပျော်မွေ့ ချင်ခဲ့လည်း...
အမေခင်းပေးတဲ့ လမ်းတွေမှာ သာတောင့်သာယာနေချင်ခဲ့လည်း...
အိပ်မက်တွေ ခင်းကျင်းဖို့ ပြတိုက်လေးဆီ လှမ်းပါရစေ။

အမေ့ရဲ့  ကိုယ်ပွားမဖြစ်နိုင်တော့တဲ့ သမီးမို့ အပူမီးမှာ နစ်ပါရစေဦး။
အမေ ဆိုသလို သမီး အမှန်တကယ် မိုက်မဲလွန်းရဲ့ နော်။
ဒါပေမယ့် ရခဲလှတဲ့ လူ့ ဘဝမှာ မရချင်တာတွေနဲ့ ပဲ မရှင်သန်နိုင်တဲ့သမီးကို မျက်နှာလွှဲလို့  လွှတ်မချခင်....
အတိတ်ကံနဲ့ သမီးလွန်ဆွဲတဲ့ပွဲမှာ သမီးဘက်က လာအားပေးပါလား အမေရယ်။

ဟုတ်ကဲ့။
ယုံကြည်မှုတွေ ဘယ်လိုပင် စိုက်ပျိုးလည်း နောက်ဆုံးမှာ ခြောက်သွေ့ နေတဲ့ ပန်းတွေပဲ တဲ့လား။
ရှိပါစေလေ။
ရာသီဥတု ဘယ်လောက်ပဲ ညှိူးရော်နေပါစေ နေရောင်ခြည်ကို ကျွန်မ ဖန်တီးယူဦးမယ်။
ဖြောင့်ချက်တွေ မပေးချင်ပေမယ့် ကျွန်မရဲ့ ပန်းခင်းဟာ ကျွန်မ ဖြစ်ပါတယ်။

ဒီလိုနဲ့  အမေ့ရဲ့  သမီးဆိုးလေ…
လှိူင်းကြမ်းမုန်တိုင်းအကြား ဘယ်အကွေ့ မှာ ဘယ်တက်နဲ့ လှော်ရမယ် မသိလည်း
ခေါင်းငုံ့ လို့ ငို
ခေါင်းငဲ့ ရင်း ပြုံး
ခေါင်းမေါ့ ကာ ရယ်ချင်ယောင်ဆောင်နေဦးမှာ။ ။