ကျိုးကြောင်းမဲ့ ချစ်ခြင်းများ

အချစ်ဆိုတာ လမ်းမကြုံလည်း လှည့်ဝင်တတ်သလား။ မဖိတ်မံထားလည်း တံခါးလာခေါက်တတ်သလား။
ဟင့်အင်း။
မလာနဲ့။
အတ္တဥခွံလေးမှာ လုံလုံခြုံခြုံကြီးပြင်းလာသူမို့ ထိခိုက်အနာတရကို ကြောက်လွန်းလှရဲ့။

ချစ်မိခြင်းဟာ လွတ်လပ်လိုသူမိန်းမတစ်ယောက်အတွက် အတောင်ပံကျိုးပဲ့ခြင်းပဲ။ အချိန်တွေကို ပေးစွန့်လိုက်ရမှာ တွန့်တိုသူမို့ အချစ်ဆိုတဲ့ စကားကို မကြားဝံ့မနာသာနိုင်ခဲ့။

ဒါပေမဲ့ ဘယ်လိုလုပ်မလဲ။ အပေါ်ယံပန်းရောင်စုံ ဖြန့်ခင်းထားတဲ့ အချစ်ဆိုတဲ့ အနက်ဆုံးချောက်ရဲ့ကမ်းပါးမှာ ကျွန်မရပ်မိနေပြီ။
ဘယ်သူမှ မကယ်နိုင်တော့ဘူးလား။
မျှော်ကြည့်မိတဲ့အခါ မည်းမှောင်စူးရှကာ ကြောက်စရာကောင်းလှချည့်။
ဘဝသေမှာ စိုးရွံ့ကာ တုန်လှုပ်ခြင်းပြင်းစွာနဲ့ ခြေဆုတ်နေရင်း... ရင်အခုန်ကို ထိန်းသိမ်းကာ ပြန်လှည့်နေရင်းမှာပင် နှလုံးသားဟာ ဆင်ခြင်ဥာဏ်ဆီမှ ဖောက်ထွက်ကာ ခုန်ဆင်းပြေးသွားခဲ့ပေါ့။

ကျွန်မ လက်လှမ်းမမီတော့ဘူး။ ဒါပေမယ့် ဘာဖြေဆေးမှလည်း မလိုချင်တော့ဘူး။ ချစ်မိခြင်းဟာ သေကြောင်းကြံစည်မှုလို့ နှလုံးသွင်းလာသူကို အချစ်က သတ်သွားပြီ။သူတစ်ယောက်ကိုဖြင့် ချစ်မိသွားပါပြီ။

Petite Fleurs

by Pablo Picasso

သူဟာ ကျွန်မ အသက်ထက်ဆုံးယုယချင်တဲ့ ပန်းတစ်ပင်ရယ်လေ ။ဖူးပွင့်လာသမျှ ခူးပန်ဖို့ မရည်ရွယ်ဘဲ ဘဝနဲ့ရင်းပြီး စောင့်ရှောက်နေချင်တဲ့ သစ်တစ်ပင်သာ ဖြစ်ပါတယ်။ သူ့ကို ချစ်စိတ်နဲ့ တပြိုင်နက် အိပ်မက်တွေ အရောင်လွင့်သွားတာလည်း အရေမထားနိုင်တော့။ အသစ်မွေးဖွားလာတဲ့ ကျွန်မရဲ့ တစ်ခုတည်းသောအမြင်မှာ သူ့ရှုခင်းရယ်သာ။

ချစ်ရသူလေးရယ်... အသက်နဲ့ရင်းပြီး ပေးဆပ်ချင်ပေမယ့် အခမဲ့ကြည်နူးခွင့်ကိုသာ ခူးဆွတ်ချင်သူပါ။

အလှကြည့်ချင်နေတယ် ဆိုတာကို ငြင်းဆိုလို့ အခက်အလက်တွေနဲ့ တင့်တယ်လှပအောင် ပျိုးထောင်နေရုံသာ ကျူးရင့်ချင်မိသေးတာ။ ဒီလိုချစ်မိသူမို့ ဘယ်အရာနဲ့ နှိုင်းယှဉ်ရမှန်း မသိအောင် ကြီးမြတ်တယ်လို့ ဘဝင်မြင့်လုမတတ် ဖြစ်လာတဲ့အခါ သူ့အမေကို သတိရလာမိခဲ့။

ကျွန်မ အမေတစ်ယောက်လို သူ့ကို ချစ်ဖို့ဖြစ်နိုင်ပါ့မလား။ သူ ကောင်မလေးတစ်ယောက်ကို သဘောတကျငေးကြည့်နေတဲ့အခါ သူ့အမေလို ကြည်ကြည်ဖြူဖြူ ပြုံးကြည့်နိုင်ဖို့ဆိုတာ ရာနှုန်းပြည့်နီးပါး မသေချာဘူး။

ကျွန်မ သိပ်သဝန်တိုတတ်တယ်။ မမြင်ဝံ့လို့ မျက်ရည်ကို သိုဝှက်ရင်း မျက်နှာလွှဲတဲ့အခါ သူအနေကျုံ့နေလိမ့်မယ်။ ခက်တယ်။ ကျွန်မ ရင့်ကျက်ဖို့ ပိုလို့ကြိုးစားရဦးမယ်။

ချစ်မိသူလေးရေ ... တန်ဖိုးဖြတ်တတ်သူတွေ ကျရှုံးစေမယ့် နားလည်ရန်ခက်ခဲတဲ့ အချစ်ဘာသာရပ်ကို ကျွန်မလည်း ဖြေကြည့်ဦးမယ်နော်။

ဘယ်စဉ်အခါကမှ မရဲရင့်သူကျွန်မဟာ သူ့ကို စော်ကားပုတ်ခတ် တိုက်ခိုက်လာသမျှတွေကို ကာကွယ်ပေးချင်သူ ဖြစ်ချင်တယ်။ နမော်နမဲ့ ၊ ပေါ့တီးပေါ့ဆလုပ်ဆောင်ချက်တွေကို ထိရှလွယ်တဲ့ ကျွန်မက သူ့ရဲ့ မှားယွင်းမှုမှန်သမျှကို ကျွန်မရဲ့ ချွတ်ချော်တိမ်းပါးမှုအဖြစ်သာ ပြောင်းယူချင်နေမိတယ်။

ပြင်းထန်ရက်စက်တဲ့ ဥတုရာသီမှာ လည်စင်းခံနေရင်း သူ့ကို ကာကွယ်ပေးနိုင်တဲ့ နားခိုရာလေးအဖြစ် ကျေနပ်နေချင်တယ်။
ရယ်ချင်ရယ်လိုက်ပါ။ ကျွန်မ သိပ်ရူးပါတယ်။

ကျွန်မအတွက် အချစ်ဆိုတာ ထိန်းချုပ်နိုင်စွမ်းရဲ့ မမြင်ကွယ်ရာမှာခနိုးခနဲ့ လက်ပိုက်ကြည့်နေတဲ့ ကျိန်စာတစ်ခုပါပဲ။

သူ့အရိပ်သာ ထင်နေတဲ့ ကျွန်မရဲ့ နှလုံးအိမ်ဟာ ကြောင့်ကြမှုတွေ ရောယှက်လာကာ ဒဏ်ရာတွေ ၊ ကစဥ့်ကလျားဖြစ်မှုတွေ၊ အကြမ်းဖက်မှုတွေနဲ့ ပြည့်နှက်နေတဲ့ ရက်စက်တဲ့ ဒီကမ္ဘာမြင်ကွင်းတွေကို သူ့ကို မမြင်စေချင်ဘူး။သူ ထိခိုက်နာကျင်မှာ စိုးလွန်းကာ ကလေးတစ်ယောက်လို ကာကွယ်စောင့်ရှောက် ပေးချင်တယ်။

ဒါပေမယ့် ကျွန်မရဲ့ အလေးထားမှုတွေ၊ ဂရုစိုက်မှုတွေဟာ ခေါင်းတစ်လုံးမြင့်တဲ့ သူ့အတွက် အကျိုးမဲ့ ဖြစ်နေနိုင်တယ်။ စေတနာအပြည့်နဲ့ ကာကွယ်ပေးလိုမှုတွေဟာ စိတ်ရှုပ်စရာတွေ ဖြစ်လာနိုင်တယ်။ ဒီလိုကြောင့် “ပျော်သလို နေနော် ” လို့ ဆိုရကာ မုန်တိုင်းအကြားမှာ သွားလာနေတဲ့သူ့ကို ထီးမိုးပေးရင်း နှုတ်ဆိတ်နေရတယ်။

ချစ်သူကလေးရယ်... တစ်ခါတစ်လေတော့လည်း အချစ်ကို ရက်စက်မှုမှတ်ကျောက် တင်ကြည့်ကာ ရနံ့ချိုများ သောက်သုံးရမလားလို့ ပြတ်သားကြည့်ချင်သေးတယ်။

သူ ယုတ်မာကောက်ကျစ်တဲ့အခါ ကျွန်မ ခွင့်လွှတ်မှာ ဖြစ်ပေမယ့် ကျွန်မ သူ့ကို ကြောက်သွားနိုင်တယ်။ ကျွန်မ ရှောင်ပုန်းချင် ရှောင်ပုန်းကာ ငိုနေမိလိမ့်မယ်။ ကျွန်မဟာ ချို့ယွင်းချက်အပြည့်နဲ့ သာမန်မိန်းမသာ ဖြစ်ပါတယ်။ ဒါပေမယ့် ရက်စက်ကောက်ကျစ်တဲ့ လူတစ်ယောက်အနားမှာ အမြဲယှဉ်တွဲရပ်နိုင်တဲ့ အမေတစ်ယောက်ကို အားကျစိတ်နဲ့ ကျွန်မ ကြိုးစားကြည့်ချင်သေးတယ်။

သူမှန်ရင် လက်ခုပ်တီးလို့ သူမှားတဲ့အခါ ဘယ်သူမှ မမြင်အောင် ဖုံးကွယ်ပေးချင်သေးတယ်။ လူတစ်ယောက်ဟာ ကြာကြားမမှားနိုင်ပါဘူးလို့ မျှော်လင့်ချက်လေးထားရင်း အားလုံးက လက်ညှိုးထိုးတဲ့အခါ သူ့ဖက်မှာ ရပ်ဦးမယ်။

…ဆက်ရန် :)

( နှစ်ဦးခွန်းဆက် …

New Year

by Pablo Picasso

အချစ်အကြောင်း သိပ်မရေးချင်တော့ပေမယ့် အချစ်အကြောင်း မရေးနိုင်တော့ဘူးလို့ ပြောတဲ့ ဆရာမဂျူးရဲ့ စကားကြားပြီးသကာလ အသက်ငယ်တုန်း ရေးမှ တော်ကြာ အသက်ကြီးလာရင် မချစ်နိုင်မှာ စိုးရတယ် :P ဆိုကာ ကြီးမိုက်လုပ်လို့ ဆက်ရေးချင်ပါသေးတယ်။
(အသက်ကြီးပေမယ့် ရသစာပေအလှဆုံးရေးနိုင်ခဲ့တဲ့ ဆရာမကြည်အေးလို ပါရမီရှင်မဟုတ်ဘူးလေ…ဆင်ခြေ :D )

ကျွန်မကဗျာတွေကို မနှစ်သက်ပါဘူးလို့ ခင်မင်ပွင့်လင်းစွာပြောတဲ့သူအားလုံးကိုလည်း ကျေးဇူးတင်ပါတယ် :) ကျွန်မအတွက် ကဗျာဆိုတာ အရိုးသားဆုံးနှလုံးသွေးနဲ့သာ ပွင့်တဲ့ပန်းတွေမို့ ဘယ်လိုခေါင်းစဉ်အောက်မှာ အမျိုးအစားဘယ်လိုခွဲထားလည်း ရင်ဘတ်နဲ့ ကဗျာတွေ ဆက်ရေးနေပါဦးမယ်။ ဖတ်မယ့်သူကတော့ ကျွန်မပေါ့နော် :P

မြန်မာနှစ်ကူးပြီးရင် ကျွန်မလည်း အချိန်အားတွေ ရရှိလာမယ်လို့ ယုံကြည်ကာ တခြားစာပေ အမျိုးအစားတွေလည်း ရေးကြည့်ချင်ပါသေးတယ်။

ကျွန်မကို tag ထားသူများ ( ဦးလူထွင်း၊ ကိုမြစ်ကျိုးအင်း၊ လူကလေး အယ်ကို ၊ ညီမလေး ငုဇာ၊နဲ့ညီမလေး

နေ့အိပ်မက် ) ရဲ့ အကြွေးတွေကို နှစ်သစ်အထိ ယူသွားရတာလည်း စိတ်မကောင်းပါဘူး။

ကျွန်မရဲ့ စာများကို ဖတ်ရှုဝေဖန်ပေးခဲ့သူများ၊ ခံစားအားပေးခဲ့သူများကို အထူးကျေးဇူးတင်ချစ်ခင်ပါကြောင်း ထပ်မံပြောကြားလိုပါတယ်။
နှစ်ကူးမှာ ပျော်ရွှင်ချမ်းမြေ့ပါစေလို့ ဆုမွန်ကောင်းတောင်းရင်း … )

မေတ္တာများဖြင့် ...
မယ်ကိုး