21 May 2011

အမေ မသိသင့်တဲ့ ကျွန်မရဲ့ တစိတ်တဒေသ


တစ်ရာသီလည်တိုင်း ကမ္ဘာအနှံ့က ဆယ်သန်းနဲ့ သန်းနှစ်ဆယ်အကြား လူပေါင်းများစွာဟာသေကြောင်းကြံစည်ကြပြီး တစ်သန်းလောက်ကတော့အောင်မြင်သွားကြတယ်တဲ့။ စိတ်ကူးယဉ်ကာသွေးကြောင်သူကျွန်မကတော့ ယနေ့ထက်တိုင် အကောင်အထည်မဖော်နိုင်သေးပါ။ အမေမသိခဲ့။ မသိနိုင်။ ဘယ်တော့မှလည်း သိချင်မှာ မဟုတ်တဲ့ ကျွန်မအကြောင်း သစ္စာတွေ။ အသက်၁၂နှစ်သမီး ကျွန်မရဲ့ ကြွပ်ဆပ်မာကျောမှုတွေနဲ့ မညီမျှတဲ့လောကကြီးထိပ်တိုက်တွေ့ချိန်လေ။

အဘွားအိမ်မှာ ကိုယ်ထိလက်ရောက် နှိပ်စက်တတ်တဲ့ ဦးလေးမရှိတော့ပေမယ့် ကျွန်မနဲ့ မိသားစုအကြား ဂုန်းတိုက်တတ်တဲ့ ညီမဝမ်းကွဲရယ်၊ ငြူစူရန်လိုတဲ့ အဘွားရယ်၊ အမြင်မကြည်တဲ့ အဒေါ်ရယ် ရှိနေတုန်းရယ်။ ဒါပေမယ့် ကျွန်မ ရင်ကွဲနာကျမနေတာ့ဘူး။ နာကျင်မှုတွေက နာကျည်းမှုတွေအဖြစ် အသွင်ပြောင်းသွားပြီလေ။ စာကြည့်စားပွဲရှေ့မှာ “အကြွေးဆပ်ရန်” ဆိုတဲ့စာ ရေးပြီး ကပ်ထားခဲ့တာ။ “အားလုံးကို ကလဲ့စားချေမယ်။ တစ်သက်မကျေဘူး” ဆိုတဲ့ အမုန်းစိတ်နဲ့ ရန်လိုနေခဲ့မိပေါ့။ဘယ်သူ့ဆီကမှ နားလည်မှုတဖဲ့တရွဲ့လေး မလိုချင်ပါဘူး။ နွေရာသီကျောင်းပိတ်ရက်တွေမှာ အမေ့ဆီ သွားမလည်တော့ အမေလာမှာလားလို့ အမြဲမျှော်လင့်နေတဲ့ ကလေးတစ်ယောက်ရဲ့ မျှော်လင့်ချက်ကိုလည်း ဘယ်အတွက်မှ စာနာစရာမလိုပါဘူး။ လူတိုင်းဟာ ကိုယ့်အကြောင်းနဲ့ ကိုယ်၊ကိုယ့်ဒုက္ခနဲ့ ကိုယ်၊ ဘယ်သူ့ကိုမှ အချိန်ကုန်ခံပြီး သနားမနေနိုင်ဘူး မဟုတ်လား။ အမေကရော…။

အမေ ဖုန်းမဆက်ခဲ့ဘူး၊ စာမရေးခဲ့ဘူး။ ဒါပေမယ့် အမေ့ကို ချစ်နေတုန်းရယ် ။အဝေးက အမေသာ ကျွန်မရဲ့ တစ်ခုတည်းသော အားထားမျှော်လင့်ချက်သာ။ ကိုးတန်းလောက်မှာ အမေ့မေတ္တာဖွဲ့ကဗျာစပ်ပြီး အမေ့ဆီပို့ခဲ့ဖူးရဲ့။ ဒါပေမယ့် အမေအကြောင်းမပြန်ခဲ့ဘူး။ ဘာလို့လဲ။ ကဗျာဖတ်ရတယ်လို့ပဲ ပြောခဲ့ပေမယ့် သမီးကို ချစ်တယ်လို့ မလေးဘာကြောင့်မဆိုခဲ့တာလဲ။ စာတွေကဗျာတွေ မခံစားတတ်ဘူးလို့လားလို့ သံသယဖြစ်ရအောင်လည်း အမေကိုယ်တိုင်က လူသိခဲ့ဖူးတဲ့ စာရေးသူတစ်ယောက်သာ။ တစ်စစီ တစ်မှုန်စီဖြစ်နေတဲ့ နှလုံးသားအကျိုးအကြေတွေနဲ့ အမေ့ကို  နားမလည်နိုင်တော့ဘူး။

အမေက ကျွန်မတို့အတွက် ပိုက်ဆံတွေရှာနေတာတဲ့။ ကျွန်မတို့ အသက်ရှင်ဖို့ စားသောက်နေထိုင်ဖို့ အတွက်လား။ဒါဆို အိမ်က ထွက်ပြေးရင် ကောင်းမလားလို့  စိတ်ကူးယဉ်ဖူးခဲ့။ ဒါပေမယ့် အဲဒီလောက် ကျွန်မ သတ္တိမရှိခဲ့ပါဘူး။သေသွားရင်ရော။ တစ်ယောက်စာတာဝန်လျော့သွားတော့ အမေ အလုပ်လုပ်ရတာ သက်သာသွားမှာပေါ့။  ဒီလိုအတွေးမျိုး ၁၄ နှစ် ၁၅ နှစ် သမီးမှာပင် ကျွန်မ စတင်တွေးတတ်ပြီ။ ကျွန်မ ဘာအတွက် အသက်ရှင်နေလဲဆိုတာ နားမလည်ဘူး။ ဘာလို့ ကျောင်းတက်ပြီး စာကျက်နေလဲဆိုတာ မသိမြင်နိုင်ဘူး။ စာတော်သူတစ်ယောက်ဖြစ်ခဲ့ပေမယ့် ဘယ်သူကမှ မချီးကျူးခဲ့ဘူး။ နှစ်ပတ်လည်တိုင်း ဆုရပေမယ့်လည်း လိုက်ပို့မယ့် လူကြီးမရှိလို့ ဘယ်တုန်းကမှ ဆုတက်မယူဖူးဘူး။ ဘာကြောင့် ကျွန်မ လိမ္မာချင်ယောင်ဆောင်နေဦးမှာလဲ။ လူမသိမြင်အောင် ဆိုးတတ်ခဲ့ပြီ။ ရည်စားမထားဘူး။ မခိ်ုးဘူး။ မလိမ်ဘူး။ဒါပေမယ့် ကျွန်မဟာ ယဉ်ယဉ်ကလေးနဲ့နှိပ်စက်ကလူပြုတတ်သူသာ။ 
(အေးမိခိုင်နဲ့ နန္ဒာဦး အခု ငါ အနူးအညွတ်တရားဝင် တောင်းပန်ပါတယ်။)

ထိုစဉ်အခါကတော့ ကျွန်မဟာ မကောင်းဆိုးဝါးပဲ။ ကျွန်မကို ချစ်တယ်ဆိုတဲ့ သူငယ်ချင်းကို ရက်စက်တဲ့စကားတွေပြောပြီး သူမျက်ရည်ပေါက်ကြီးငယ်ကျတော့ မျက်နှာလွှဲနေခဲ့။  ကျွန်မမှာ နှလုံးသားမှ မရှိတော့ဘဲ။ ရက်စက်ခံရသူက ပြန်ရက်စက်မှာပဲ ဆိုတဲ့ ထောင်ချောက်ထဲမှာ မာန်ဖီနေတဲ့ ကျားနာဟာ ကျွန်မရယ်။ ကံအားလျော်စွာပဲ  သူယုတ်မာမဖြစ်နိုင်တော့တဲ့ ကျွန်မဟာ  သူငယ်ချင်းနှစ်ယောက်ကိုနှိပ်စက်အပြီးမှာပင် ဆင်ခြင်တုံတရားရသွားခဲ့တာ။ ဒါပေမယ့် ကျွန်မ ဝန်မခံချင်သေးဘူး။ သူငယ်ချင်းတွေ စွန့်ခွာသွားလည်း မာရေကျောရေမျက်နှာပေးနဲ့ မထီမဲ့မြင်လုပ်နေခဲ့။  

ဒါပေမယ့် တစ်သက်စာ အထိနာခဲ့ပြီ။ခြောက်အိပ်မက်တွေနဲ့ စိတ္တဇရောဂါစွဲခဲ့ပြီ။ လူတွေအမြင်မှာတော့ အပြစ်ကင်းစင်တဲ့ကျောင်းသူပေါ့။နှလုံးသားကိုတော့ ဘီလူးစီးခဲ့ပြီ။ တစ်လောကလုံးမှာ အချစ်ဆုံးဆိုတဲ့ အမေကတောင်  စွန့်ပစ်ခဲ့သေးတာပဲ ဘယ်သံယောဇဉ်က  ချည်နှောင်နိုင်ဦးမှာလဲ။  ဘယ်အရာကိုမှ ကျွန်မ မယုံကြည်နိုင်တော့ဘူး။ ဘာကိုမှလည်းမျှော်လင့်ချက်မထားတော့ဘူး။ ဘာကြောင့် အသက်ရှင်နေရဦးမှာလဲ။ အဖန်ငါးရာ ငါးကမ္ဘာဆိုတဲ့ စကားလုံးနဲ့ လာခြောက်လည်း ကျွန်မ မကြောက်ဘူး။နောက်ဘဝ၊ ဝဋ်ကြွေး၊ ငရဲရှိတယ်ဆိုတာတွေ နားလည်နိုင်ပါတယ်။ ကိုယ့်ကိုကိုယ်သတ်ဖြတ်မှုနဲ့ အဲဒီကံကြောင့် ငရဲကျတယ်ဆိုလည်း လက်ခံပါဦးမှာဖြစ်ပေမယ့်နောက်ကမ္ဘာငါးရာတိုင်း ကိုယ့်ကိုကိုယ်သတ်ဖြတ်နေရဦးမယ်ဆိုတာကိုတော့  မယုံသေးဘူး။
ဟုတ်ကဲ့။ငယ်ငယ်လေးတည်းက ကလန်ကဆန်အမိုက်အမဲဟာ ကျွန်မရယ်။ ဒီလောကမှာ အသက်မရှင်ချင်ဘူး။ သုတေသနစစ်တမ်းအရ အသက် ၁၅ နှစ်နဲ့ ၂၄ နှစ်ကြားမှာ သတ်သေမှု အမြင့်ဆုံးတဲ့။ အသေအချာပေါ့ ။ ကျွန်မ စာမကျက်ချင်တော့ဘူး။ ဦးနှောက်ထဲမှာသေကြောင်းကြံစည်ခြင်းအကြောင်းတွေသာ ရှိနေတာ။ ဒီအတွေးတွေကို အကောင်အထည်ဖော်ဖို့သာ  စိတ်ကူးယဉ်နေခဲ့တာ။ နောက်ဆုံးတွေ့ရှိချက်တွေက  တခြားသူတွေရဲ့ ကိုယ်ထိလက်ရောက်ညှင်းပန်းနှိပ်စက်တာ ခံခဲ့ရသူတွေဟာ နာကျင်မှုသည်းခံစွမ်းမြင့်လာပြီး ကိုယ့်ကိုကိုယ်ရန်ရှာတဲ့ အတွေးတွေ ရလာခဲ့တာတဲ့။

ဒါပေမယ့် ကျွန်မကတော့ အမေ့မှာ သမီးတစ်ယောက်ရှိတယ်ဆိုတာ အမေတွေးမိရုံ၊ သမီးကို ချစ်လား မချစ်လားဆိုတာ သိချင်ရုံလေးပါ။ အလုပ်သိပ်များတဲ့ မလေး သမီးသေသွားရင်တော့ လာဦးမယ် ထင်ပါရဲ့... လို့ မျှော်လင့်မိတာ။ အမေလာတာကို သရဲတစ္ဆေဘဝနဲ့ မြင်ရဦးမှာ။ မလေး သမီးအတွက် ခဏတော့ စိတ်မကောင်းဖြစ်သွားမှာပါနော်။ ဒီလောက်ကလေးသာ  စွဲလမ်းမိတာပါ။ ဒါပေမယ့် ကျွန်မရဲ့ မသိစိတ်ထဲမှာ အမေ့ကို သံဝေဂနည်းနည်းလေးရစေချင်ကာ ဒဏ်ခတ်ချင်ခဲ့တဲ့ စိတ်ရိုင်းဆိုးတွေ ခိုကပ်နေခဲ့သလား။ မဝေခွဲနိုင်အောင် ကျွန်မ နှလုံးသားဟာ ခါးခဲ့တာ။ အဝီစိမှာ အရိုးစွဲမယ့် သတ္တဝါမိုက်ဟာ ကျွန်မပါပဲ။ ယနေ့ထက်တိုင် သေကြောင်းကြံစည်မှုကို ကျွန်မ စိတ်ကူးယဉ်နေဆဲ။ ကိုယ်စိတ်နှစ်ပါး ဆင်းရဲမှုအလုံးစုံက  လွတ်မြောက်ရာတံခါးဟာ သေခြင်းရယ်သာ စွဲထင်ယုံမှတ်နေဆဲရယ်…။

၂၀၀၉၊ ဇန်နဝါရီလ ၁ ရက်နေ့မှာ ရေးခဲ့တဲ့နှစ်ဦးခွန်းဆက်ဆိုတဲ့ စာတိုလေးဟာ  “တံတိုင်းရဲ့ အပြင်စည်း”ဆိုတဲ့ စာတစ်စလည်း ဖြစ်ခဲ့ဖူးရဲ့။


နှစ်သစ်မှာ
တကိုယ်တော် နှုတ်ခွန်းဆက်စကားက
“လောကမှာ ငါမရှိလည်း ဖြစ်တယ်”တဲ့။

ကျွန်မအတွက်တော့
ဘဝဆိုတာ ပျားရည်နဲ့  ပေါင်းခံထားတာသာ...

ရနံ့ မွေးကာ ရသာချိုနိုင်ပေမယ့်
မွန်းကျပ်ရင်း သေဆုံး...

အညတရသင်္ခါရနဲ့
ဖြစ်ပျက်ခြင်းသစ္စာကို ခါးသီးလို့ 
သေကြောင်းကြံရတော့မလား...

နောက်နှစ်မှာ စဉ်းစားမယ်။ ။


ဟုတ်ကဲ့ ။ ဒီလိုနဲ့ အချိန်ဆွဲကာသေကြောင်းကြံစည်မှုကို နောက်နှစ်ပေါင်းများစွာတိုင် ကျွန်မ စဉ်းစားနေမိဦးမှာလား။ ကျွန်မသေသွားရင် အမေငိုလိမ့်မလား။ စာမျက်နှာတစ်ဖက်လှန်လို့ အတွင်းကြေနေတဲ့ နှလုံးသားကို ကျွန်မ ကုသနိုင်ပါ့ဦးမလား။  ရင်တွင်းနာပျောက်ကင်းဖို့ ကျွန်မ ကြိုးစားသင့်သေးရဲ့လား။ အချိန်မမှီတော့ဘူး ထင်ရဲ့နော်။  မျှော်လင့်ချက်အိပ်မက်မှန်သမျှဟာ ပူလောင်လွန်းလှပါပြီ။…။


( ဆက်ရန်…) 


မယ်ကိုး 

5 comments:

rose said...

မမယ်... စာလေး လာဖတ်သွားတယ်နော်။ မမယ် အစစအရာရာ အဆင်ပြေပါစေ။

လသာည said...

မယ်ကိုးလေး..
ဒီစာလေးတွေကို ဖတ်ဖို့ ရက်ပေါင်း ၆၀လောက် ကြံစည်ကြိုးစားခဲ့တယ်။ အခုတော့ အောင်မြင်သွားပါပြီ။

စော(အဝါရောင်မြေ) said...

အမစာတွေဖတ်ပြီ
ကလေးယူဖို့ တောင် ဘယ်လိုလုပ်ရမလဲ မစဉ်းစားတတ်တော့ဘူး။ ဒီမှာ ခေါ်ထားနိုင်တဲ့ PR လည်းမဟုပ်ဘူး။ ဟိုမှာတော့ ထားရမှာပဲ။ ကိုယ်အရွယ်ကလည်း မငယ်တော့ဘူး။ အဲလို စိတ်မျိုးဝင်နေရင်လည်း ဒုက္ခပဲ။

Anonymous said...

;)

စံပယ်ပန်း said...

အမေ့ကို အေးအေးဆေးဆေး ပြောပြပေါ့..။ သူနားမလည်လည်း နားထောင်တယ်ဆို ပြီးတာပါပဲ..။ ကျွန်တော်လည်းကျွန်တော်မကြိုက်တဲ့ကိစ္စတစ်ခုကို အမေ့ကိုပြောပြဖူးတယ်..။ အမေကအဲဒါကို စိတ်ကူးကိုမရှိဘူး..။ မမယ်ကိုးအမေရဲ့အတွေးက တစ်မျိူးမို့နေမှာပါ..။ ဥပမာ။ ။ မမယ်ကိုးအမေရဲ့စိတ်ထဲမှာ ဒီကောင်မလေးဟာ ပျော့ပျော့ပျောင်းပျောင်းဆက်ဆံရင် သူနဲ့ခွဲထားလို့မှာမဟုတ်ဘူးတို့..။ သူ့အမေတို့နဲ့နေဖို့ အားမငယ်တတ်ဖို့လိုတယ်လို့ ယူဆတာမျိူးတို့ ဖြစ်ချင်ဖြစ်နေနိုင်တယ်..။ မိစုံဖစုံနေရလည်း သားသမီးတော်တော်များများမှာ မိဘနဲ့ပတ်သက်လို့ စိတ်ဒဏ်ရာတွေ တော်တော်များများမှာရှိကြပါတယ်..။ ဘာသိဘာသာနဲ့လျှော်ပစ်ကြတာများလို့ပါ..။ အားမငယ်နဲ့..။ ကိုယ်တစ်ယောက်တည်းမဟုတ်ဘူး..။ အခုလိုသေချာအဖြေရှာတာလည်း ကောင်းတော့ကောင်းပါတယ်..။ အရင်းအမြစ်ကို ကုနိုင်တာပေါ့..။ အမေဆိုတာကတော့ ကိုယ့်ကိုဝမ်းနဲ့လွယ်မွေးပေးတာနဲ့တင် ကျေးဇူးတင်ဖို့လုံလောက်ပါပြီ..။ အခုဒီလိုခံစားရတာတွေကို အမေ့ကို အေးအေးဆေးဆေးပြောပြပေါ့..။ အပြစ်တင်တာမျိူးမဟုတ်ဘူးလေ..။ နုနယ်တဲ့အချိန်မှာ ဒီလိုခံစားရတယ်ပေါ့..။ ပြောပြတာပါပေါ့..။ မွေးပေးရုံနဲ့တင် ကျေးဇူးတင်ပါတယ်ဆိုတာပေါ့..။

ကျွန်တော်ဆိုကျွန်တော့်အမေကို ဘာမှအပြစ်မတင်ချင်ဘူး..။ သူငယ်ငယ်တုံးက ကိုယ့်လောက်တောင်ပြည့်ပြည့်စုံစုံကြီးခဲ့ရတာမဟုတ်ဘူးလေ..။ သူ့အမေ ကျွန်တော်တို့အဖွားဆိုတာလည်း ကလေးတွေကိုပြုစုရုံပဲတတ်နိုင်တာ..။ နည်းပေးလမ်းပြပြုနိုင်တာမဟုတ်ဆိုတော့လေ..။ ကျေးဇူးတင်တဲ့စိတ်ပဲ မွေးလိုက်တာပါပဲ...။ ဒီလိုတွေခံစားရတော့ နောင်သူများတွေဒီလိုမလုပ်မိကြစေဖို့ ဒီစာတွေရေးမိတာမဟုတ်လား..။ အဲဒီတော့ လူတော်တော်များများ သတိပြုဆင်ခြင်နိုင်သွားတာပေါ့..။ အကောင်းဘက်ကစဉ်းစားပေးမယ်ဆိုလည်း ရပါတယ်..။