04 June 2010

ကျိန်စာပုံပြင်


ကာလတစ်ခုမှာ အရိပ်ငယ်လေးဟာ တုန်ခါနေတဲ့ အသံလှိုင်းကို လက်ခံရမိတယ်တဲ့။ ချင်းမှာပဲ အရိပ်ကလေးဟာ ဒီအသံကို ဆယ်ယူရမယ်လို့ ချင်ခြင်းဖြစ်မိတယ်တဲ့လေ။ ဂန္တဝင်ပုံပြင်တွေနဲ့ မနှိုင်းသာအောင် နိဒါန်းအစမှာပင် ခမ်းနားခြင်းကင်းကွာလို့ ကြားနာချင်သူမဲ့မှန်းသိလည်း ရှေ့ဆက်ပြောခွင့်ပြုပါဦး။

အရိပ်ဆိုတာ Cinderella လေးလို ကူညီစောင့်မမယ့် နတ်သမီးလည်း မရှိဘူး။ မနှင်းဖြူလေးလို ချစ်စဖွယ်မကောင်းတာမို့ တိုင်ပင်ဖော်သူငယ်ချင်းလည်း မရှိဘူး။ ဒါပေမယ့် ရေသူမလေးပုံပြင်ထဲကလို မတန်မဆကြေးနဲ့ ပေးကာလဲလှယ်တတ်တဲ့ စုန်းအဘွားအိုလိုမျိုး အကြားအမြင်ဆရာတစ်ယောက်တော့ အနားမှာ ရှိပါသတဲ့။ သူက မှောက်ထားတဲ့ ကဒ်ပြားစက်ဝိုင်းကြီးထဲက လေးခုကို ယူခိုင်းပြီး “ တန်ဖိုးကိုတော့ နောက်မှဖြတ်တာပေါ့ ” ဆိုလေရဲ့။ စိတ်ဇောထန်နေတဲ့ အရိပ်ကလေးက မစဉ်းမစားဘဲ ခေါင်းငြိမ့်ပြီး ပထမဆုံးကဒ်ကို လှမ်းယူလိုက်တာပေါ့။

တဲ့။
Spring by Claude Monet

“ဒါ မင်းသွားရမယ့်အချိန် နွေဦးနဲ့ မြေပုံအညွှန်းပဲ ” လို့ အကြားအမြင်ဆရာက ပြောလေရဲ့။ အရိပ်ကလေးက လက်မခံနိုင်ဘူးတဲ့။ “ခုမှ ဆောင်းဦးပေါက်ပဲ ရှိသေးတာ နွေဦးရောက်အောင် မစောင့်နိုင်ပါဘူး။” ဆိုတဲ့ စိတ်အတွေးနဲ့ လှည့်ထွက်ခဲ့တယ်တဲ့လေ။

ငြောင့်တံသင်းကြွယ်ဝတဲ့ တောတောင်လမ်းမှာ အရိပ်လေးဟာ အသံလာရာမှန်းပြီး မဆုတ်မနစ် လျှောက်တယ်တဲ့ကွယ်။ စေ့စေ့ကြည့်တတ်ရင် ဆူးချက်တွေအပြည့်ရိုက်နှက်ခံထားရတဲ့ အရိပ်ကလေးကို မြင်နိုင်မှာ တကယ်ပါ။

ဆွတ်ဆွတ်ဖြူနေတဲ့ နှင်းတွေကြားမှာ ချမ်းလွန်းလို့ ခိုက်ခိုက်တုန်နေတဲ့ အရိပ်ကလေးဟာ ဆင်းရဲဒုက္ခတွေကို အံ့တုရင်း “ မညည်းညူနဲ့တော့ အသံလေးရေ… နာကျင်ခြင်းတွေ လွင့်စင်သွားမယ့်နေ့ ရောက်လာတော့မှာ ” လို့လည်း ရယ်စဖွယ် ရေရွတ်နေတတ်သေးတာ။ ဇာတ်ကတော့ ဇာတ်မျောပါရယ်။

ဒါပေမယ့် တယူသန်အရိပ်ကလေးဆီကို နောက်ဆုံးတော့ ကံတရားကပါ လိုက်ပါလာရတယ်လေ။

ဈေးပြင်ကနားတစ်နေရာမှာ အဘွားအိုတစ်ယောက်က အရိပ်ကလေးကို သစ်ရွက်လေးတစ်ရွက် လက်ဆောင်ပေးခဲ့တာပေါ့။ ဉာဏ်နုံ့တဲ့ အရိပ်ကလေးဟာ သစ်ရွက်ကလေးကို ဘယ်လို သုံးရမယ်မှန်း မသိခဲ့ပါဘူး။ ညဥ့်ဦးယံအခါရောက်တဲ့အခါ သစ်ရွက်ကလေးထဲက လင်းရောင်ခြည်တွေ ဖြာထွက်လာမှ အဘွားအိုရဲ့ကျေးဇူးကို အထွတ်အမြတ်ထားမိတယ်လေ။

ဋီကာချဲ့ပြောတယ်လို့ မှတ်ချက်ပေးချင်လောက်အောင် သစ်ရွက်ကလေးဟာ မြစ်ရေယဉ်ကို ဖြတ်တဲ့အခါမှာ လှေတစ်စင်းဖြစ်သလို မိုးကြိုးမုန်တိုင်းကျတဲ့အခါမှလည်း အမိုးအကာလေး ဖြစ်လာခဲ့တာ။ ဌာနန္တရ မကျွမ်းကျင်တဲ့ အရိပ်ကလေးအတွက် သစ်ရွက်ငယ်ဟာ အားထားကိုးကွယ်ရာအစစ်ဖြစ်ခဲ့ပေမယ့် တစ်ချိန်မှာတော့ အရိပ်ကလေး လမ်းပျောက်သွားခဲ့ပါပြီ။

မောပန်းနာကျင်ရမှန်းမသိလောက်အောင် သောကတွေအပြည့်နဲ့ အသံလားရာဆီ လျှောက်နေခဲ့တဲ့ အရိပ်ကလေးဟာ အကြားအမြင်ဆရာရဲ့ လမ်းညွှန်ကဒ်ပြားလေးတွေကို သတိပြန်ရပြီလေ။

ဍ ။ ဎ ။








Café Terrace at Night byVincent van Gogh


တမေ့တလျော့
နဲ့အသံတိုးလေးကိုသာ အာရုံစိုက်ခရီးနှင်ခဲ့တဲ့ အရိပ်ကလေးဟာ ဒီရပ်ဝန်းတွေကို ကျော်ဖြတ်ခဲ့လား ။ မရောက်သေးဘူးလားဆိုတာ ဇဝေဇဝါဖြစ်နေပါပြီ။ ထစ်ချုန်းရွာနေတဲ့ မိုးရေတွေကြားမှာ ချိနဲ့နဲ့အရိပ်ကလေးဟာ ဘယ်ကိုလှမ်းရမှန်းမသိဖြစ်နေပါပြီ။ ဒယီးဒယိုင်သစ်ရွက်ငယ်ကို မှီခိုရင်း နွမ်းနွမ်းနယ်အရိပ်ကလေးဟာ အရုပ်ကြိုးပြတ်ဖြစ်နေပါပြီ။ ဓမ္မဓိဋ္ဌာန်ကျကျ ဆင်ခြင်နိုင်စွမ်းမဲ့ အရိပ်ကလေးဟာ တစ်စွန်းတစ်စကြားရတဲ့ အသံလားရာဆီ သောကအပြည့်နဲ့ မျှော်ကြည့်နေမိပါပြီ။

နက်ရှိုင်းတဲ့ တောမြိုင်၊ နောက်ကျိနေတဲ့ လမ်းတွေ ၊ နင့်နင့်သီးသီးကြမ်းရှနေတဲ့ ဥတုရာသီဟာ အရိပ်လေးရဲ့ သမုဒယပမာဏကို စမ်းသပ်နေကြတာပေါ့။ ပဋိညာဉ်ဝန်ခံစကားမထားခဲ့ပေမယ့် အသံသဲ့သဲ့အပေါ်ချည်မိတဲ့ နှောင်ကြိုးမြဲသွားပြီဖြစ်တဲ့ အရိပ်ကလေးဟာ ကြံ့ခိုင်မှု နွမ်းနွမ်းပါးပါးနဲ့ပဲ ရှေ့ဆက်သွားတယ်တဲ့လေ။

ပြဿဒါးနေ့ရက်တွေ အဆုပ်လိုက်လွင့်လာကြားက ပွတ်ကာသီကာလွတ်မြောက်နေတဲ့ အရိပ်ကလေးရဲ့ အသက်နဲ့ခန္ဓာလည်း မြဲနေခဲ့ပါတယ်။ ဖြစ်ရိုးဖြစ်စဉ်ပြဋ္ဌာန်းထားပြီးသား ကျိန်စာတစ်ခုရယ်လေ။ ဗီဇနာ သုံးရာလောက် ခရီးပေါက်ခဲ့ပြီးနောက်တော့ အသံလေးကို ပီပီသသကြားရလေတော့တာ။

ဘယ်သူတွေ ဘယ်လိုလှောင်ပြောင်ပေမယ့် ဘဒ္ဒကမ္ဘာရဲ့ အရူးနှမ်းဆုံးသူအတွက်လည်း ကောက်ရိုးမျှင်တစ်စ ကျလာသေးတာပဲနော်။ မှောင်ရိပ်အလွန်မှာ သံညင်းလေးနဲ့ အရိပ်ကလေး မျက်နှာချင်းဆိုင်ခွင့်ရခဲ့လေပြီ။

ယောင်နနဖြစ်နေတဲ့ အရိပ်ကလေးဟာ နှုတ်ဆက်ချင်ပေမယ့် အသံလေးက သူ့ကို မျက်ကွယ်ပြုနေတဲ့အခါ အပြုံးတစ်စပင် မဖန်တီးနိုင်တော့ဘူး။ ရွှင်ရွှင်ပြပြခွန်းချိုဆိုချင်ပေမယ့် အရိပ်တစ်ခုသာမို့ “ နေကောင်းလား” ဆိုတဲ့ အသံတစ်စပင် မဖြစ်ထွန်းခဲ့ပါဘူး။ လှိုက်လှိုက်လှဲလှဲ အားပေးချင်ပေမယ့် ကူညီနိုင်မယ့်အခွင့်ကို ဖန်တီးနိုင်တဲ့အရိပ်လည်း မဟုတ်ဘူးလေ။

ဝမ်းနည်းခြင်း အပြန်းအထန်ရိုက်ခတ်လို့ အရိပ်ကလေးဟာ မျက်ရည်တစိမ့်စိမ့်ကျလာတယ်။ သက်စွန့့််ကြိုးစားခဲ့ပေမယ့် ကိုယ့်အခြေအနေကိုယ် နားမလည်ခဲ့တဲ့ အရိပ်မိုက်ရဲ့ ရင်ကွဲချိန်ပေါ့။ ဟက်တက်ပဲ့ကျိုးသွားတဲ့ နှလုံးသားအကြေအမွတွေနဲ့အတူ အရိပ်ကလေး ကတိမ်းကပါးလဲပြိုသွားပြီလေ။

ကြီးအက္ခရာပါတဲ့ ကဒ်ပြားလေးဟာ မျက်စိရှေ့မှောက်လွင့်ကျလာပေမယ့် အရိပ်ကလေးအနေနဲ့ အနက်ဖော်နိုင်စွမ်း မရှိတော့ပါဘူး။ အရိပ်ကလေး လွတ်မြောက်သွားပြီတဲ့လေ။ .... ။


Woman in an Armchair oil painting by Pablo Picasso


( ဆရာမမေငြိမ်း tag တဲ့ က မှ အ အဆုံး အက္ခရာစာစီစာကုံးကို ကြိုးစားပန်းစား ဖြေထားတာဖြစ်ပါတယ်။ ဃ ၊ဍ ၊ ဎ ၊ ဠ စကားလုံးတွေကို မလွှဲမရှောင်သာလို့ tarot cards အဖြစ်ဖန်တီးလိုက်ရတာကို ချစ်တဲ့ဆရာမ ခွင့်လွှတ်ပါလို့ :D)

20 comments:

သိင်္ဂါကျော် said...

ခါတိုင်းလိုပဲ အဖွဲ့ကောင်းတဲ့ ပုံပြင် အောက်မေ့နေတာ.. :)
က - အ tag post လို့တောင် မထင်ရဘူး။

အမရာ said...

တော်တော်တော်တဲ့မယ်ပဲကွယ့်..
စိတ်ဝင်စားစရာလဲကောင်းတယ်..
ကကြီးကနေအ အထိလဲပါအောင်
ရေးနိုင်တယ်..အားကျပါရဲ့နော်..


ချစ်တဲ့
အမရာ

အိန္ဒြာ said...

ဟယ်တော်လိုက်တာ..
ဠင်းဒကြီး စီးစရာမလိုဘူးတော့...

ချစ်တဲ့

Anonymous said...

စကားလုံးကြွယ်ဝသူလေးဆိုတော့ စာလုံးလေးတွေစီပြီ ပုံပြင်တစ်ပုဒ်တောင် ပြောသွားနိုင်သေးတာ..နော်။
အရမ်းတော်တဲ့ ညီမလေးပါပဲ.. :))
လသာည

Anonymous said...

(^_^)

ကိုဇော် said...

စိတ်ကူးလေး ကောင်းတယ်ဗျာ။
ကျနော်ကျတော့ မချစ်ကြည်အေး Tag လို့ ရေးထားတာပါ။ ဒီလိုမျိုး Tag ရေးရရင် ပျော်ပါတယ်။

http://www.zaw357.net/2010/05/tag.html

Anonymous said...

ကျွန်တော်တို့လို စာလေးတွေဖတ်ရင်း အခြား တစ်ယောက်ဆီကို မျှဝေချင်တဲ့သူတွေ အတွက်
ကော်ပီ လုပ်လို့မရတာ တော်တော်ကို အဆင်မပြေဘူးဗျာ..တစ်ယောက်နဲ့တစ်ယောက်
ခံယူချက်တွေ မတူကြဘူးနော်...

မယ်ကိုး said...

စာလာဖတ်ပေးတဲ့ မသိင်္ဂါကျော် ၊ မမအမရာ ၊မမအိန္ဒြာ ၊မမလသာည၊ ပထမ Anonymous၊ ကိုဇော် ၊ ဒုတိယ Anonymous တို့ကို အထူးကျေးဇူးတင်ပါတယ်ရှင်။

ဒုတိယ Anonymous ရှင်....
ကျွန်မစာကို မျှဝေချင်တယ် ဆိုတဲ့အတွက် ကျေးဖူးအထူးတင်ပါတယ်ရှင်။ မျှဝေချင်တယ်ဆိုရင်လည်း ကူးလို့ရတဲ့ နည်းပေါင်းများစွာ ရှိပါတယ်ရှင်။ ကူးနေကြတဲ့သူတွေလည်း ရှိပါတယ်။ ကျွန်မဆီမှာ pdf စာလိုချင်တယ်ဆိုလည်း urmaecoe@gmail.com ကို ဆက်သွယ်လို့ရပါတယ်ရှင်။

ကျွန်မဒီလို right click နှိပ်လို့မရအောင် လုပ်ထားမိတာ copy right လေးကို သိသာစေချင်ရုံမျှသာ ဖြစ်ပါတယ်ရှင်။ ဘာဖြစ်လို့လဲဆိုတော့ ကျွန်မရဲ့စာတွေကို magazine စာမျက်နှာပေါ်ရောက်အောင် ကြိုးစားနေလို့ပါ။ ကျွန်မရေးနေတာတွေဟာ ရသစာပေဖြစ်တဲ့အတွက် ဖောင်းပွရိုးအီသွားမယ်ဆိုရင် magazine စာမျက်နှာပေါ်ရောက်ဖို့ မလွယ်တော့တာကြောင့် ဖြစ်ပါတယ်ရှင်။

စာလာဖတ်ပေးတဲ့သူအားလုံးကို ကျေးဇူးအထူးတင်ပါတယ်ရှင်။

ကာရံဆူး said...

မမမယ်ကိုး...အရမ်းးးးးးးးးးးးးး တော်တယ်..

ခိုင်နုငယ် said...

က ကြီးကနေ အ ထိ ရေးထားတဲ့အက္ခရာ
သံစဉ်လို့တောင်မထင်ရဘူး...
ညက်ညက်ညောညောနဲ့အရေးအသားတွေ
ထိမိလွန်းတဲ့ အမမယ်ကိုးရဲ့စာများကို
မဂ္ဂဇင်းစာမျက်နှာတွေပေါ်ရောက်တဲ့ထိအားပေးနေပါ့မယ်။
အားပေးလျှက်...
ခိုင်နုငယ်

ခင်လေးငယ် said...

မယ်လေးရေ....

အိုင်ဒီယာလေး ကောင်းသလို
အဖွဲ့လေးတွေကတော့ ပြောစရာမလိုအောင်
ကျွန်မတို့ မယ်.... ပေါ့ကွယ်

လာဖတ်မိတဲ့ ခု အချိန်မှာ ကျွန်မ ခံစားနေရတဲ့ စိတ်တွေနဲ့
တချို့ တချို့သော နေရာလေးတွေဟာ တထပ်တည်းပါ မယ်.. ရယ်

း(

ချော(အစိမ်းရောင်လွင်ပြင်) said...

မမယ်ကိုးက စာတင်ရေးကောင်းတာမဟုတ်ဘူး
အတွေးလေးတွေကလဲ ကောင်းတယ်..
ဒီတော့ ဖတ်ရတာ အရသာအပြည့်နဲ့ပေါ့..
မယ်ကိုးရဲ့ ရည်မှန်းချက်လေး အောင်မြင်ပါစေ..
အမြန်ဆုံးအကောင်အထည်ဖော်နိုင်ပါစေလို့
ခင်မင်ရင်းနှီးစွာ ဆုတောင်းပေးသွားပါတယ်နော်..

လင်းဒီပ said...

အို အရိပ်ကလေးရယ်..အို အရိပ်ကလေးရယ်... လို့ ဂျေမောင်မောင် သီချင်းကို ဆက်ဆိုသွားမိပေတော့သည် ။:P

မေငြိမ်း said...

သမီးး
တကယ် စိတ်ပါ လက်ပါ ရေးထားတာပါကလား.. ဒါကြောင့် တကယ်ကြီးကို ကောင်းတာ..။ ကျေးဇူးဗျားးး

ama said...

sis,
I really appreciate...
even u didn't have much time,u could write this post very well..
respect your effort.

with mitta,
ama

အပြုံးပန်း said...

မယ်ကိုးရဲ့စာကို ဖတ်ရင် အချိန်ယူပြီး အနည်းဆုံးနှစ်ခါ ဖတ်မှ ဖြစ်တာမို့ အခုမှ လာဖတ်ဖြစ်တယ်၊


ဖတ်ရင်းနဲ့မှ ကကြီးကနေ အ ကို စီရင်း ပုံပြောသွားမှန်းသိတယ်၊ ဟိုလေးလုံးကို သုံးသွားတာလေး သိပ်လှတာပဲ၊

ဝေါဟာရတွေကို ဘယ်လိုများ တတ်ကျွမ်းနေပါလိမ့်၊

ကိုအောင်(ပျူနိုင်ငံ) said...

အက္ခရာကို စာနဲ့ ဖော်ကျူးထားတာ ဖတ်လို့ကောင်း
တယ်ဗျာ၊ လေးစားပါတယ်။

ဝက်ဝံလေး said...

အယ် မမ လန်းတယ်ဗျိုးးးးးးးးးး

အရိပ်ကလေး said...

ညလေးမယ် ..သိပ်တော်တာပဲကွယ်..မယ်ရဲ့ဆန္ဒလေးတွေပြည့်ဝပါစေလို့ မမဆုတောင်းပေးပါတယ်..
မမကနာမည်အသစ်ထပ်ပေးမယ်...
မယ်တော်လေးပေါ့..:P..;D

ချစ်တဲ့

Orange Chit Thu said...

အော်..စကားလုံးကြွယ်ဝသူ များကျတော့လဲ ရေးတတ်လိုက်တာ...ဖတ်ရင်းနဲ့မျောပါလို့သွား....