28 May 2011

“ အများနှင့် သက်ဆိုင်သော”



Action!
ဖြူရော်ရည်သွေးတွေရဲ့ ဂိုဒေါင်  မျက်လုံးတောက်တောက်နဲ့ စိတ်စုတ်ဖွားနေသူ
အဝတ်ပေါက်နဲ့ အိမ်စဉ်မလျှောက်ပေမယ့်  စုန်းကြောက်တတ်သူလေ ...
“ ပြန်မလာတော့ဘူး” ဆိုလား... အသံမဲ့အော်ဟစ်…

ကန့်လန့်ကာဖွင့်ရင်  အမေ ငိုချင်ငိုလိမ့်မှာ… ခဏတာ။

Cut!
လက်ကောက်ဝတ်ပေါ် ဓားမတင်ခင်  အရသာခံ ပြုံးချင်သေး…
တကယ့်စေတနာ။

Done!
ငါ့ရန်သူဟာ ငါပါ။
ငြိတွယ်မှုကျောက်ဆောင်မှာ အရှင်လတ်လတ် ကြေမွသွားတဲ့ မြှားတစ်စင်းရယ်။
ကြက်ခြေခတ်လို အကျည်းတန်တဲ့ ဂုဏ်ထူးလွှာကိုတော့
မျက်နှာဖုံးချိုတဲ့ ချစ်သူလေးဆီသာ လွှဲလိုက်ပါကွယ်။…။
 

မယ်ကိုး

(art: Joan Miro , Constellation Awakening at Dawn)

21 May 2011

အမေ မသိသင့်တဲ့ ကျွန်မရဲ့ တစိတ်တဒေသ


တစ်ရာသီလည်တိုင်း ကမ္ဘာအနှံ့က ဆယ်သန်းနဲ့ သန်းနှစ်ဆယ်အကြား လူပေါင်းများစွာဟာသေကြောင်းကြံစည်ကြပြီး တစ်သန်းလောက်ကတော့အောင်မြင်သွားကြတယ်တဲ့။ စိတ်ကူးယဉ်ကာသွေးကြောင်သူကျွန်မကတော့ ယနေ့ထက်တိုင် အကောင်အထည်မဖော်နိုင်သေးပါ။ အမေမသိခဲ့။ မသိနိုင်။ ဘယ်တော့မှလည်း သိချင်မှာ မဟုတ်တဲ့ ကျွန်မအကြောင်း သစ္စာတွေ။ အသက်၁၂နှစ်သမီး ကျွန်မရဲ့ ကြွပ်ဆပ်မာကျောမှုတွေနဲ့ မညီမျှတဲ့လောကကြီးထိပ်တိုက်တွေ့ချိန်လေ။

အဘွားအိမ်မှာ ကိုယ်ထိလက်ရောက် နှိပ်စက်တတ်တဲ့ ဦးလေးမရှိတော့ပေမယ့် ကျွန်မနဲ့ မိသားစုအကြား ဂုန်းတိုက်တတ်တဲ့ ညီမဝမ်းကွဲရယ်၊ ငြူစူရန်လိုတဲ့ အဘွားရယ်၊ အမြင်မကြည်တဲ့ အဒေါ်ရယ် ရှိနေတုန်းရယ်။ ဒါပေမယ့် ကျွန်မ ရင်ကွဲနာကျမနေတာ့ဘူး။ နာကျင်မှုတွေက နာကျည်းမှုတွေအဖြစ် အသွင်ပြောင်းသွားပြီလေ။ စာကြည့်စားပွဲရှေ့မှာ “အကြွေးဆပ်ရန်” ဆိုတဲ့စာ ရေးပြီး ကပ်ထားခဲ့တာ။ “အားလုံးကို ကလဲ့စားချေမယ်။ တစ်သက်မကျေဘူး” ဆိုတဲ့ အမုန်းစိတ်နဲ့ ရန်လိုနေခဲ့မိပေါ့။ဘယ်သူ့ဆီကမှ နားလည်မှုတဖဲ့တရွဲ့လေး မလိုချင်ပါဘူး။ နွေရာသီကျောင်းပိတ်ရက်တွေမှာ အမေ့ဆီ သွားမလည်တော့ အမေလာမှာလားလို့ အမြဲမျှော်လင့်နေတဲ့ ကလေးတစ်ယောက်ရဲ့ မျှော်လင့်ချက်ကိုလည်း ဘယ်အတွက်မှ စာနာစရာမလိုပါဘူး။ လူတိုင်းဟာ ကိုယ့်အကြောင်းနဲ့ ကိုယ်၊ကိုယ့်ဒုက္ခနဲ့ ကိုယ်၊ ဘယ်သူ့ကိုမှ အချိန်ကုန်ခံပြီး သနားမနေနိုင်ဘူး မဟုတ်လား။ အမေကရော…။

အမေ ဖုန်းမဆက်ခဲ့ဘူး၊ စာမရေးခဲ့ဘူး။ ဒါပေမယ့် အမေ့ကို ချစ်နေတုန်းရယ် ။အဝေးက အမေသာ ကျွန်မရဲ့ တစ်ခုတည်းသော အားထားမျှော်လင့်ချက်သာ။ ကိုးတန်းလောက်မှာ အမေ့မေတ္တာဖွဲ့ကဗျာစပ်ပြီး အမေ့ဆီပို့ခဲ့ဖူးရဲ့။ ဒါပေမယ့် အမေအကြောင်းမပြန်ခဲ့ဘူး။ ဘာလို့လဲ။ ကဗျာဖတ်ရတယ်လို့ပဲ ပြောခဲ့ပေမယ့် သမီးကို ချစ်တယ်လို့ မလေးဘာကြောင့်မဆိုခဲ့တာလဲ။ စာတွေကဗျာတွေ မခံစားတတ်ဘူးလို့လားလို့ သံသယဖြစ်ရအောင်လည်း အမေကိုယ်တိုင်က လူသိခဲ့ဖူးတဲ့ စာရေးသူတစ်ယောက်သာ။ တစ်စစီ တစ်မှုန်စီဖြစ်နေတဲ့ နှလုံးသားအကျိုးအကြေတွေနဲ့ အမေ့ကို  နားမလည်နိုင်တော့ဘူး။

အမေက ကျွန်မတို့အတွက် ပိုက်ဆံတွေရှာနေတာတဲ့။ ကျွန်မတို့ အသက်ရှင်ဖို့ စားသောက်နေထိုင်ဖို့ အတွက်လား။ဒါဆို အိမ်က ထွက်ပြေးရင် ကောင်းမလားလို့  စိတ်ကူးယဉ်ဖူးခဲ့။ ဒါပေမယ့် အဲဒီလောက် ကျွန်မ သတ္တိမရှိခဲ့ပါဘူး။သေသွားရင်ရော။ တစ်ယောက်စာတာဝန်လျော့သွားတော့ အမေ အလုပ်လုပ်ရတာ သက်သာသွားမှာပေါ့။  ဒီလိုအတွေးမျိုး ၁၄ နှစ် ၁၅ နှစ် သမီးမှာပင် ကျွန်မ စတင်တွေးတတ်ပြီ။ ကျွန်မ ဘာအတွက် အသက်ရှင်နေလဲဆိုတာ နားမလည်ဘူး။ ဘာလို့ ကျောင်းတက်ပြီး စာကျက်နေလဲဆိုတာ မသိမြင်နိုင်ဘူး။ စာတော်သူတစ်ယောက်ဖြစ်ခဲ့ပေမယ့် ဘယ်သူကမှ မချီးကျူးခဲ့ဘူး။ နှစ်ပတ်လည်တိုင်း ဆုရပေမယ့်လည်း လိုက်ပို့မယ့် လူကြီးမရှိလို့ ဘယ်တုန်းကမှ ဆုတက်မယူဖူးဘူး။ ဘာကြောင့် ကျွန်မ လိမ္မာချင်ယောင်ဆောင်နေဦးမှာလဲ။ လူမသိမြင်အောင် ဆိုးတတ်ခဲ့ပြီ။ ရည်စားမထားဘူး။ မခိ်ုးဘူး။ မလိမ်ဘူး။ဒါပေမယ့် ကျွန်မဟာ ယဉ်ယဉ်ကလေးနဲ့နှိပ်စက်ကလူပြုတတ်သူသာ။ 
(အေးမိခိုင်နဲ့ နန္ဒာဦး အခု ငါ အနူးအညွတ်တရားဝင် တောင်းပန်ပါတယ်။)

ထိုစဉ်အခါကတော့ ကျွန်မဟာ မကောင်းဆိုးဝါးပဲ။ ကျွန်မကို ချစ်တယ်ဆိုတဲ့ သူငယ်ချင်းကို ရက်စက်တဲ့စကားတွေပြောပြီး သူမျက်ရည်ပေါက်ကြီးငယ်ကျတော့ မျက်နှာလွှဲနေခဲ့။  ကျွန်မမှာ နှလုံးသားမှ မရှိတော့ဘဲ။ ရက်စက်ခံရသူက ပြန်ရက်စက်မှာပဲ ဆိုတဲ့ ထောင်ချောက်ထဲမှာ မာန်ဖီနေတဲ့ ကျားနာဟာ ကျွန်မရယ်။ ကံအားလျော်စွာပဲ  သူယုတ်မာမဖြစ်နိုင်တော့တဲ့ ကျွန်မဟာ  သူငယ်ချင်းနှစ်ယောက်ကိုနှိပ်စက်အပြီးမှာပင် ဆင်ခြင်တုံတရားရသွားခဲ့တာ။ ဒါပေမယ့် ကျွန်မ ဝန်မခံချင်သေးဘူး။ သူငယ်ချင်းတွေ စွန့်ခွာသွားလည်း မာရေကျောရေမျက်နှာပေးနဲ့ မထီမဲ့မြင်လုပ်နေခဲ့။  

ဒါပေမယ့် တစ်သက်စာ အထိနာခဲ့ပြီ။ခြောက်အိပ်မက်တွေနဲ့ စိတ္တဇရောဂါစွဲခဲ့ပြီ။ လူတွေအမြင်မှာတော့ အပြစ်ကင်းစင်တဲ့ကျောင်းသူပေါ့။နှလုံးသားကိုတော့ ဘီလူးစီးခဲ့ပြီ။ တစ်လောကလုံးမှာ အချစ်ဆုံးဆိုတဲ့ အမေကတောင်  စွန့်ပစ်ခဲ့သေးတာပဲ ဘယ်သံယောဇဉ်က  ချည်နှောင်နိုင်ဦးမှာလဲ။  ဘယ်အရာကိုမှ ကျွန်မ မယုံကြည်နိုင်တော့ဘူး။ ဘာကိုမှလည်းမျှော်လင့်ချက်မထားတော့ဘူး။ ဘာကြောင့် အသက်ရှင်နေရဦးမှာလဲ။ အဖန်ငါးရာ ငါးကမ္ဘာဆိုတဲ့ စကားလုံးနဲ့ လာခြောက်လည်း ကျွန်မ မကြောက်ဘူး။နောက်ဘဝ၊ ဝဋ်ကြွေး၊ ငရဲရှိတယ်ဆိုတာတွေ နားလည်နိုင်ပါတယ်။ ကိုယ့်ကိုကိုယ်သတ်ဖြတ်မှုနဲ့ အဲဒီကံကြောင့် ငရဲကျတယ်ဆိုလည်း လက်ခံပါဦးမှာဖြစ်ပေမယ့်နောက်ကမ္ဘာငါးရာတိုင်း ကိုယ့်ကိုကိုယ်သတ်ဖြတ်နေရဦးမယ်ဆိုတာကိုတော့  မယုံသေးဘူး။
ဟုတ်ကဲ့။ငယ်ငယ်လေးတည်းက ကလန်ကဆန်အမိုက်အမဲဟာ ကျွန်မရယ်။ ဒီလောကမှာ အသက်မရှင်ချင်ဘူး။ သုတေသနစစ်တမ်းအရ အသက် ၁၅ နှစ်နဲ့ ၂၄ နှစ်ကြားမှာ သတ်သေမှု အမြင့်ဆုံးတဲ့။ အသေအချာပေါ့ ။ ကျွန်မ စာမကျက်ချင်တော့ဘူး။ ဦးနှောက်ထဲမှာသေကြောင်းကြံစည်ခြင်းအကြောင်းတွေသာ ရှိနေတာ။ ဒီအတွေးတွေကို အကောင်အထည်ဖော်ဖို့သာ  စိတ်ကူးယဉ်နေခဲ့တာ။ နောက်ဆုံးတွေ့ရှိချက်တွေက  တခြားသူတွေရဲ့ ကိုယ်ထိလက်ရောက်ညှင်းပန်းနှိပ်စက်တာ ခံခဲ့ရသူတွေဟာ နာကျင်မှုသည်းခံစွမ်းမြင့်လာပြီး ကိုယ့်ကိုကိုယ်ရန်ရှာတဲ့ အတွေးတွေ ရလာခဲ့တာတဲ့။

ဒါပေမယ့် ကျွန်မကတော့ အမေ့မှာ သမီးတစ်ယောက်ရှိတယ်ဆိုတာ အမေတွေးမိရုံ၊ သမီးကို ချစ်လား မချစ်လားဆိုတာ သိချင်ရုံလေးပါ။ အလုပ်သိပ်များတဲ့ မလေး သမီးသေသွားရင်တော့ လာဦးမယ် ထင်ပါရဲ့... လို့ မျှော်လင့်မိတာ။ အမေလာတာကို သရဲတစ္ဆေဘဝနဲ့ မြင်ရဦးမှာ။ မလေး သမီးအတွက် ခဏတော့ စိတ်မကောင်းဖြစ်သွားမှာပါနော်။ ဒီလောက်ကလေးသာ  စွဲလမ်းမိတာပါ။ ဒါပေမယ့် ကျွန်မရဲ့ မသိစိတ်ထဲမှာ အမေ့ကို သံဝေဂနည်းနည်းလေးရစေချင်ကာ ဒဏ်ခတ်ချင်ခဲ့တဲ့ စိတ်ရိုင်းဆိုးတွေ ခိုကပ်နေခဲ့သလား။ မဝေခွဲနိုင်အောင် ကျွန်မ နှလုံးသားဟာ ခါးခဲ့တာ။ အဝီစိမှာ အရိုးစွဲမယ့် သတ္တဝါမိုက်ဟာ ကျွန်မပါပဲ။ ယနေ့ထက်တိုင် သေကြောင်းကြံစည်မှုကို ကျွန်မ စိတ်ကူးယဉ်နေဆဲ။ ကိုယ်စိတ်နှစ်ပါး ဆင်းရဲမှုအလုံးစုံက  လွတ်မြောက်ရာတံခါးဟာ သေခြင်းရယ်သာ စွဲထင်ယုံမှတ်နေဆဲရယ်…။

၂၀၀၉၊ ဇန်နဝါရီလ ၁ ရက်နေ့မှာ ရေးခဲ့တဲ့နှစ်ဦးခွန်းဆက်ဆိုတဲ့ စာတိုလေးဟာ  “တံတိုင်းရဲ့ အပြင်စည်း”ဆိုတဲ့ စာတစ်စလည်း ဖြစ်ခဲ့ဖူးရဲ့။


နှစ်သစ်မှာ
တကိုယ်တော် နှုတ်ခွန်းဆက်စကားက
“လောကမှာ ငါမရှိလည်း ဖြစ်တယ်”တဲ့။

ကျွန်မအတွက်တော့
ဘဝဆိုတာ ပျားရည်နဲ့  ပေါင်းခံထားတာသာ...

ရနံ့ မွေးကာ ရသာချိုနိုင်ပေမယ့်
မွန်းကျပ်ရင်း သေဆုံး...

အညတရသင်္ခါရနဲ့
ဖြစ်ပျက်ခြင်းသစ္စာကို ခါးသီးလို့ 
သေကြောင်းကြံရတော့မလား...

နောက်နှစ်မှာ စဉ်းစားမယ်။ ။


ဟုတ်ကဲ့ ။ ဒီလိုနဲ့ အချိန်ဆွဲကာသေကြောင်းကြံစည်မှုကို နောက်နှစ်ပေါင်းများစွာတိုင် ကျွန်မ စဉ်းစားနေမိဦးမှာလား။ ကျွန်မသေသွားရင် အမေငိုလိမ့်မလား။ စာမျက်နှာတစ်ဖက်လှန်လို့ အတွင်းကြေနေတဲ့ နှလုံးသားကို ကျွန်မ ကုသနိုင်ပါ့ဦးမလား။  ရင်တွင်းနာပျောက်ကင်းဖို့ ကျွန်မ ကြိုးစားသင့်သေးရဲ့လား။ အချိန်မမှီတော့ဘူး ထင်ရဲ့နော်။  မျှော်လင့်ချက်အိပ်မက်မှန်သမျှဟာ ပူလောင်လွန်းလှပါပြီ။…။


( ဆက်ရန်…) 


မယ်ကိုး 

14 May 2011

အမေ မကြားသင့်တဲ့ ကျွန်မရဲ့ ပြိုလဲသံ


အပျော်ရွှင်ဆုံးဆိုတဲ့ ဒိန်းမတ်နိုင်ငံမှာသေကြောင်းကြံစည်မှုနှုန်းလည်း အမြင့်ဆုံးတဲ့လေ။ ဘာဖြစ်လို့လဲ တဲ့လား။ဘေးဝန်းကျင်ကပျော်ရွှင်နေသူတွေဟာ စိတ်ကျနေသူတွေရဲ့ အခြေအနေကို ပိုဆိုးစေတာမို့နောက်ဆုံးမှာသေကြောင်းကြံခြင်းနဲ့ အဆုံးသတ်ရတာ။ အဲဒါ အမှန်ပဲ။ ကျွန်မရှေ့မှာ အမေ့မေတ္တာအနှိုင်းမဲ့ကြီးကျယ်ကြောင်း ဝံ့ကြွားစကား မဆိုစေချင်ပါ။ လူသားအချင်းချင်း မစာနာဘူးဆိုရင်တောင် စော်ကားဖို့သင့်ပါရဲ့လား။

အဖေ့ကိုဖြတ်ကနဲမျှပင် မမြင်ခဲ့ဖူးဘူး။မြေးအချင်းချင်းအခွင့်အရေးမတူလို့ မျက်နှာညိုမိတဲ့အခါ အဘွားကငြူစူတယ်။ချက်ပြုတ်ကျွေးရတဲ့အဒေါ်က မကြည်ဖြူတဲ့စကားဆိုတယ်။ သုံးလေးတန်းအရွယ်မှာဆော့လွန်းလို့ဆိုပြီး ဦးလေးက ကြိုးနဲ့ရိုက်တယ်။ ကားဖြတ်ကူးရင်း တိုက်မိမလိုဖြစ်သွားတဲ့အခါ ဒီလောက်ကန်းရလားဆိုပြီး ၉ နှစ် ၁၀နှစ်သမီး ကျွန်မရဲ့ နာရင်းကိုဖြတ်ရိုက်တယ်။ ခါးသီးမုန်းတီးလို့ သွေးပွက်ပွက်ဆူဆဲပေမယ့် သူတော်ကောင်းဖြစ်ချင်စိတ်နဲ့ အားလုံးကို သင်ပုန်းချေခဲ့တယ်။ အဖေဆိုတာ မ,ကိုခင်မှ ဥကိုခင်တာလို့ အရပ်စကားကြားတဲ့အခါ ဟုတ်မှာပဲလို့ဖြေသာစရာ ရှာဦးမယ်။နောက်ပြီး ဘယ်သူကမှ အဘွား၊ဦးလေး၊အဒေါ်တွေရဲ့ မေတ္တာတော်ဟာ အသင်္ချေ၊ ကျေးဇူးတော်အနန္တရယ်လို့ ဖွဲ့ညွှန်းမနေဘူး။ ဒါကြောင့် အမာရွတ်တွေကို ဖုံးကွယ်ရင်း မနာခဲ့သလို ပြုံးပြဦးမယ်။

ဟုတ်တယ်။ ကျွန်မ ကံကောင်းသေးတယ်မဟုတ်လား။ ရုပ်ပိုင်းဆိုင်ရာလိုအပ်ချက်တွေအရ အဆိုးရွားဆုံးအဆင့်မှာ မပါဝင်ခဲ့ဘူးလေ။ အမိုးခိုစရာနေရာတစ်ခုရှိတယ်။ ငတ်မသေခဲ့ဘူး။ ပညာသင်ကြားနိုင်တယ်။ဒါပေမယ့်ကြေကွဲခြင်းတွေကတော့ ခေါင်ခိုက်ခဲ့ပြီ။ ထမင်းကျန်၊ဟင်းကျန်လေးများရှိရင် စွန့်ကြဲကြပါဆိုတဲ့ အသံကြားတိုင်း အပြေးအလွှားသွားကြည့်မိမြဲ။ အလှုခံတဲ့အမေက ကလေးလေးတစ်ယောက်ယောက်ကိုပွေ့ထားတာမြင်ရင် အားကျမိမြဲ။ အဲဒီကလေးက သားသမီးအစစ်လား၊ အတုလား ကျွန်မ မသိဘူး။ သားသမီးအစစ်ဆိုရင် အမေ့ရင်ခွင်မှာနေရသေးတာမို့ ကျွန်မထက် ကံကောင်းတယ်လို့ တွေးမိမြဲ။

နွေရာသီကျောင်းပိတ်လို့ အမေ့ဆီ သွားလည်ချိန်မှာပဲပျော်ရွှင်ခဲ့ရပေမယ့် ဆရာဝန်အမေဟာ အလုပ်သိပ်များလွန်းတာရယ်။ဆေးရုံတစ်ဖက် ၊ဆေးခန်းတစ်ဖက်နဲ့မို့ သားသမီးကိုပြုစုကြင်နာချိန် ခမ်းနေတာလား။ အမေနဲ့တွေ့လို့ ရယ်မောရတာ ငါးမီးနစ်မှ မကြာခင် စိမ်းကားကျောခိုင်းသွားတဲ့အခါ မျက်လုံးကြောင်တောင်နဲ့ အံ့သြနာကျင်ကာ ကျွန်မကျန်ခဲ့ပြီလေ ။ ဒါပေမယ့် တစ်သက်မှာ တစ်ခါတော့ ကျွန်မပျော်ဖူးပါရဲ့။ခြောက်တန်းနှစ်ရောက်လုိ့ ကိုယ့်တာဝန်ကိုယ်ယူနိုင်တဲ့အရွယ်မှာ အမေက သူတာဝန်ကျတဲ့ ရွာမှာ လိုက်နေခွင့်ပေးခဲ့တာ။နှိပ်စက်ခံရတဲ့ဘေးက လွတ်သွားလို့ အပျော်ကြီးပျော်ခဲ့တာပေါ့။ ဒါပေမယ့် ကျွန်မရဲ့ စိတ်ကူးယဉ်ပျော်ရွှင်မှုတွေဟာ ကောက်ရိုးမီးလိုပဲ ဟုပ်ကနဲ ငြိမ်းခဲ့ပြန်တာ။

တိုက်နယ်ဆေးရုံက ဆရာဝန်အိမ်ဟာ ရင်ခွဲရုံရဲ့ အရှေ့၊ ဆေးရုံနဲ့ ကပ်လျှပ်မှာ ရှိတယ်။ အပြင်ထွက်ရင် အုတ်ခဲတစ်ခုနဲ့ တစ်ခုအကြားမှာ မြွေတွေဟာ ဥဒဟိုဖြတ်သွားနေတယ်။ဒါပေမယ့် သရဲဖြစ်ဖြစ် ၊မြွေဖြစ်ဖြစ် ကျွန်မ မကြောက်ဘူး။ အမေနဲ့ အပြင်ထွက်ရမှာကိုပဲ သိပ်ကြောက်ခဲ့။ စကားသွက်သွက်လက်လက်မပြောတတ်တာ အမေမကြိုက်ဘူး။ လူတွေအကြား အမှားတစ်ခုလုပ်မိရင် အမေ့ကို အရှက်ခွဲတယ်ဆိုကာ ကဲ့ရဲ့လို့ မဆုံးတော့ဘူး။ တစ်ခါ ခလုတ်ကျပ်နေလို့ အမေဖွင့်မရတဲ့ထီးကို ဖွင့်ခိုင်းပြီး ကျွန်မလည်း မဖွင့်နိုင်လို့ပြန်ပေးတဲ့အခါ အမေကိုတော့ လက်နာစေချင်တာလားလို့ စကားနာအထိုးခံရတဲ့မို့ ဆွံ့အနာကျင်ပြီး ကြေကွဲမပြေနိုင်တော့ဘူး။ ဒီလိုနဲ့ ရင်ထဲက မုန်တိုင်းတွေဟာ အရှိ်န်မြင့်သထက်မြင့်လာခဲ့တာ။

စာမေးပွဲမှာ သူနာပြုဆရာမရဲ့သမီးက အဆင့်တစ်ရပြီး ကျွန်မက အဆင့်နှစ်ရတဲ့အခါ ရှက်စရာကောင်းလှတယ်လို့ အမေဆိုကာ ကဲ့ရဲ့မြည်တွန်တတ်ပေမယ့် ကျွန်မရဲ့ကျောင်းစာအုပ်တွေကို တစ်ခါလေးတောင် ကိုင်မကြည့်ဖူးဘူး။ ဒါပေမယ့် အမေနဲ့ အဆင်ပြေအောင် အမြဲတစေ ကြိုးစားခဲ့ပါတယ်။ “ မလေးက သိပ်လှတယ် ”လို့ ပြောမှ သဘောကျပြီး “မလေး ပြင်ထားတာ ကြည့်မကောင်းဘူး ”လို့ ဆိုမိရင် အမေစိတ်ဆိုးတတ်တယ်လေ။ တစ်ခါကဆို ကျွန်မက သဘောဆိုးပြီး ကဲ့ရဲ့တတ်သူလို့ အမေပြန်ပြောတာကြောင့် “ မလေး အရမ်းလှတာပဲ” ဆိုတဲ့ စကားကို ကျွန်မ အာဂုံဆောင်ခဲ့တာ။ အဲဒီချိန်ကစ လူတကာအပေါ် လိုက်လျောစိတ်၊နှိမ့်ချအောက်ကျို့တတ်တဲ့စိတ်ဟာ ကျွန်မရင်ထဲမှာ အမြစ်တည်ခဲ့ပြီရယ်။

အမေကတော့ ကျွန်မရဲ့ စိတ်နေသဘောထားကို ဘယ်တုန်းကမျှ အကဲမခတ်ခဲ့ဖူးပါဘူး။ အမေ့ရဲ့ ဆူပူမှုပဲဖြစ်ဖြစ် အရေးထားမှုကို သိပ်လိုချင်ခဲ့မိတာ။ ၁၁နှစ်အရွယ် ကလေးလေးတစ်ယောက်က အမေစိုးရိမ်စောင့်ရှောက်မှုကို လိုချင်လွန်းလို့ သူငယ်ချင်းတစ်ယောက်မိသားစုနဲ့ ဘယ်လိုမျှ မကြိုက်တဲ့ ဇာတ်ပွဲကို သုံးရက်ဆက်တိုက်သွားကြည့်ခဲ့ဖူးရဲ့။ အမေများ ဆူပူမလား။ မိုးဝေလီဝေလင်းမှ အိမ်ပြန်လာတဲ့ သမီးကို အမေစောင့်ကြိုနေမလားလို့မျှော်လင့်ခဲ့ပေမယ့် အရေးတယူတောင် မရှိခဲ့ဘူးရယ်။ အမေ့ဂရုစိုက်မှုကို ဘယ်လိုနည်းနဲ့ ရမလဲလို့ ကျွန်မ မကြံစည်နိုင်တော့ဘူး။ ဒါပေမယ့် ဘယ်လိုနည်းသုံးရမလဲဆိုတာလည်း ကျွန်မရဲ့ဦးနှောက်သေးသေးလေးက မသိခဲ့ဘူး။ ဒါပေမယ့် ကံကြမ္မာက စကားဆိုတယ်။ ရပ်လိုက်တော့ တဲ့။ ကျွန်မ မယုံကြည်နိုင်ခဲ့ဘူး။ ဒါပေမယ့် နောက်နှစ်မှာ အမေအိမ်ထောင်ပြုလိုက်တော့မျှော်လင့်ချက်တွေကာ အဆုံးစွန်ကျိုးပဲ့ကာ အစိတ်စိတ်အမွှာမွှာဖြစ်သွားခဲ့ပြီ။ ကျွန်မဟာ အမေ့အချစ်နဲ့ မထိုက်တန်ဘူးဆိုတာ လက်ခံလိုက်ရပြီ။



Edvard Munch, Death Struggle 1915


အစ်မက အမေ့ကိုမုန်းလို့ လက်ထပ်ဖို့ ခွင့်ပြုလိုက်တာတဲ့။ ကျွန်မကတော့ ရင်ထဲက အနာတွေထုံကျင်နေလို့ ခံစားချက်မှန်သမျှကို မခွဲခြားနိုင်တော့ဘူး။ ဒါပေမယ့် အဘွားက ခွင့်မပြုလို့ အမေငိုတော့ အမေ့အတွက် စိတ်မကောင်းဖြစ်မိသေးတာ။ အမေ့ကို မကန့်ကွက်ခဲ့တာကတော့ သဘောမတူဘူးပြောလည်း အမေ နောက်မဆုတ်ဘူးဆိုတာ သိနေခဲ့လို့သာ။ အမေ့ကို စိတ်လျှော့ပြီး လက်လွှတ်လိုက်တာ မဟုတ်ပါဘူး။ အကြောက်လွန်ပြီး ငြိမ်သက်သွားခဲ့တာရယ်။ အမေလက်ထပ်ပြီးရင် အဘွားရဲ့အိမ် ငရဲအိုးထဲကို ပြန်သွားရတော့မှာ။

ဟင့်အင်း။ ကိုယ်ချင်းစာတယ်လို့ မပြောပါနဲ့။ ရှင်တို့ ဘယ်လိုမှ ခံစားနားလည်နိုင်မှာ မဟုတ်ပါဘူး။ ကျွန်မက အဖြစ်သည်းလွန်းတယ်တဲ့လား ။ဟုတ်ကဲ့ မငြင်းဝံ့ပါဘူး။ ကံအားလျှော်စွာပဲ အဲဒီအချိန်တုန်းက အမေ့မေတ္တာအတုမဲ့ကြောင်းဟောပြောသူတွေ အနားမှာ ရှိမနေခဲ့ဘူးရယ်။ ဒီလိုအောင်ပွဲခံနိုင်သူတွေက ဂုဏ်ယူဝံ့ကြွားပြီး “သားသမီးကို မချစ်တဲ့ အမေဆိုတာ မရှိဘူး” လို့ ဖွဲ့နွဲ့ဟောပြောခဲ့မယ်ဆို အပျော်ရွှင်ဆုံးနိုင်ငံဒိန်းမိတ်က သတ်သေသွားကြသူတွေလို ၁၁ နှစ်သမီးကျွန်မလည်း အရှိန်နဲ့လာတဲ့ ကုန်တင်ကားအရှေ့မှာ သွားရပ်ခဲ့မိလိမ့်မှာ...။



(ဆက်ရန်...)

မယ်ကိုး

အမေ မမြင်သင့်တဲ့ ကျွန်မရဲ့ အမှောင်ခြမ်း
အမေ မဖတ်သင့်တဲ့ ကျွန်မရဲ့ စာမျက်နှာတစ်စ

07 May 2011

အမေ မမြင်သင့်တဲ့ ကျွန်မရဲ့ အမှောင်ခြမ်း


စိတ်ရူးဖောက်လာပြီဆိုဆေးရုံမှာ ထားရစ်ခံရတဲ့၊ လမ်းဘေးမှာ စွန့်ပစ်ခံရတဲ့၊ အမှိုက်ပုံမှာ အဆုံးစီရင်ခြင်းခံရတဲ့ ကလေးတွေအကြောင်းကို ကျွန်မတွေးဦးမှာ။ တစ်ခါတည်း ဒဏ်ရာပြင်းစွာရတဲ့လူနဲ့ အကြိမ်ကြိမ်နှိပ်စက်ညှင်းပန်းခံရသူတွေမှာ ဘယ်သူ့ရောဂါပိုဆိုးမလဲနော်။ အမြဲတစေသိချင်နေခဲ့လည်း တကယ်တော့ ဒီအဖြေက်ို တခြားသူမေးစရာမလိုဘဲ ကျွန်မပဲ ပြောနိုင်ရဲ့။ သိတတ်စအရွယ် မတိုင်ခင်မှာပင် ခွဲခွာသွားခဲ့တဲ့ အဖေကို ကျွန်မ မုန်းလို့မရဘူး။ သမီးတွေကို ဖြတ်ကနဲပင် လာမကြည့်တော့တဲ့ အဖေက်ို ကျွန်မ မနာကျည်းသေးပါဘူး။ အစ်မဖြစ်သူက အဖေ့ကိုအိပ်မက်ထဲမှာမြင်လျှင်ပင် တူးခါးနေတတ်ပေမယ့် ကျွန်မ ငြိမ်အေးနေဆဲရယ်။

အဖေက တစ်ခါမှားတာပဲနေမှာလို့ စိတ်လျှော့ထားဦးမယ်။ အမေက အဖေဟာ သိပ်ရွံမုန်းစရာကောင်းတဲ့သူလို့ပြောတဲ့အခါ အဖေ့မှာလည်း အကြောင်းပြချက်တွေ ရှိမှာပဲလို့ဖြေသာစရာ ရှာဦးမယ်။ ခံနိုင်ရည်ချို့လွန်းသူပါ။ နာကျင်မှုတွေ ထပ်မံလက်ခံနိုင်တဲ့ ကျွန်မရဲ့ အတိုင်းအတာဟာ ပြီးသွားခဲ့ပြီ။ အမေ့ရဲ့ သင်ခန်းစာ အလုံးစုံနဲ့တင်ကြေကွဲတုန်လှုပ်မှုက စလို့ပျော်ရွှင်သာယာဖွယ်မှန်သမျှကိုလည်း ကျွန်မ မကောင်းမြင်တတ်ခဲ့ပြီ။

မယုံဘူးဆိုလည်းငြင်းလိ်မ့်မယ်မဟုတ်ဘူးကွယ်။ နားလည်လက်ခံအောင် ရှင်းပြရခြင်း မှာခြေကုန်လက်ပန်းကျခဲ့ဖူးပါပြီ။ လူတွေကမေးတယ်။ ဇာတိမြို့ကို မချစ်ဘူးလားတဲ့။ ဟင့်အင်းဆိုတော့ စိတ်ပျက်တဲ့အကြည့်ရတယ်။ ကျွန်မ ဘယ်လိုချစ်နိုင်မှာလဲ။ အဲဒီမြို့၊အဲဒီအိမ်မှာ ကျွန်မကို ချစ်တဲ့သူ မရှိဘူး။ ၁၈ ရက်သမီးကစ အဘွားနဲ့အဒေါ်တွေလက်မှာ ကြီးပြင်းခဲ့ရသူမို့ ကြည်မွေ့စရာမဲ့။ အဘွားက အမေနဲ့ အဖေကို သဘောမတူဘဲ နည်းအမျိုးမျိုးနဲ့ဝေးအောင် လုပ်ခဲ့ပေမယ့် တကယ်ကွဲကွာသွားတဲ့အခါ ကျွန်မကို မွေးခဲ့လို့ စနေဂြိုလ်မွှေလို့ဆိုကာ အမြဲမြည်တွန်တောက်တီးတယ်။ “နင့်အမေက အပျိုလုပ်ပြီး ငါတို့ဆီ လာထားတယ်”ဆိုပြီး အဒေါ်တွေက ငြူစူတယ်။ အဘွားနဲ့ ရန်ဖြစ်တိုင်း ဦးလေးက နှိပ်စက်ညှင်းပန်းတယ်။

ဘယ်လိုလဲ ကျွန်မသေသင့်တယ် မဟုတ်လား။ ဒါပေမယ့် ဆယ်နှစ်မပြည့်သေးတဲ့ ကလေးတစ်ယောက်ဟာ သေကြောင်းကြံနည်းတွေကို ကံကြီးသီပြီး နားမလည်ခဲ့ဘူးလေ။ အစ်မတစ်ယောက်သာ ကိုးကွယ်ချစ်ခင်စရာ ထင်ခဲ့ပေမယ့် အစ်မကလည်း ငြိုငြင်ခဲ့တယ်။ အမေ့ကြောင့်ပါပဲ။ သမီးနှစ်ယောက်မွေးထားပြီး “အငယ်လေးက အမေကို အကျိုးပြုမယ့်သမီး” ဆိုတဲ့ဗေဒင်ဆရာရဲ့ စကားကို လူထူထူရှိတိုင်း အမေပြောခဲ့တယ်လေ။ မမစိတ်ထဲမှာ သိမ်ငယ်မနာလိုစိတ်ဝင်သွားမယ်ဆိုတာ မလေး နည်းနည်းလေးမှ မစဉ်းစားခဲ့ဖူးပဲနော်။ ကလေးလေးအစ်မရဲ့ စိတ်အနာဟာ ကျွန်မအပေါ် အမုန်းရောင်ပြန်ဟပ်ခဲ့ပြီလေ။ ဟုတ်ကဲ့။ တကယ်ဆိုလှေကားထိပ်က အစ်မ တွန်းချလိုက်စဉ်တည်းက ကျွန်မ သေခဲ့ဖို့သင့်တာ။ ဒါပေမယ့် အမေ့မေတ္တာလေးတစုတဖဲ့ကိုတောင် ညီညီမျှမျှမရရှာတဲ့ အစ်မကို ကျွန်မ မနာကျည်းနိုင်ပါဘူး။ မလေး သမီးကို ဘယ်တုန်းကမှ မလိုချင်ခဲ့ဘူး မဟုတ်လား။

ကျွန်မရဲ့ ခံနိုင်ရည်ဟာ အစွန်းမှတ်ကို ကျော်သွားပါပြီ။ အဒေါ်တွေက စနောက်ပြီး “ သမီးကို အန်တီမွေးထားတာ မလေးမွေးတာ မဟုတ်ဘူး”လို့ပြောလာရင် မျက်စိမှတ်ယုံလိုက်ပြီ။ အဝေးက အမေဆိုတဲ့သူထက် အိမ်က အဒေါ်တစ်ယောက်ယောက်သာ အမေဖြစ်ရင် ဘယ်လောက်ကောင်းမလဲလို့ စိတ်ကူးယဉ်တတ်ပြီ။ သူငယ်တန်းထဲကစလို့ ။ကျောင်းဆင်းချိန်တိုင်းမှာ အိမ်ကနေလာကြိုစောင့်မယ်သူ မရှိခဲ့ဘူး။ အစ်မကလည်း ကျွန်မကို မစောင့်ဘူး။ ကျိတ်ငိုခဲ့ရတဲ့ မျက်ရည်တွေဟာ ခဲနေပြီ။

ကလေးငယ်ကျွန်မရဲ့ အသိစိတ်ထဲမှာ အမေဟာ ဘယ်လိုပုံရိပ်မျိုးလဲဆိုတာ မှတ်တမ်းမရှိခဲ့။ အစိုးရဝန်ထမ်း အမေအလည်ပြန်လာတဲ့ ရက်တွေမှာပျော်ရွှင်ခဲ့ဖူးသလားလို့ ရှာဖွေရင် ကြောက်ရွံ့တဲ့ခံစားချက်တွေသာ ထွက်ကျလာတော့မှာ။ စွဲလမ်းနေမိတာက အိမ်ကကြောင်လေးတွေကို အမေမုန်းတာမို့ကြောင်ချစ်သူကျွန်မကို ဆူပူပြီးကြောင်မွှေးတွေနဲ့ အနားမကပ်နဲ့ ဆူတတ်တာ။ကျောက်သင်ပုန်း၊ကျောက်တံနဲ့ စာရေးတဲ့အခါမှာ ထိခြစ်သံကို သည်းမခံနိုင်ဘူးဆိုလို့ အမေ့ကွယ်ရာမှာ အိမ်စာလုပ်ခဲ့ရတာ။

အမေ ကျွန်မကိုထွေးပွေ့ဖူးလား။ မမှတ်မိတော့ဘူး။ ကလေးဘဝဆိုတာ အပျော်ရွှင်ဆုံးဆိုတဲ့ စာသားတွေမြင်ရရင်လောကတစ်ခုလုံးကို ခါးသီးတယ်။ မှန်သောစကားပါ။ ငယ်စဉ်ကစလို့ ကျွန်မ က ပုန်ကန်ခဲ့သူပဲ။ အဒေါ်တစ်ယောက်မွေးတဲ့ ကလေးဟာ အိမ်ပေါ်ရောက်လာတယ်။ ချစ်စဖွယ်ချွဲနွဲ့တတ်တဲ့ ညီမငယ်လေးဟာ ကျွန်မမြင်ကွင်းမှာ မနှစ်မြို့စရာ မြွေတစ်ကောင်လိုပဲ။ အားလုံးရဲ့ အချစ်က သူ့ဆီမှာ ရှိတယ်။ သူစကားပြောတိုင်း လိမ်ညာနေတာလို့ ခံစားရတယ်။ ကဲ့ရဲ့နိုင်ပါတယ်။ ကိုးနှစ်ဆယ်နှစ်အရွယ် ကလေးတစ်ယာက်ရဲ့ အမုန်းဟာ လွန်သတဲ့လား။

မယုတ်မာရန်မပြုတတ်ပေမယ့် မနာလိုစိတ်ကို မထိန်းနိုင်တာကြောင့် နောက်ဆုံးမှာ အားလုံးမျက်မုန်းကျိုးတဲ့ လူဆိုးဟာ ကျွန်မပဲရယ်။ မလေး မသိခဲ့ဘူး မဟုတ်လား။ သမီး ရိုက်နှက်ခံရတာတွေ။ မဟုတ်ဘူး။ စကားလုံးကိုပြင်လို့ရပါသေးတယ်။ ညှင်းပန်းနှိပ်စက်ခံခဲ့ရတာတွေ။ အိမ်ဆိုတာ ဘာလဲ။ ဇာတိမြို့ဆိုတာ ဘယ်လိုမျိုးလဲ။ ကျွန်မနားမလည်ဘူး။ မကျွမ်းဝင်ဘူး။ အိမ်မှာ စားတဲ့ဟင်းကအစ မျှတတူညီမှု မရခဲ့ဘူး။ လူကြီးကို ခံမပြောနဲ့ ။ ငရဲကြီးမယ်တဲ့လား။ တကယ်တော့ ကျွန်မက အဝီစိမှာပဲ ရှင်သန်ခဲ့သင့်တာ။

ဘုရားရိပ်အောက်မှာ ကံကြွေးတွေပဲလို့ အခုချိန်မှာ ရမယ်ရှာနိုင်ပေမယ့် ငယ်စဉ်ဒဏ်ရာဆူးချက်တွေက နက်ခဲ့ပြီ။ အမေ၊ အမေ။ လောကမှာ အမေသာ အမြင့်မြတ်ဆုံး ။ အဲဒီကလေးပဲ မှားတာပါ။ ဟုတ်တယ် မဟုတ်လား။ ဘယ်သူမှ အပြစ်မရှိဘူး။ ကံတရားကြောင့်သာ။ ဒီလို လွှဲချမှပဲ ကျွန်မ အသက်ရှင်နိုင်တော့မယ်။ တန်ခိုးရှင်တစ်ယောက်ယောက်က ဖန်ဆင်းလို့ဖြစ်လာရတယ်ဆိုရင်ဖြင့် ရူးပြီး ကျွန်မသေမှာပဲ။ ပြီးတော့ အဲဒီတန်ခိုးရှင်ကို ကျွန်မ တရားစွဲမိလိမ့်မယ်။ လောကမှာ ဘာကြောင့် ဒီလောက်ဆိုးရွားပြန်းထန်လောက်တဲ့ မညီမျှမှုတွေ ရှိနေရတာလဲ။ အမေရဲ့ ချစ်မြတ်နိုးစောင့်ရှောက်ခံရတဲ့ ကလေးတွေကိုမျှော်ငေးရင်း တုနိုင်းမမှီတဲ့ အမေ့မေတ္တာဖွဲ့စာတွေကို ဖတ်ရင်း သွေးပွက်ပွက်အန်ကာ ကျွန်မသေရတော့မှာလား။

ဒါပေမယ့် ကံအားလျော်စွာပဲ ကျွန်မ စာဖတ်နာခဲ့ပါတယ်။ ပညာသင်ပေးခဲ့တဲ့ အမေ့ကျေးဇူးကြောင့်ရယ်။ အမေရိကန်နိုင်ငံမှာ ကိုယ့်ကိုကိုယ်အချစ်လွန်ရောဂါသည် အမျိုးသမီးပေါင်း ၁.၅ သန်းရှိပါသတဲ့။ အဲဒီအမျိုးသမီးအများစုက အမေတွေလေ။ ဒါကြောင့် ကျွန်မလို စိတ်ပိုင်းဆိုင်ရာချို့တဲ့နေတဲ့ ကလေးတွေရှိတယ်လို့ ဖတ်ခွင့်ရတဲ့အခါ ဘဝတူတွေ ရှိသေးပါလားဆိုကာ သက်သာရာရခဲ့ပြီ။ ကျွန်မ အသိနောက်မကျသေးပါဘူးနော်။ အချိန်မှီ ကုသကာ နာကျင်မှုအရိပ်မည်းအောက်က လွတ်မြောက်နိုင်ကောင်းပါရဲ့နော်။

တစ်ချို့ကလေးတွေကတော့ ကျွန်မထက်ကံကောင်းကြသူတွေပါ။ သူတို့ဟာ ရက်စက်တဲ့အမေ့လက်က လွတ်မြောက်ပြီး ချစ်မြတ်နိုးစောင့်ရှောက်မယ့်သူတွေဆီရောက်သွားကြတယ်လေ။ “Will I Ever Be Good Enough” ဆိုတဲ့ စာအုပ်ထဲမှာ လင်ဒါဆိုတဲ့ စိတ်အထူးကုပညာရှင်က ဒီလို ကံနည်းခဲ့တဲ့ကလေးတွေအတွက် ရည်ညွှန်းဖွဲ့ထားတဲ့ကဗျာလေးကို မလေးကြားအောင် ရွတ်ပြချင်လိုက်တာ။

Dear Mommy
I’m doing really good,
I get all A’s in school
And I don’t cry at bedtime anymore,
Though my new mom said I could.
I remember how much you hate tears,
You slapped them out of me
To make me strong,
I think it worked.
I learned to use a microscope
And my hair grew two inches.
It’s pretty, just like yours.
I’m not allowed to clean the house,
Only my own room,
Isn’t that a funny rule?
You say kids are so much trouble
Getting born, they better it back.
I’m not supposed to take care
Of the other kids, only me, I sort of like it.
I still get the hole in my stomach
When I do something wrong,
I have a saying on my mirror
“Kids make mistakes, It’s OK,”
I read it every day,
Sometimes I even believe it.
I wonder if you ever think of me
Or if you’re glad the troublemaker’s gone,
I never want to see you again.
I love you, Mommy.4

Linda Vaughan

ဒီလို ကဗျာမျိုးကို စာနာနားလည်မယ့်သူ ရှိပါ့မလား။ ဘယ်တုန်းကမျှ မမိုက်ခဲ့သလို အမေဂုဏ်ယူချင် ယူနိုင်တဲ့ သမီးနှစ်ယောက်ရှိနေပါလျက် “လွန်ခဲ့တဲ့အချိန်တွေပြန်လိုချင်တယ် ။ ဘဝကို အသစ်ကစချင်တယ်” လို့ ယနေ့ထက်တိုင်ပြောတတ်တဲ့ အမေ့ရဲ့သမီး ကျွန်မကသာ ရင်ကွဲမတတ်ကိုယ်ချင်းစာမိတာ။ “အမေ့ကိုဒုက္ခပေးတဲ့သူထွက်သွားလို့ အမေပျော်တယ်ဆိုရင် အမေ့ကို ဘယ်တော့မှပြန်မတွေ့ချင်တော့ပါဘူး”လို့ ကလေးလေးပြောတာ မယုံဘူးလား။ ကျွန်မအဖြစ်က ပိုလွန်ပါတယ်။ ရုပ်ရည်ချောမောတဲ့ ကျွန်မရဲ့အစ်မကိုမြင်တဲ့သူတိုင်းက ညီအစ်မအရင်းဟုတ်ရဲ့လားလို့ အကျည်းတန်သူ ကျွန်မကိုမေးတဲ့အခါ ဆွံ့အနေမြဲ။ တစ်ယောက်ယောက်က “သူက အမှိုက်ပုံဘေးကကောက်ရတာ” လို့စနောက်တဲ့အခါ ဝမ်းသာအားရခေါင်းငြိမ့်ချင်မိမြဲ။ ဒီလောက်တောင် စိတ်နောက်ခဲ့ပါတယ်။ ဟုတ်တယ်မလေး။ သမီးတကယ် ရူးမိုက်ခဲ့ပါတယ်။ မလေးဟာ အမေ မဖြစ်နိုင်ဘူး။ အခု ခဏမွေးစားထားတာ။ ငါ့အမေနဲ့အဖေက ဟိုးအဝေးကြီးမှာ ။တစ်နေ့တော့ လာခေါ်မှာလို့ ဦးလေးအဒေါ်တွေ နှိပ်စက်ခံရတိုင်း စိတ်ကူးယဉ်ခဲ့ဖူးပါတယ်။

ငြိမ်းသင့်ပါပြီလေ။ ဒီစကားတွေကို အမေမကြားချင်သလို ကျွန်မလည်း မပြောချင်တော့ဘူးရယ်။ ဒီလိုနဲ့ ကျွန်မသေရတော့မလား။နှလုံးသားထက်က အညိုအမည်းတွေမပြယ်ဘဲ သိမ်ငယ်စွဲလှောင်အိမ်မှာ မွမ်းကျပ်ချိနဲ့ကာ လူဖြစ်ရှုံးရတာ့မှာလား။ မိုးကြိုးပစ်ခံရကာမြေမြိုမယ် ဆိုလည်း ရှိပါစေ။ အတိတ်ကံကြွေးနဲ့ လက်ရှိအပြစ်များအားလုံးကို ကျွန်မကြိုးစားလို့ ဆပ်ပါဦးမယ်။ဘယ်တော့မှ အမေမကြားနိုင်တဲ့ ကျွန်မရဲ့ ခါးသီးမှုတွေကို ဖွင့်အံပါရစေဦး။ မလေး မကြားချင်ဘူး မဟုတ်ဘူး။ စိတ်မကောင်းပါဘူး မလေးရယ် ။ သမီးဆက်ပြောချင်သေးတယ်။ သမီးရဲ့ ဒဏ်ရာတွေကျက်ဖို့ အချိန်တန်ပြီလေ။


the Little Deer - Frida Kahl

( ဝေဖန်ခဲ့သူများ၊ ဆက်ရေးဖို့ တိုက်တွန်းသူများအားလုံးကို အထူးကျေးဇူးတင်ပါတယ်ရှင်း)

ဆက်ရန်...
မယ်ကိုး