17 October 2010

“တစ်ခုသော သန်းခေါင်ယံ”


ကရကဋ်ရာသီဟာ ဘယ်ဂြိုလ်ခွင်နဲ့ ငြိနေလဲဆိုတာ ကျွန်မနားမလည်ပါဘူး။ ၂၀၁၀၊ ဇွန်လ ၂၃ ရက် ညဆယ့်နှစ်နာရီခွဲမှာ သိစိတ်မဲ့ ဖုန်းလက်ခံခဲ့တယ်လို့ ဖြေရင် မယုံသင်္ကာဖြစ်ကြမယ်ထင်ရဲ့။ တကယ်ပါ။ ည ဆယ့်တစ်နာရီမှာ ကျွန်မ အိပ်ရာဝင်နေကျဖြစ်ပေမယ့် သန်းခေါင်ယံချိန်ထိ အိပ်လို့မပျော်ခဲ့ဘူးလေ။ တိုတ်ဆိုင်မှုဆိုတာ ဣဒ္မိပါဒ်တစ်မျိုးဆိုရင် အကြောင်းမကြားဘဲ မိုးကြိုးပစ်ချခံခဲ့ရတာလို့ သဘောထားရတော့မှာ။ ထွေရာလေးပါး စကားစမြည်မဆိုတတ်သူဟာ မသိတဲ့ နံပါတ်ကိုလည်း ဖုန်းဖြေခဲ့မိပါတယ်။ ကျွန်မကိုယ် ကျွန်မလည်း နားမလည်လို့ ကံကြမ္မာပေါ့လို့ လွှဲချရဦးမယ်။ဒါပေမယ့် “ဟယ်လို” ဆိုတဲ့ ခဏချင်းမှာ အံ့သြရိပ်ကပ်နေပေမယ့် ဒေါသငြိမနေခဲ့ပါဘူး။ ဆရာတော်ဦးဇောတိကရဲ့ ဖုန်းဖြေခါနီး တစ်ဖက်လူကို မေတ္တာပို့ပြီးမှဖြေပါဆိုတဲ့ တရားစကားနာပြီးကတည်းက အကျင့်ဖြစ်နေခဲ့တာရယ်။ ဒါကြောင့် သူမက ကျွန်မအသံကို ကြားကြားချင်း ဖုန်းမှားမှန်းသိပေမယ့် ဆက်ပြောခဲ့တယ်လို့ ဆိုလေရဲ့။



“ကိုယ် သေချင်နေတာ အမှန်ပဲ”တဲ့ ။ “ဘယ်လို…” ဆိုတဲ့ အာမေဍိတ်သံထွက်မိပြီး မျက်လုံးပြူးကျယ်သွားခဲ့တာ။ တစ်ဖက်က ယောက်ျားလေးဆိုရင် နောက်ပြောင်တာပဲ ဆိုကာ ဖုန်းပိတ်လိုက်ဖို့ သေချာပေမယ့် သူမက မိန်းကလေးဖြစ်နေတာကြောင့် ကျွန်မ မစဉ်းစားနိုင်လောက်အောင်ဖြစ်ရပါတယ်။ အင်းမလှုပ်အဲမလှုပ်စကားမပြန်ဘဲ ဖုန်းမချနိုင်ခဲ့ပါဘူး။ သူမက ဆက်ပြောပါတယ်။ “တကယ်ပါ” တဲ့။ 

ဒုက္ခ။ စကားကြီးဆယ်မျိုးရှိတာ ကျွန်မ ဖတ်ဖူးရဲ့။ ရေကူးညာတင်၊ ကောက်ပင်ရိတ်လှီး ၊ ရေစီးဖောင်ဆန်၊ အိုးတန်ဆန်ခတ် ၊ ဆီပွတ်ကျည်ပွေ့ ၊ ဆင်ဝှေ့ရန်ရှောင်၊ တောင်သူ ယာခုတ် ၊ ကြက်ဆုတ်ခွပ်ပစ် ၊ ရေစစ်ကရား၊ ခက်တင်မောင်းနင်း ...ဟင့်အင်း…ဘယ်လိုပြောနည်းကို မှ ကျွန်မ မကျွမ်းကျင်ပါဘူး။ငရဲကြီးလိမ့်မယ်လို့ ခြိမ်းခြောက်ရမလား။ ရယ်စရာကောင်းနေမယ်။ “ဘာလို့ သေချင်တာလဲ” လို့ မေးရမလား။ သူတပါးကိုယ်ရေးကိုယ်တာကို စွက်ဖက်လို့ မသင့်ပေဘူး။ “ဖုန်းမှားနေပြီ”ဆိုကာ ဖုန်းချရမလား။ ဒီလို စာနာစိတ်ကင်းဖို့လည်း မတော်ပြန်ဘူး။
 

အဲဒီအချိန်မှာ စီးပွားပျက်ကပ်ကိုလည်းကျော်ခဲ့ပြီ။ ဘာကြောင့်ဆိုတာကို ကျွန်မ မခန့်မှန်းနိုင်ပါဘူး။ ဒီနိုင်ငံမှာ စိတ်ဓာတ်ကျပြီး သေကြောင်းကြံချင်ကြတဲ့ သူတွေ ဖုန်းဆက်ရင် အားပေးနားထောင်ပေးတဲ့ ဌာနတစ်ခုရှိတာ ကျွန်မကြားဖူးတာမို့ ညဉ့်နက်သန်းခေါင် ကွန်ပျူတာဖွင့်ကာ အဲဒီဖုန်းနံပါတ်ကို ရှာရတော့မလား။ ဘာကိုမှ မဆုံးဖြတ်နိုင်တာကြောင့် “ကျွန်မလည်း သေချင်နေတာ” လို့ ပြန်ပြောလိုက်ဖြစ်ခဲ့တာ။ “ တကယ်လား”တဲ့ ။ သူမ မယုံနိုင်အောင် အံ့သြသွားတဲ့ပုံပါ။ လူ့ပြည်မှာ မနေချင်တာတော့ အမှန်ပဲရယ်။“quarter life crisis လေ” လို့ ဇွတ်မှိတ်ပြီး ဖြေလိုက်ပါတယ်။ သူမက အသံတိုးတိုးနဲ့ “ အဲဒါဘာလဲ …ကိုယ်မသိပါလား” လို့ ဆိုပါတယ်။ သူမ ကျွန်မရဲ့ အရေးကို စိတ်ဝင်စားပါလား။ ဒီနည်းက မဆိုးလောက်ဘူးလို့ ဆုံးဖြတ်မိရင်း...
.

အသက် ၃၅ နှစ်က စဖြစ်တတ်တဲ့ mid life crisis ကို ရှင်သိမှာပေါ့။ quarter life crisis က ၂၀ ကနေ ၂၉ ကြားဖြစ်တတ်တာ… ဘာကြောင့်လဲဆိုတာ ရှင် မှန်းလို့ရမယ်ထင်တယ်။ ကိုယ့်ခြေထောက်ပေါ် ကိုယ်ရပ်ရတာ သိပ်ခက်ခဲလွန်းတယ်လေ။ ရပ်တည်ရာ ရှာတိုင်း အောက်ခံမြေက အမြဲလှုပ်ခါနေတာ မဟုတ်လား။ ဘွဲ့ရပေမယလည်း ကိုယ်လုပ်ချင်တဲ့အလုပ် မဟုတ်သေးဘူး။ ကျောင်းလခအကြွေးတွေနဲ့ အိမ်တို့ ကားတို့ ဝယ်နိုင်ဖို့ ဆိုတာ ဝေးလို့ …. မိဘမျက်နှာက်ို ဘယ်လိုပြန်ကြည့်ရမှန်း မသိဘူး။ အသက်တွေသာ ကြီးလာပေမယ့် အိပ်မက်က မရေရာတော့ဘူး။

Louis vuitton တို့ Prada တို့ မဝယ်နိုင်လည်း ကိစ္စမရှိပေမယ့် လောကကြီးမှာ မနေပျော်တော့ဘူး။” တကယ်က ထိုစဉ်ခိုက်မှာ ဒေမီအင်န်ဘား ရဲ့ ဖွဲ့စည်းတည်ဆောက်ပါ (အသက်လေးပုံတစ်ပုံတမ်း ကပ်ဆိုက်ကာလမှာ အသက်ရှင်ကျန်ရစ်ခြင်း)*ဆိုတဲ့ စာအုပ်ဖတ်နေခိုက်မို့ သူမကို ဒီအကြောင်းအရာ တွေ စကားစကာ လမ်းခင်းလိုက်ခြင်းသာ။သေချင်လောက်အောင် ကျွန်မ စိတ်ဓာတ်ကျမနေပါဘူး။ တဖြုတ်ဖြုတ်ကြွေကျနေတဲ့ ညနေခင်းတိုင်းမှာ ရောင့်ရဲမှုတွေနဲ့ ဒွေးရောယှက်တင် နေထိုင်နိုင်ပါသေးတယ်။ 

ဒီလို ညည်းလိုက်ရင် ဘဝတူရှိပါလား ဆိုပြီး သူမ စိတ်သက်သာရာ ရသွားလိမ့်မယ် ထင်ခဲ့ပေမယ့် သူမက “အဲဒီတော့ မင်းဘယ်လို သေမယ် စိတ်ကူးထားလဲ” တဲ့။အဲ…။ ရုတ်တရက် အဖြေမရှိခဲ့ဘူးရယ်။…ခဏနေပါဦး။သေချင်နေတာ သူမ မဟုတ်ဘူးလား။ အခု သူမက ကျွန်မကိုပါသေစေချင်နေတာလား။သေဖော်သေဖက်ညှိတယ်ဆိုတာ ဒါမျိုးထင်ပါရဲ့နော်။

“သေကြောင်းကြံနည်း ၁၇ မျိုးမကရှိတာ ကျွန်မ သိပေမယ့် အဲဒီလို ထွက်ပြေးရမှာ သတ္တိနည်းတယ်ထင်နေသေးလုိ့ ကြံစည်ဖြစ်ဦးမှာတော့ မဟုတ်ဘူး။ ဒီကမ္ဘာမှာ ကျွန်မထက် အခြေအနေဆိုးသူတွေ အများကြီး ရှိတာလေ။ အဲဒီလို လုပ်ရင် သူတို့ကို မလေးစားရာကျမှာပေါ့။” လို့ သွယ်ဝှက်ဖြောင်းဖြခဲ့ပေမယ့် ကျွန်မ မျှော်လင့်ထားသလိုပဲ သူမက လက်မခံပါဘူး။ “အဓိပ္ပါယ် မရှိတာ။ သူတို့အတွက် မင်းဘာမှ လုပ်ပေးနိုင်မှာ မဟုတ်ဘူး ” တဲ့။ ကျွန်မရဲ့ စည်းရုံးရေးညံ့ဖျင်းမှန်းသိပေမယ့် ဆက်ပြောခဲ့သေးရဲ့။ “တချိန်ချိန်မှာတော့ ကူညီနိုင်မှာပေါ့။ အဲဒီမျှော်လင့်ချက်နဲ့ပဲ အသက်ဆက်နေတာ” .... ဟင့်အင်း။ မဟုတ်ဘူး။ တကယ်တော့ ကျွန်မညာခဲ့တာ။ ကျွန်မရဲ့ ယုံကြည်ချက်တွေ ဆိတ်သုဉ်းနေတာ ကြာခဲ့ပြီ။ 

သူမက ဟက်ကနဲရယ်တယ်။ “မင်း စိတ်ကူးသိပ်ယဉ်လွန်းတယ်” တဲ့။ ဟုတ်မှာပါ။ နို့မို့ဆို ကျွန်မ သေပြီး ဖြစ်လိမ့်မယ်။“ထားပါလေ။ ရှင်ကရော... ” လို့ ကျွန်မ စကားခေါ်လိုက်ပေမယ့် သူမ တိုးတိတ်နေပါတယ်။ “ဟေး…” လို့ ကျွန်မပြန်ခေါ်လိုက်ပြီး “ကျွန်မ နားထောင်နေတယ်”လို့ ဆက်ပြောလိုက်တယ်။ အတော်လေးကြာမှ သူမက “ ကိုယ်နေမကောင်းဘူး” လို့ ပြောခဲ့တာ။ စိတ်စွမ်းအင်၊ ကံကြမ္မာ၊ ဇွဲ ဆိုတဲ့ စာမျက်နှာပေါင်းများစွာက အာဂုံဆောင်ထားတဲ့ စကားလုံးတွေ ကြက်ပျောက်ငှက်ပျောက်ဖြစ်ကုန်ပြီလေ။ အသက်ရှုရတာ ခက်ခဲသွားပြီ။ 

အခန်းမှာ ရုတ်တရက်အောက်ဆီဂျင်ခန်းသွားသလို မွန်းကျပ်လာခဲ့။ နေမကောင်းဘူး... နေမကောင်းဘူးတဲ့လား။ နာမကျန်းသူကို ဘယ်လို ထူမနိုင်မလဲ။ ကျွန်မ မကြံစည်နိုင်တော့ဘူး။ ဒီလို ဆွံအတုံ့ဆိုင်းမိခိုက်မှာ “မင်းနဲ့ စကားပြောရတာ ကောင်းတယ်။ ကောင်းသောညပါ” လို့ပြောပြီး သူမ ဖုန်းချသွားခဲ့တာ။ ပြန်လည်နှုတ်ဆက်ခွင့်တောင် မရခဲ့ဘူးလေ။ ဖုန်းပြန်ခေါ်ရမလားလို့ တွေးတောမိပေမယ့် သူမစိတ်ကို ချက်ချင်းပြောင်းလဲသွားအောင် ဖန်တီးနိုင်မှု ရာခိုင်နှုန်းက နည်းပါးလွန်းတာမို့ “ကောင်းသောညပါ။ ရှင်နဲ့ စကားဆက်ပြောချင်သေးတယ်။ နောက်နေ့ ကျွန်မဆီ ဖုန်းခေါ်ပါဦး” ဆိုတဲ့ စာတိုလေးပဲ ရိုက်ပို့ဖြစ်ခဲ့ရဲ့။ 

ဒါပေမယ့် သူမ အကြောင်းမပြန်ခဲ့ပါဘူး။ ဘယ်တော့မှ။ ဘယ်လိုမှ … ဤရွေ့ဤမျှ နဲ့ .... ပြီးသွားခဲ့ပြီလား။ ကျွန်မ စာတိုလေးတွေ ရိုက်ပို့နေဆဲပေမယ့် သူမ ပြန်လည် မဆက်သွယ်ခဲ့ပါဘူး။ နောက်ဆုံးမနေနိုင်လို့ ဖုန်းခေါ်ခဲ့ပေမယ့် သူမ ကျွန်မကို ပစ်ပယ်ထားခဲ့ပါပြီ။ ယနေ့ထက်တိုင်ပေါ့။ “ဖုန်းဆက်ပါ…ဖုန်းဆက်ပါ” လို့ တတွတ်တွတ်ရွတ်ပြီး ဖုန်းကို အမြုတေလို ကိုယ်နဲ့မကွာ ဆောင်ထားနေမိဆဲ။ ဖုန်းသံမြည်တိုင်း ကျွန်မ မအေးချမ်းနိုင်တော့ဘူးရယ်။ သူမရဲ့ ဖုန်းနံပါတ်ကို တောင့်တကာ ပူလောင်ခဲ့ပါပြီ။

သတ္တုလှိုင်းရဲ့ဂယက်ရိုက်မှုနဲ့ လူတစ်ယောက်စိတ်နောက်သွားနိုင်တယ် ဆိုတာ ကျွန်မ အလျှင်းမသိခဲ့ပါဘူး။ လုံးဝဥဿုံ မယုံနိုင်သေးပါဘူး။ ကျွန်မ အခြေအနေကောင်းပါသေးတယ်။ သည်းခြေမပျက်သေးပါဘူး။ ဒါပေမယ့်လေ... ဒါပေမယ့်ပေါ့ ဖုန်းမြည်သံကြားတယ်ထင်ပြီး ဖုန်းကောက်ကိုင်လိုက် စာတိုလေးတွေ ရောက်တယ်ထင်ပြီး ဖုန်းကို ဖွင့်ကြည့်လိုက်နဲ့ ဣနြေ္ဒမဆည်နိုင်တဲ့ လုတစ်ယောက် ရှိနေပါတယ်။ ကူညီတယ်ဆိုတာ ကိုယ့်စိတ်သက်သာအောင်သာ ပြုလုပ်တဲ့ ကောင်းမှုမဟုတ်ပါဘူး။ မကူညီခွင့်ရရင် အပြစ်ရစိတ်နဲ့ အသက်ရှုခက်စေတဲ့ တွန်းအားမျိုးကိုလည်း ပေးဆောင်နေတယ်လေ။ ဒါပေမယ့် ကျွန်မ ဘာတတ်နိုင်မှာလဲ။

ဒါဟာ ရက်စက်တဲ့ ကျီစယ်မှုပဲ။ အဲဒီလို မနောက်ကောင်းပါဘူးလေ။ ဟုတ်တယ်မဟုတ်လား။ သူမ ကျွန်မကို လျစ်လျူရှုလိုက်တာ... ပြီးတော့ မေ့သွားတာ။ ဟုတ်မှာပါ။ ဒါပေမယ့်နော် တိုက်ဆိုင်ရင်ပြောပေးပါ။ ကျေးဇူးပြုပြီး ဖုန်းခေါ်ပါလို့။ တဆိတ်ကလေး ။ သူမ ဒီကမ္ဘာမြေက ထွက်မပြေးခဲ့ပါဘူးလို့ ယုံကြည်အောင် ကျွန်မကို စကားပြန်ခဲ့ပါဦး...။ ကြိုတင်လို့ ကျေးဇူးတင်ပါတယ်… ။

မယ့်ကိုး



Damian Barr (Get it together: Surviving your Quarter life crisis) *

10 October 2010

ပြစ်မှု


ထက်ပိုင်းကျိုးအိပ်မက်တွေနဲ့ လူပါ။
သပွတ်အူတိမ်တိုက်မှာ အတင့်အတယ် မနေတတ်တဲ့အခါ
ဖမ်းဆုပ်နည်းလေး သင်တန်းပေးမယ်တဲ့လား။
ဟင့်အင်း။
အထုံရေစက်ဆိုတာ အနတ္တသဘောပဲမို့ လက်လွှတ်ထွက်ပြေးတဲ့ ကံကိုလည်း မစောင့်တော့ဘူးရယ်။
ရောင်ခြည်တော်စက်ဝန်းထဲ ခိုလှုံခွင့်မရသူပါ။
ဘယ်လိုလဲကွယ်။
အနက်ရောင် မျက်လွှာမဆောင်ထားခဲ့လည်း ရှုထောင့်လွဲမိတဲ့အခါ စည်းမျဉ်းနဲ့လှမ်းရိုက်ပြန်....
နေပါစေ...
ဖြတ်သွားဖြတ်လာစာနာမှုလေး လက်ဖြန့်မတောင်းနိုင်လို့ ရင်ကိုပဲ မီးထပ်ရှို့ပါရစေ။
ဒီလိုနဲ့ ကျွန်မ... ဒီမှာရပ်နေပါတယ်။
အသေတစ်ဝက်နဲ့။ ကောင်းကင်အကျိုးနဲ့။ ....။


Windfarm worries
acrylic painting
8 x 12 inches

04 October 2010

အပျော်ဖတ်ဇာတ်လမ်း မဟုတ်…

…...............................................................................................................
Women are not inherently passive or peaceful. We're not inherently anything but human. ~ Robin Morgan …...............................................................................................................

ကိုယ့်ကိုကိုယ် သဘောဖြူအူစင်းလို့ ပွဲမထုတ်သင့်မှန်းသိလည်း ရိုးသားခဲ့ကြောင်းတော့ ဖွင့်ဆိုချင်သေးတာ။ မေတ္တာရိပ်အောက်မှာ ကျွန်မ အမှန်ပင် ဒေါသဝေးခဲ့သူဖြစ်ကြောင်း ထပ်လောင်းလို့ ကိုယ်ရည်သွေးပြောချင်သေးရဲ့။ တကယ်ပါ။ မူလအစမှာတော့ မျက်လုံးကြောင်တောင်နဲ့ မောင့်အပြုံးလေးကို မျှော်ငေးတတ်တဲ့ အရိပ်တစ်ခုသာရယ်။ ဒါပေမယ့် မောင့်ရဲ့ ရှေ့တိုးနောက်ဆုတ်ကစားပွဲမှာ အသဲမွမွကြေပြီးနောက် နှုတ်ခမ်းကိုက်ကာ မဆိုင်တဲ့ ယောက်ျားတွေကို အမျက်ထားပြီလေ။

ဆုတောင်းမမှားခဲ့သူမို့ ရူးသူလည်း မရှိပါ။ ပြူစားတတ်သောဂါထာလည်း မရွတ်တတ်။ ဘယ်ကျော့ကွင်းမှလည်း မထောင်၊ ဘယ်ထောင်ချောက်မှ မဆင်၊ ဘယ်သူ့ကိုမှလည်း မမျှားဘဲ လက်သည်းဖွက်ပြီး တိတ်တိတ်ကလေးသာ နေခဲ့တာ။ မြှားရှေ့ကို ဝင်လာသူကတော့ ကျွန်မ သူငယ်ချင်းသာရယ်။ သူက ချစ်တယ်လို့ ဆိုတဲ့အခါ မောင့်အပေါ်ပျိုးမိတဲ့ အငြိူးတွေကို ဖွင့်ချဖို့ အခွင့်အရေးပေါ်လေတာ။ သူငယ်ချင်းဆိုတဲ့ အခွင့်အရေးကို လက်လွတ်စပယ်အသုံးချကာ မျက်လုံးတောက်တောက် ရယ်စစနဲ့ “ ဘာလို့ မိန်းကလေးတွေ အများကြီးကြားက င့ါကို ချစ်တယ်လို့ ပြောတာလဲ။ ငါ့ကို လိုက်ရင် အလွယ်ရမယ် ထင်လို့လား” ဆိုကာ နာကျင်စကား စဆိုပါတယ်။ မောင့်အတွက် အမုန်းတွေကို လမ်းလွှဲပို့ချင်သူမှာ ကိုယ်ချင်းစာတရား မရှိတော့ဘူးရယ်။

 “အချစ်ဆိုတာ အလကားပါ။ နင့်ငါ့ကို မရရင် နောက်သုံးလကြာတဲ့အခါ နောက်တစ်ယောက်ကို ပြောင်းကြိုက်မှာပဲ မဟုတ်လား” ဆိုကာ သူ့သိက္ခာကို အလျားလိုက်ချနင်းဖို့ ဝန်မလေးချင်။ တရားခံကတော့ သူဟာ ဘယ်လိုပင်စွပ်စွဲလည်း ခေါင်းငုံ့ခံတတ်တဲ့ သူငယ်ချင်းဖြစ်နေခြင်းပါပဲ။ ဒါကြောင့်မို့ ကျွန်မကို ဆိုးသလားလို့ မေးရင်တော့ ခေါင်းသွက်သွက်ခါ ငြင်းဦးမှာ။ သူငယ်ချင်းတွေ စွပ်စွဲသလောက် မရမ်းကားသေးပါဘူး တကယ်ပါ။ 



သူ ဖုန်းဆက်ရင် မကိုင်။ သူ စာတိုလေးတွေပို့ရင် မပြန်ရုံလောက်သာ ရှိတာပါ။ ဒီလောက်လေးနဲ့ လွန်တယ်လို့ သမုတ်ကြတော့ ဖုန်းပျောက်လို့ ဖုန်းပျက်လို့ ဆိုကာ အားလုံးနဲ့ အဆက်အသွယ် ဖြတ်ထားလိုက်ရတော့တာ။ ဒီကျွန်းလေးမှာ လက်ကိုင်ဖုန်းမသုံးဘဲ သုံးလေးလနေသူဆိုလို့ ကျွန်မ တစ်ယောက်ပဲ ရှိမှာပါ။ ဒါပေမယ့် သူ့သည်းခံနိုင်စွမ်းက ကြီးလွန်းသလား။ ပြေးလျှင် လိုက်ချင်သော ယောက်ျားသဘာဝ အပြည့်အဝရှိလေသလား ။ ကျွန်မလိုပင် ဝဋ်ကြီးသူလား ။ သေသည့်တိုင် စောင့်ဦးမယ်ဆိုပဲ။ ဒီတော့ ကံဆိုးတဲ့သူ့ကို လူမိုက်အားပေးပါလို့ ထပ်မံ စွဲချက်တင်ချင်သေးတာ။

 နှလုံးသားကြေးထပ်ထားတဲ့ ကစားပွဲမှာ ကျွန်မက ဆိုးသူဆိုရင် သူက ညစ်သူပါပဲ။ ငြင်းနည်းမျိုးးစုံ ကုန်သွားလည်း သူကလက်မခံ။ စိတ်ချမ်းသာပျော်ရွှင်အောင် သူကြိုးစားမယ်ဆိုပဲ။ ဟာ..ဟ။ မောင့်ကို တမ်းတလျှက် မျက်ရည်တလည်လည်နဲ့ ရယ်တတ်လေပြီ။ ချစ်သောမောင်ဆီကသာ အလိမ်စကားပဲဖြစ်ဖြစ် ကြားချင်မိတာ။ ဒီလိုနဲ့ အရူးစိတ်ဖြစ်ကာ ဒေါသနောက်ကျိပြန်။ သွားပါတော့။ တစ်ယောက်ကို တစ်ယောက် မကယ်တင်နိုင်တဲ့ လောကကြီးပါကွယ့်။ တစ်ယောက်အသည်းကို တစ်ယောက်တက်နင်းမှ ပြုံးရယ်နိုင်တဲ့ လူသားတွေရယ်ပါ။ 

အမုန်းတွေ ပွင့်ဖူးချိန်မို့ လက်မရှောင်ချင်တော့ဘူးလေ။ မောင့်အပေါ် မရည်ရွယ်ရက်တဲ့ အမျက်တွေနဲ့ ဒုက္ခလှလှကို စတင်တီးခတ်တော့တာ။ “နင်အသက်ကြီးလာတော့ တစ်ယောက်တည်း မနေချင်တော့တာ။ အိမ်ထောင်ကျချင်တာ ငါနားလည်ပါတယ်။ ဒါပေမယ့် ငါက နင်မျှော်လင့်သလို ကျွန်ကောင်းဖြစ်မှာ မဟုတ်ဘူး။ခြေဆုတ်လက်နယ်ပြုစုဖို့ ဘယ်သူ့ကိုမှ ငါစိတ်မကူးဘူး” ထိုသို့စကားမျိုး ပြောထွက်ခွင့်ရတာကိုပဲ ကျွန်မ ပျော်နေတတ်တာ။

 ဒါပေမယ့် တဒင်္ဂလေးတောင် စိတ်မချမ်းသာပါဘူး။ ကျွန်မက ရိုင်းစိုင်းသူလား။ ကိုယ့်ကိုယ်ကိုယ်တော့ သိမ်သိမ်မွေ့မွေ့နဲ့ နှိပ်စက်ကလူပြုတတ်သူလို့ ယုံမှတ်ပါရဲ့။ မချမ်းမြေ့နိုင်သူမို့ တိတ်တဆိတ်အငြှိုးတွေဟာ အုံဖွဲ့ရွာချနေဆဲရယ်။ “နင့်အချစ်ဆိုတာ ဘာလဲ ... မိန်းမ မရှိရင် မနေနိုင်လို့ cover ယူတာ မဟုတ်လား” လို့ အရက်စက်ဆုံးစကားတွေကို ဆိုတတ်ခဲ့ပေမယ့် စိတ်မကောင်းပါဘူး တကယ်။

 ..................................................................................................................... 
I think, therefore I'm single. ~Lizz Winstead 
...................................................................................................................... 

 သစ္စာဆိုရမယ်ဆို သူ့အသည်းကို ခွဲဖို့ မကြံရိုး အမှန်ပါ။ ဒါပေမယ့် စိတ်နာမကျန်းသူမို့ မကြည်သာသော စကားတွေပဲ သူ့ခမျာလက်ခံနေရတာ။ ယဉ်ကျေးချင်သူဖြစ်ပေမယ့် မငြိမ်းအေးနိုင်တော့ သူ့မှာ အပူဟပ်လေပြီ။ ဒါပေမယ့် အားနွဲ့သူမိန်းမငယ်တစ်ယောက်ရဲ့ ပယောဂကြောင့် အတောင်နှစ်ဆယ်ဝတ် မင်းယောက်ျားတစ်ဦး မသေနိုင်ပါဘူးလေ။ ဟုတ်တယ်မဟုတ်လား။ ကျွန်မရဲ့ စကားလုံးတွေကြောင့် သူ အောင့်သက်သက် အခံရခက်နိုင်ပေမယ့် အထိမနာနိုင်ပါ။ 

တစ်ခါတစ်လေတော့ သူက “နင်ဟာ လူကြီးစိတ်မွေးနေတဲ့ ကလေးပဲ” လို့ ချော့မော့ပြောတတ်လေရဲ့။ ဖြစ်နိုင်ပါတယ်။ သူပြောသလို ကျွန်မဟာ မရင့်ကျက်သေးသူပါ။ စိတ်ထားမကြီးမြင့်နိုင်သေးပါဘူး။ မောင့်ကို အရာရာအစစ သနားလို့ မဆုံးနိုင်အောင် ချစ်မိသူပေမယ့် စာနာစိတ်ကင်းကာ သူ့ရှေ့မှာတင် မောင့်အကြောင်းကို ပြောမိလေတာ။ “မောင်ဟာ သိပ်သနားဖို့ကောင်းတယ်။” လို့ ရွတ်မိတဲ့အခါ “ဘာဖြစ်လို့လဲ” လို့ မေးရင် အဖြေရှာမရပြန်။ သနားနေတာပဲ ရှိတာမို့ “မောင် ကျောပိုးအိတ်လေး လွယ်ထားတာ သနားပါတယ်။ ညောင်းနေမှာ” လို့ ဖြောင့်ချက်ပေးမိတတ်ရဲ့။ 

သူငယ်ချင်းမို့ သံယောဇဉ်အားကိုးနဲ့ သူ့ကို ညှင်းဆဲမိခြင်းလည်း ဖြစ်လိမ့်။ ပစ္စည်းတိုင်းလိုလို မောင့်အကြိုက်အရောင်တွေ ရွေးသုံးတတ်သလို သူ့ကိုလည်း မောင်နဲ့လိုက်မယ့် ပုံစံတွေ ဆင်မိတတ်တာ။ ခက်တယ်။ ပထမဆုံးအသည်းကွဲခြင်းမို့ ကုသချိန်ကြာခြင်းလည်း ဖြစ်လိမ့်။ သိပ်မှားတယ်ဆိုလည်း “မောင့်ကိုချစ်တယ်လေ”လို့ မထုံတက်သေးပြောမိဦးမှာ။ တွယ်ငြိမှုသမုဒယဟာ ပြောင်းနိုင်ခဲလေပြီ။

မောင့်အတွက်ဆို အသက်ပင်ပေးရ...ပေးရ... အနှမျောမရှိလည်း သူဖုန်းဆက်လို့ တစ်မိနစ်လောက် နားထောင်ရလျှင်ပင် အချိန်တွေ ကုန်ပါပြီဆိုကာ တွန့်တိုမိလေတာ။ မတရားဘူး အဆိုခံရရင်တော့ ကျွန်မအပြစ်မှ မဟုတ်ဘဲလို့ ဆင်ခြေပေးဦးမှာ။ ခွင့်လွှတ်ပါလို့တော့ ဆိုလိမ့်မယ် မဟုတ်ဘူးကွယ်။ လှည့်ဖျားခဲ့သူမှ မဟုတ်ပါဘဲ။ 

မချစ်တာကို မချစ်ကြောင်း ပြောမိတာ အပြစ်လား။ စဉ်းစားဦးမယ်ဆိုကာ အချိန်ဆွဲကာ လိမ်လည်ထားခြင်းလည်း မရှိပါဘဲ။ မောင်ကလေ … မောင်က … လို့ ဆိုကာ သူ့ရှေ့မှာ တမိရုံလေးပါ။ ယုံပါ။ ကျွန်မ မိန်းမရိုင်းမဟုတ်ပါဘူး။ အညှာတာကင်းမဲ့တယ် ဆိုရင်လည်း သူတောင် သူ့ရည်းစားဟောင်းအကြောင်းတွေ ပြောတာလေလို့ စောဒကတက်ဦးမှာ။ ဒါပေမယ့် မှန်အရိပ်ကို မြင်တိုင်း မကောင်းဆိုးဝါးမှန်း ထင်နေတာ အခက်ဆုံးရယ်။ မောင့်အပေါ် အမုန်းတွေကို လွှင့်ပစ်ဖို့ ၊ တစ်ဖက်လှည့် ကလဲ့စားချေဖို့ ဒဏ်ရာတွေမှ အမိန့်ပေးတဲ့အခါ “နင့်ကို မမြင်ချင်ဘူး” လို့ အလွယ်တကူပြောထွက်ခဲ့ပြန်တာ။

 ညာမှ မညာတတ်ဘဲလို့ ဆိုကာ သူ့ကိုနာကျင်စေသော စကားကို တွင်တွင်ဆိုမိပြန်ရော။ သတိလည်လာတော့ “ငါ့ကို မုန်းတယ်ဆိုရင် ဝမ်းသာမှာပါ” လို့ ပွင့်လင်းစွာ ပြောခဲ့တာပင်။ နောက်ဆုံးတော့ “ငါ့ကို မဆက်သွယ်နဲ့တော့” လို့ဆိုကာ ကြေကွဲခြင်းလမ်းညွှန်မြေပုံနဲ့ ချောက်ကမ်းပါး တည့်တည့်ကို သွားဖို့ပဲ ရည်ရွယ်မိပြီလေ။ ကျွန်မ နေမကောင်းဘူး။ စိတ်အရိုင်းတွေနဲ့ ဖျားနာနေတာ အမှန်ပင်။ ဒါပေမယ့် သူဟာ ကယ်တင်ရှင်ဖြစ်ချင်ပြန်သေးတာ။ နလန်မထူနိုင်အောင် ပြိုလဲသွားတဲ့ အခိုက်မှာ သူ့ဖေးကူမှုကို လက်သင့်မခံပေမယ့် စေတနာကို မြင်ခဲ့ပြီ။ အလင်းကို ရှောင်လွှဲဖို့ မျက်ဝန်းစုံမှိတ်ထားပေမယ့် နောက်ဆုံးမှာ အရှုံးပေးလိုက်ရသူလိုရယ်။

ကျွန်မလည်း လူသားစာရင်းဝင်ချင်ပြီလေ။ သွေးရောင်ပြန်လွှမ်းလာတဲ့ နှလုံးသားနဲ့ ရန်မဖြစ်ချင်တော့ပါဘူး။ သူချက်ကျွေးသော အစားအစာများကို မယူဝံ့လည်း သူပေးသော စိတ်ခွန်အားများကို မယုံမရဲနဲ့ လက်ခံထားမိပြီ။ သူ့ရဲ့ မရမနေဇွဲကြောင့် အခုတော့ တွေဝေနေပြီ။ ဆူးအပြည့်လမ်းကို ပျော်ပျော်ပင် ဖြတ်ချင်လည်း သူ့အကြင်နာကို တွန်းလှန်ဖို့ အားအင်ချိနဲ့နေပြီ။ မိုက်ရတာ ငြီးငွေ့သွားပြီ။ ဒီလိုနဲ့ ရင်ထဲကမုန်တိုင်းလျော့လာတော့ သူနဲ့ ငြိမ်းချမ်းရေး ယူဖြစ်လေပြီ။ သူဟာ ဖခင်နှင့်တူသော ယောက်ျားပါပဲ။ သူ့စောင့်ရှောက်မှုအောက်မှာ ကျွန်မရဲ့ အရေခွံအသစ်လဲပြီလေ။

 
 (Van Dongen, Kees. Le Coquelicot "The Corn Poppy,"c. 1919. oil on canvas.)

ဒီလို အစွယ်ကျိုးလေပေမယ့် ဗီဇအခံလေးတော့ ကျန်သေးတာ။ “အစာထဲမှာ အဆိပ်ခတ်ပြီး နင်ငါ့ကို သတ်တာလား” လို့ ကျီစယ်ကာ စွပ်စွဲမိသေးရဲ့။ ဒါပေမယ့် သူ့မေတ္တာတွေကို ယိုးမယ်မဖွဲ့ချင်တော့ပါဘူး။ ထီးမိုးပေးထားတဲ့ သူ့လက်တွေကို အားနာမိပါတယ်။ ကျွန်မ ကျေးဇူးမကန်းပါဘူး။ မိုးကြိုးပစ်ခံရမှာ စိုးကြောက်ပါတယ်။ စူဠသုဘဒ္ဒါ့ရဲ့ အသိဥာဏ်တွေ သိမ်မွေ့လာခဲ့ပြီ။ မောင့်ကို မစောင့်တော့ဘူးလို့ မျက်ရည်စမ်းစမ်းနဲ့ ဆုံးဖြတ်ချက် တင်းတင်းချပြီ။ ဆောက်တည်ရာမဲ့ ကိုးကွယ်ရာမရှိသူမယ့်ကို သူ့အရိပ်မှာ ငြိမ်းအေးစေမယ်ဆိုတဲ့အခါ ခေါင်းမခါဖြစ်တော့။ အသေအချာပေါ့။ မျက်ရည်စကို သိုဝှက်ကာ ကျွန်မ ကြိုးစားပြုံးနေပြီကွယ်။...။

 ....................................................................................................................
 "Meeting you was fate, becoming your friend was a choice, but falling in love with you was beyond my control." ~Anonymous 
 .................................................................................................................... 

မယ့်ကိုး
မေလ၊ ၂၀၁၁ လမ်းပြကြယ်စာအုပ်တိုက်နှစ်ပတ်လည် မဂ္ဂဇင်း

(ရည်ညွှန်း။ ပေါင်းတဲ့ဇာတ်လမ်းလေး ရေးပါဦးလို့ ဆိုလာသူ ချစ်သော မမေလေး၊ ညီမလေး ငုဇာခိုင်၊ ညီမလေး ထက်ထက်အောင်နဲ့ ၊ မမ ညားတဲ့ဇာတ်လမ်းရေးရင် ToTo ထိုးမယ်လို့ ပြောတဲ့ ညီမလေး နေ့အိပ်မက်အတွက် ဒီဇာတ်ကလေးကို ရေးလိုက်ပါတယ် ။(ထီပေါက်ရင် မမကို မုန့်ဝယ်ကျွေးနော် :P)