31 July 2010

“လရောင်ချိုးတဲ့ လှေကားထစ်များ”



ဒီကျွန်းနိုင်ငံသားတွေဟာ မျက်နှာစိမ်းများကို “ မနက်ခင်းပါ” လို့ နှုတ်ဆက်တတ်ပါသလား။ သူနဲ့ မဆုံခင်အထိ ကျွန်မ မမျှော်လင့်ခဲ့ပါ။ “ မနက်ခင်းပါ” ဆိုတဲ့ ချိုသာနွဲ့လေညင်းလေးတစ်မျှင် အနားက ပျံသန်းသွားတယ်။ မမြင်ချင်ယောင်။ မသိချင်ယောင်။ မကြားချင်ယောင်ဆောင်နေ လို့ စိတ်ကို ဘယ်လိုပင် သံပတ်ပေးပေမယ့် သူ့ကို ငဲ့လို့ ကြည့်ချင်မိပြန်။

သုံးပေအကျယ် လှေကားကျဉ်းကျဉ်းလေးမှာ သူ့ကို မထိခိုက်အောင် ရှောင်ရှားဖြတ်သန်းနိုင်ပေမယ့် ကျွန်မရဲ့အတွေးတွေကို သူက အမြဲလို ခလုတ်တိုက်နိုင်နေတာ ဆိုးတယ်။ ဒါဆို ဒီလှေကားက မဆင်းပဲ ဓာတ်လှေကားသုံးတော့ပေါ့ ... ဆိုရင်။ ဟင့်အင်း။ အရှုံးပေးရာ ကျမှာပေါ့။ သူ ဒီလှေကားက မပြေးခင်ကပင် ကျွန်မ အတက်အဆင်းလုပ်နေခဲ့တာ။ ခက်တယ်။ ကျွန်မရဲ့ ရုံးသွားချိန်တွေဟာ သူ့ရဲ့ ပြေးချိန်နဲ့ ဘာလို့ လာတိုက်နေရတာလဲ ။ မုန်းတယ်။

ဘူတာရုံကို သုံးမီးနစ်လောက်လျှောက်ရုံနဲ့ ရောက်တဲ့ အိမ်ခန်းကို ရွေးချယ်ပြီးကတည်းက လမ်းလျှောက်ဖို့ အခွင့်နည်းပြီမို့ ဒီလှေကားကိုသာ မသုံးရင် ကိုယ်အလေးချိန်ဟာ တစ်လ တစ်ပေါင်နှုန်းတက်မယ့်ကိန်းရယ်။ အဲဒါကြောင့်လည်း သူပြေးတာ နေမှာ။ ကျွန်မကလည်း လှေကားကို ပြေးဆင်းတတ်တော့ …။ ဒီတိုက်ဆိုင်မှုဟာ နူဖူးကွဲစေနိုင်တာ။ သက်ပြင်းချမိတယ်။ အံ့သြစရာ ... ရုံးသွားချိန်ကို ရှေ့တိုးနောက်ဆုတ် အနည်းငယ်လုပ်ဖြစ်လည်း တိုက်ဆိုင်မှုက မရှောင်လွဲနိုင်။ ပြီးတော့ နှစ်ယောက်စလုံးက ဘယ်သူမှ အလျှော့မပေး၊ မရပ်တန့်ချင်။

ဒါကြောင့်ပဲ သူက ဒီနည်းစနစ်ကို သုံးခဲ့တာလား။ “မနက်ခင်းပါ” တဲ့။ နည်းနည်းတော့ သက်ရောက်မှုရှိတာ အမှန်ရယ်။ ကျွန်မရဲ့ ခြေလှမ်းတွေ အနည်းငယ် တုံ့နှေးသွားပြီလေ။ တဆက်တည်း ဂျူးရဲ့ “အရောင်များနဲ့ ကစားခြင်း” ဝတ္တုတိုကို သတိရမိပြန်။ အဲဒီမှာ အားကစားလုပ်နေတဲ့ ကောင်လေးရဲ့ ဆံပင်အရောင်ကစလို့ ကောင်လေးရဲ့ အရောင်တွေအကြောင်း တွေးမိပြန်တဲ့အခါ အနေပိုလို့ ခက်လာ။ သူ့ကို ငဲ့စောင်းလို့ပင် မကြည့်ရဲတဲ့အကြား မျက်လွှာကို အတင်းချမိပြန်။

ဒါပေမယ့် အမှုမဲ့ထားဖို့အရေးဟာ သေလုအောင်ခက်ပါလားလို့ ဝန်ခံရတော့မှာ။ ကျွန်မ ပြောင်းလဲသွားပြီတဲ့။ ရုံးက မြန်မာအသိုင်းအဝိုင်းသာမက လူမျိုးခြားတွေပင် လာပြောကြတာ။ ဒီရုံးမှာ လုပ်နေတဲ့ သုံးနှစ်နီးပါးသက်တမ်းမှာ ဂျင်းဘောင်းဘီ ပထမဆုံးဝတ်တာမို့ ထူးဆန်းလို့တဲ့လေ။ ဘယ်လို ရှင်းပြရမလဲ။ သူ့အနားက ဂါဝန်တကားကား၊ စကပ်တဖားဖားနဲ့ လှေကားထစ်တွေအပေါ် ပြေးမဆင်းချင်ပါကွယ်။

အရင်းနှီးဆုံးသူငယ်ချင်းကိုတော့ အဖြစ်မှန်ကို ပြောဖြစ်ရဲ့။ သူက ပြန်မနှုတ်ဆက်ရင် ရိုင်းမှာဆိုပဲ။ တကယ်တော့ ကျွန်မမှာ ရုံးစောင့် ဦးလေးကြီးက အစ သန့်ရှင်းရေးဝန်ထမ်းက အဆုံး မနက်ခင်းပါ လို့ စတင်နှုတ်ဆက်တတ်သူပါ။ သူ့ကိုသာ ခြွင်းချက်။ ဘာလို့ ကြောက်နေမိပါလိမ့်။ ဒါပေမယ့် “နင့်ကိုနင် မလုံတာ” လို့ သူငယ်ချင်းက ရန်စတော့ နောက်တစ်နေ့မှာပဲ ပြန်နှုတ်ဆက်ခဲ့ဖြစ်ပေါ့။

“ Morning…”

စိတ်လှုပ်ရှားလွန်းလို့ အနည်းငယ်ကျယ်သွားတဲ့ အသံထက် ရင်ခုန်ခြင်းကပဲ ပိုမို ဆူညံနေခဲ့သလား။ မသိချင်။ ဝေဖန်ပိုင်းခြားလည်း မလုပ်ရဲပါဘူး။ လှေကားမှာ ခြေစုံရပ် သူ့ဆီမျက်နှာမူကာ ခေါင်းမော့ပြီးကို ပြောဖြစ်ခဲ့တာရယ်။ သူက လှေကားအကွေ့ပင်ရောက်နေပြီ။ ဘယ်လိုမှ ထင်မထားဟန်။ အံ့သြဟန်နဲ့ သူလည်း ရပ်တန့်သွားတာ။ အလို… ။ အပြုံးက နူးညံ့ချိုလွန်းချည့်။

ကမန်းကတန်း မျက်နှာလွှဲလိုက်ပေမယ့် သူ့ကြင်နာကြည့်က ရင်ထဲကို စိုက်ခဲ့ပြီ။ သိမ်မွေ့နွေးထွေးသော မျက်ဝန်းများ။ ဘုရားရေ။ ကျွန်မဒူးတွေ ညွတ်ကျမသွားအောင် နတ်ကောင်းနတ်မြတ်တွေ စောင်မတော်မူပါ။ သူ့နဲ့ ဝေးရာပြေးဆင်းခဲ့ပေမယ့် သူ့မျက်ဝန်းရိပ်စက်ဝန်းက မလွတ်မြောက်နိုင်တော့။

သူငယ်ချင်းကို အားကိုးရပြီ။ “ငါ့ပုံစံက သူများတွေအမြင်မှာ သနားစရာကောင်းနေလား” ဆိုမိတော့ သူငယ်ချင်းက အကောင်းဆုံးဟာသကို ကြားရသလို ရယ်လိုက်ရာ ကျွန်မပင် ပြန်ထိတ်လန့်ရ။ “သနားစရာတော့ မကောင်းဘူး ရိုက်ချင်စရာပဲကောင်းတယ်” လို့ အမှန်ဆိုပေမယ့် ကျွန်မမှာ အအိပ်ပျက်အောင် စဉ်းစားပူရပြီ။

ကျွန်မရဲ့ ကျောလယ်မရောက်တရောက် ဆံပင်တွေဟာ ပုခုံးထောက်လို့ ကော့လန်ကွေးနေရာ အများအမြင်မှာ စိတ်ပျက်စရာကောင်းပေမယ့် သူ့အတွက် သနားစရာများ ဖြစ်နေသလား။ ကျွန်မက ရောင်စုံလိမ်းခြယ်ပြင်ဆင်တတ်သူ မဟုတ်ရာ မျက်နှာပြောင်နဲ့မို့ သူ့စိတ်ထဲ နွမ်းပါးလွန်းတယ် လို့ ထင်မှတ်သလား။ ပြီးတော့ ချမ်းတတ်တဲ့ ကျွန်မရဲ့ ရုံးသွားဝတ်စုံပုံစံမှာ အမြဲလို အလွှာလွှာအထပ်ထပ်နဲ့မို့ သူ့အမြင်မှာ မတင့်မတယ်နဲ့ ချို့ယွင်းနေသူတစ်ယောက် ဖြစ်ခဲ့သလား။

ခက်ပြီ။ အခုပဲ ဆံပင်သွားဖြောင့်ရတော့မလို။ အဝတ်အစားပုံစံကို layer style ကနေ formal ဟန် ပြောင်းရတော့မလို။ တကိုယ်လုံး မွမ်းမံပြင်ဆင်ပြီးမှ ရုံးသွားရတော့မလို အတွေးတွေ ပွေလီကုန်ပြီ။ ဒုက္ခပေးလွန်းတဲ့ မျက်ဝန်းကြည့်ပါပဲ။ ဒါပေမယ့် ကြည်သာပျော်ရွှင်စွာ လက်ခံနေမိ။ ရူးချင်ပြီ။ သိမ်မွေ့ကြင်နာသော မျက်ဝန်းများ။ သူငယ်ချင်းကလည်း အဆင်းဘီးတပ်ပေးလေတာ။ “လက်စွပ်ဝတ်မထားရင် ပြန်သာပြုံးပြလိုက် သယ်ရင်း” တဲ့။ ဘုရား။ ဘုရား။ တစ်ဦးဦးကို နှုတ်ဆက်တဲ့အခါ ဘယ်သူက မျက်နှာတည်နဲ့ နေလို့လည်းကွယ်။ အပြုံးဟာ ထင်ယောင်မှားကို ဖန်တီးနိုင်သလား။ ကျွန်မမှာ နှလုံးရောဂါ မဖြစ်အောင် ဘုရားတရားသာ တနေမိတော့တာ။

ဒီကစားပွဲက နှုတ်ထွက်လိုက်ရမလား။ ဟင့်အင်း။ ငယ်စဉ်ဘဝထဲက မွတ်သိပ်ခဲ့တဲ့ ကြင်နာခြင်းဟာ ကျွန်မနဲ့ နီးစပ်ခွင့်ရှိတယ် မဟုတ်လား။ ရက်စက်ခေါင်းပါးတဲ့ ဥတုရာသီမှာ လရိပ်ဖြာခွင့် မရသင့်ဘူးလား။ အေးစက်ခါးသီးတဲ့နွေရက်တွေမှာ ငှက်ကလေးရဲ့တေးသံချိုကို နာခွင့်မရှိရတော့ဘူးလား။ မူးယစ်ဆေးစွဲသူလို ကျွန်မရဲ့ အသိဥာဏ်တွေ ပါးကုန်ပြီ။ ကြင်နာတဲ့ မျက်ဝန်းလေးအကြောင်းပါတဲ့ မျိုးကျော့မြိုင်ရဲ့ သီချင်းတစ်ပုဒ်ကို နေ့စဉ်ညဆက် နားထောင်မိလေပြီ။

06-A Way Gyi.wma

သင်ပြပါဦးနော် ။ နမိတ်ဆိုတာ တကယ်ရှိသလားဟင်။ အပြာညက်ညက် မျက်ဝန်းရိပ်လေးတွေ အစိမ်းရောင် ပြောင်းအောင် ကျွန်မပဲ ဖန်တီးခဲ့တာ။ အဲဒီနေ့က သူက နှုတ်ဆက်အပြီး ဆက်မပြေးဘဲ လှေကားခွင်မှာ ရပ်ကာ
“မင်းဖိနပ်ကြိုးတွေကို ပြန်ချည်ပါဦး” တဲ့။ ကျွန်မရဲ့ ဖိနပ်ကြိုးတွေ ပြေလျော့ကာ ရှည်ထွက်နေတာ သိပါတယ်။ ဒါပေမယ့် လှေကားခွင်ကျဉ်းကျဉ်းလေးမှာ ဖိနပ်ကြိုး ချည်နေမချင်တာမို့ “ကျေးဇူး” လို့ ဆိုကာ သူ့ကို ဖြတ်ကျော်ဖို့ ကြိုးစားတုန်း “ ရပ်လိုက်” တဲ့။

သူ့အမိန့်ကို မကြောက်ပေမယ့် ဖိနပ်ကြိုးကို ငုံ့လျှိုးချည်လိုက်မိတာတော့ နူးညံ့တဲ့ မျက်ဝန်းတွေရဲ့ ခိုင်းစေမှုကြောင့်သာ။ ဖိနပ်ကြိုးချည်ပြီး မတ်မတ်ပြန်ရပ်တော့ စောင့်ကြည့်နေတဲ့သူက အပြုံးချိုချိုနဲ့ စတင်မိတ်ဆက်လေတာ။ သူ့နာမည်ကို ပြောကာ တွေ့ရတာဝမ်းသာပါတယ်တဲ့။

အဲဒီအခိုက်မှာ ကျွန်မကိုယ်ကို မကောင်းဆိုးဝါး ဝင်စီးခဲ့သလေသလား။ ရက်စက်တဲ့ စကားတွေ နှုတ်က ဘယ်လို ထွက်သွားခဲ့ပါလိမ့်။ ချိုမြိန်ကြင်နာသော မျက်ဝန်းလေးတွေမှာ ခါးသည်းနာကျင်ရိပ်များ လွှမ်းသွားပြီ။ မချိပြုံးနဲ့ ကျောခိုင်းထွက်သွားတဲ့ သူ့နောက်ကျောလေးကို စိတ်မှတ်မဲ့ ငေးကြည့်နေမိခဲ့။ ဒါနောက်ဆုံးဆိုတာ ထိုအချိန်ထဲက မသိစိတ်မှာ တည်မြဲစွဲထင်နေခဲ့ပြီ။

တကယ်ပဲ နိဂုံးပါရယ်။ နောက်နောင်ဘဝ ဘယ်တော့မှ မဆုံဖြစ်တော့။ ဒီလှေကားလေးကို သူစွန့်ခွာသွားပြီလေ။ ဒါပေမယ့် ဂျင်းဘောင်းဘီဝတ်အမျိုးသမီးတစ်ဦးကတော့ ဒီလှေကားကို အတက်အဆင်းလုပ်နေမြဲ။ ပြီးတော့ ရင်ထဲက တိတ်တဆိတ်နှုတ်ဆက်မိမြဲ။

“It was nice to meet you”
“It was…”
“It was…”
သူ့ကို နှုတ်ဆက်ခဲ့တဲ့ နောက်ဆုံးစကားတစ်ခွန်း။

“It was…” ။ ဒီစကားလုံးကို ဘာဖြစ်လို့ သုံးနှုန်းခဲ့မိပါလိမ့်။ မရက်စက်ခဲ့ပါဘူးလို့ ကိုယ့်ကိုကိုယ်ညာရင်းမှာပင် ဆင်ခြေလေး ပေးပါရစေလေ။ ဒဏ်ရာပေါင်းများစွာနဲ့ သေလုမျောပါး လူမမာပါ။ လမှာ အခြေချဖို့ မကြံစည်ပေမယ့် အဝေးကလကို နှစ်လိုမိတာ အပြစ်ရှိသလားကွယ်။

ကြင်နာတဲ့ မျက်ဝန်းလေးရယ် … မငြိုငြင်ပါနဲ့နော်။ ညှင်းပန်းအေးခဲတဲ့ ဥတုရာသီအကြား အေးမြမှုတွေ သွန်းလောင်းပေးတဲ့ မင်းရဲ့လရိပ်လေးအောက် ခိုဝင်မိခဲ့သူကို သဘောထားကြီးစွာ ခွင့်လွှတ်လိုက်ပါကွယ်။...။

photo credit by www.elfwood.com

10 July 2010

နားလည်မှုဆိုတဲ့ စကားလုံးနှင့် သတ်ဖြတ်ခံရခြင်း

'Noblest pleasure is the joy of understanding.'
Leonardo da Vinci
.................................................................................................

လူတစ်ဦးက နောက်တစ်ယောက်ကို နားမလည်ဘူး။ တစ်ယောက်က နားလည်ချင်ယောင်ဆောင်တယ်။ နောက်ဆုံးမှာ လူတစ်ယောက် သေတယ်။ တစ်ဦးက ရယ်တယ်။ မျက်မြင်သက်သေတွေက ပြုံးတယ်။ သေအံ့ဆဲဆဲတစ်ယောက်ဟာ ငါးရာ့ငါးဆယ်ဇာတ်နိပါတ်တော်ထဲက အမရာကို သတိရလာတယ်။ 

အပ်ချုပ်သမားယောင်ဆောင်ထားတဲ့ မဟောသဓာဟာ အမရာ့အိမ်မှာ တည်းခိုရင်း ဆန်တစ်ခွက်ကို မုန့်ကြွပ်၊ ယာဂု၊ထမင်း ဆိုပြီး သုံးမျိုးရအောင်ချက်အောင် ချက်ခိုင်းလေရဲ့။ ပထမဆုံးတည်ခင်းတဲ့ အမရာရဲ့ ယာဂုဟာ လျှာကြောစိမ့်အောင်အရသာရှိပေမယ့် မဟောသဓာက မကောင်းဘူးဆိုကာ မြေပေါ်ကိုထွေးသတဲ့လေ။ စေတနာနဲ့ ပင်ပင်ပန်ပန်းချက်ပြုတ်ကျွေးတဲ့ အမရာဘယ်လို ခံစားရမလဲ မမှန်းဆနိုင်ဘူး။ 

လူတစ်ယောက်ရဲ့ မေတ္တာကို သူတစ်ဦးက ရွံရှာစရာဆိုကာ ခြေနဲ့နင်းပြီး လှောင်ပြောင်တယ်။ အဲဒီလူဟာ အမရာ မဟုတ်ပါဘူး။ နက္ခတ်လွဲနေတာပါ… င်္ဂြိဟ်ဆိုးဝင်နေတာပါ… လို့ ကြံဖန်တွေးရင်းမှာတင် ဝမ်းနည်းလွန်းလို့ နှလုံးသွေးပွက်ပွက် အန်တယ်။ သွေး။ သွေးတွေ။ အနီရောင်သွေးကြောမျှင်တွေ ပေါက်ထွက်ကုန်ကြတယ်။ သစ်ပင်တွေက ငိုကြတယ်။ သွေးဖြန်းပက်လို့ ပန်းတွေလည်း နီနီရဲပွင့်ကြတယ်။ 

ဇာတ်တော်ထဲက အမရာဒေ၀ီကတော့ အမျက်ဒေါသကင်းစွာနဲ့ မုန့်ကြွပ်ကို ကျွေးပြန်တယ်။ ထုံးစံအတိုင်း မဟောသဓာက မကောင်းရေရွတ်ပြီး ထွေးပစ်ပြန်လေတာ။ လူတစ်ယောက်ဟာ တော်လေးဝဝင်မဟုတ်ပေမယ့် ဒီကြမ္မာမှာတော့ အမရာနဲ့ ဖြစ်ရပ်ဆင်တူနေတယ်။ သူဟာ ဒဏ်ရာနဲ့ မတ်မတ်ရပ်နိုင်လာတဲ့အခါ မိုးစိုနေတဲ့ သူတစ်ဦးနား အရောက်သွားလို့ ထီးမိုးပေးဖို့ ကြိုးစားတယ်လေ။ ရလာဒ်ကတော့ အမရာအတိုင်းရယ်။ သူ့ရဲ့ထီးဟာ လှန်ရိုက်ချိုးခံလိုက်ရတယ်။ ထီးနဲ့အတူ သူဟာ မြေထက်ကို လွင့်စင်လဲပြိုသွားတယ်။ သူ့ရဲ့ နံရိုးတွေတင်မက နှလုံးသားတစ်ခုလုံး ကြေမွအက်ရှသွားတာ။ ဒီတစ်ခါတော့ သွေးတွေဟာ အရောင်ပြောင်းသွားပြီ။ မီးခိုးရောင်တဲ့။ လမ်းတွေဟာ မှုန်မှိုင်းရင့်ရော်သွားတယ်။ ကလေးတွေဟာ ညို့မှိုင်းတဲ့စွန်တွေ လွှတ်ကြတယ်။ ငှက်လေးတွေဟာ ကြေကွဲဖွယ်သီချင်းဆိုနေတယ်။ ဝဋ်ကြွေးတဲ့။

အမရာ့ဇာတ်ကတော့ ဆက်ရန်ရှိနေသေးတယ်ရယ်။ စိတ်ပျက်အားငယ်မှုမရှိတဲ့ အမရာဟာ ထမင်း ကျွေးပြန်တယ်။ထုံးစံအတိုင်း မဟောသဓာက မျက်နှာမဲ့ပြီး ထွေးပစ်ပြန်ပါရော။ မင်းကို လွမ်းလိုက်တာ။ အဲဒီလူတစ်ယောက်ဟာ အမရာလို စိတ်နှလုံးတည်ကြည်ခိုင်ခံ့သူမဟုတ်ပေမယ့် စိမ်းကားသူတစ်ဦးအနား ရောက်သွားပြန်တယ်လေ။ ရူးပါစေ။ ရူးနေတယ်လို့ လှောင်ကြပါစေ။ကဲ့ရဲ့ဆိုကြပါစေ။ လက်ညှိုးထိုးကြပါစေတော့။ ရှေ့မတိုးသင့်မှန်းသိပေမယ့် သူတစ်ဦးချော်လဲသွားတဲ့အခါ ပူလောင်စိတ်နဲ့ ထူမဖို့ ကြိုးစားမိတာ။ အဲဒီသူတစ်ဦးရဲ့ မျက်လုံးအကြည့်မှာ ဓားတွေ။ အဆိပ်လူးထားတဲ့ ဓားချက်တွေဟာ ရှောင်မလွတ်နိုင်အောင် သူ့နှလုံးသားကို အစိတ်စိတ်အမွှာမွာဖြတ်တယ်။ မူလအစတည်းက ကြေမွနေတဲ့ နှလုံးသားတွေဟာ ထိမိရုံမျှနဲ့ အပိုင်းအစစအဖြစ် ရင်ဘတ်အပြင်ဘတ်တိုင် ပေါက်ကွဲလွင့်စင်သွားကြတယ်လေ။ 

ဒီတစ်ခါတော့ သွေးတွေက အနက်ရောင်ပြောင်းသွားပြီ။ သွေးခြည်ဥနေတဲ့ နံရံမည်းမည်းများ။ အနက်ရောင်မိုးစက်တွေ။ ကြေကွဲခြင်းဟာ ရိုးတွင်းချဉ်ဆီတိုင်ခဲ့ပြီ။ သံယောဇဉ်ဆိုတဲ့ အမည်းရောင်ဆူးတွေ သွေးကြောတစ်လျှောက် ပွင့်လန်းပေါက်နေကြတာ ရပ်တန်းက မရပ်ကြသေးတော့ သက်သာရာရနိုးနဲ့ အဲဒီလူဟာ ဝင်ရိုးစွန်းရောက်အောင် ထွက်ပြေးရှာတယ်။ ဒါပေမယ့် ကြယ်ကလေးရေ... လွယ်လွယ်မေ့ဖို့ဆိုတာ အခက်ဆုံးအရာပါလား။ ဒီလိုနဲ့ သူဟာ အမရာကို လည်ပြန်ငဲ့ကြည့်မိပြန်ရဲ့။ 

အဲဒီအခါမှာ မဟောသဓာက ယာဂု၊ မုန့်ကြွပ်၊ ထမင်း သုံးမျိုးကို တစ်ပေါင်းတည်းနယ်ပြီး အမရာ ဦးခေါင်းမှစ ကိုယ်အလုံးကို သွန်းလောင်းလိမ်းကျံပြီး “သွား… အခုသွား … တံခါးဝမှာ နေချေ” လို့ ဆိုသံကို ကြားလိုက်ရတာ။ မျက်မာန်မရှိတဲ့ အမရာဟာ “အရှင်...ကောင်းပါပြီ၊ နေစေချင်နေပါ့မယ်” ဆိုကာ အေးဆေးသက်သာ ထွက်သွားသတဲ့။ 

တော်လေးဝဝင် အမရာဒေဝီဟာ ဥာဏ်ပညာပြည့်စုံသူမို့ သူ့ကို မဟောသဓာစမ်းသပ်နေတာလားလို့ စဉ်းစားတွေးဆနိုင်ဖို့ အခွင့်များပေတာ။ ဒီလူတစ်ယောက်ကတော့ အဲဒီလို မမျှော်လင့်နိုင်ပေဘူး။ သူ့ရဲ့ ဦးထိပ်ထက်ကို မုန်းတီးခြင်းတွေ သွန်ချခံရတဲ့အခါ ကြေကွဲလွန်းလို့ အရှင်လတ်လတ်မီးလောက်ပြာကျသွားပြီလေ။ အဆုံးမှာတော့ ချောက်နက်ထဲကို ဒလိမ့်ခေါက်ကွေးပြုတ်ကျသွားလေတာ။

တောက်လောင်ပူပြင်းတဲ့ ဝမ်းနည်းမှုနဲ့ အဲဒီလူတစ်ယောက်ရဲ့ နှလုံးခုန်ရပ်သွားပြီ။ သွေးတွေလည်း ခမ်းကုန်ပြီ။ တမ်းတခြင်းတွေလည်း ဆုံးသွားပြီ။ အဲဒီအခါမှာ အလောင်းကို မိုးကြိုးပစ်တယ်။ ငလျှင်လှုပ်တယ်။ ကောင်းကင်ပြိုကျတယ်။ အသဲကွဲပြီး သေသွားတာပါလို့ ဆိုချင်လည်း ဘာသက်သေမှ မရှိတော့ဘူးရယ်။ ဘာကို ကျိန်ဆိုရဦးမလဲ။ “နားလည်မှု မရှိဘူး” ဆိုတဲ့ စကားနဲ့ သူတစ်ဦးက သတ်ခဲ့တယ်ဆိုတာ နတ်သိကြားကအစ မသိခဲ့ပါဘူး။

အဲဒီလူကို အမြန်ဆုံး မြေမြှုပ်ပေးကြပါ။ နှလုံးသားပျောက်ဆုံးကာ ရင်ခွင်ဟောင်းလောင်းနဲ့ သေဆုံးသွားတဲ့ လူသေကို ရဟန်း၊ရှင်၊လူ မြင်ဖို့ မသင့်ပါဘူး။ ပြီးတော့ ကျေးဇူးပြုပြီး ထပ်မံကူညီပေးကြပါဦးနော်။ ဒီသေဆုံးမှုကို မှတ်တမ်းရေးတဲ့အခါ “နားလည်မှုဆိုတဲ့စကားလုံးနှင့် သတ်ဖြတ်ခံရခြင်း ” လို့ သတ်မှတ်ပေးကြပါလေ။...။

................................................................................................
 'A first sign of the beginning of understanding is the wish to die.'
Franz Kafka
.................................................................................................


Morgan Beatus, f. 112: The opening of the Sixth Seal: "And I beheld when he had opened the sixth seal, and, lo, there was a great earthquake; and the sun became black as sackcloth of hair, and the moon became as blood" (Revelation, 6.12)
.................................................................................................

04 July 2010

မယ့်ကာတွန်း



ချစ်ခြင်းတစ်ခု ဟာ ကျွန်မနဲ့ နေ့နံမသင့်ဘူးထင်ပါတယ်။ :P စာရေးမယ်ကြံတိုင်း အနှောက်အယှက်များလို့ပါ။ အခုလည်း ကွန်ပျူတာပျက်နေလို့ စာမရေးနိုင်... အချိန်ရှိခိုက်လုံ့လစိုက် ကာတွန်းပဲ ဆွဲနေမိပါတယ် :D ။ အမြင်မတော်သူ စေတနာရှင်အပေါင်း သူတော်ကောင်းတို့ မယ်ကိုးရဲ့ဝါသနာလေး ငုပ်လျှိုးပပျောက်သွားအောင် ပိုးစိုးပက်စက်ဝေဖန်ပေးကြပါရှင် :P

..........................................................................................................................................................................

..........................................................................................................................................................................

........................................................................................................................................................................