09 May 2013

ဇီဝရုပ် အရည်ပျော်ချိန်

အရုဏ်အိပ်မက်မှာ ကွယ်လွန်ခဲ့ပြီဖြစ်သော အဘွားနဲ့ ဆုံခဲ့။ နေရာက ဇာတိမြို့ရဲ့ ရေမကြီးအောင် တားဆီးထားသော လူလုပ်တာကုန်းမှာဖြစ်ပါတယ်။ ကျွန်မက ကုန်းအတက် အဘွားက ကုန်းအဆင်းဖြစ်ပြီး အဘွားက အနက်ရောင်အောက်ခံ အဖြူအပွင့်အနုပ်သေးသေးလေးများပါသောအဆင်ကို သူ့ဟန်အတိုင်း ရင်စေ့လက်ပြတ်နှင့် အထက်အောင်ဆင်တူ ဝတ်ထားတာ။ သေသပ်လှပသောဝတ်စုံနဲ့ အဘွားမှာ ကြည့်ကောင်းဆဲဖြစ်ပေမယ့် မျက်နှာက မရွှင်လန်းပါချေ။

ထူးဆန်းတာက အဘွားက ဆုံးပါးနှင့်ပြီးမှန်း အိပ်မက်ထဲမှာလည်း ကျွန်မ သိနေခဲ့တာ။ ဆိုကြပါစို့ ။ အဘွားက တစ္ဆေ (ပြိတ္တာ) ဖြစ်နေပါလည်း သရဲဆိုတဲ့ အစွဲနဲ့ ထိတ်လန့်ကြောက်ရွံ့မနေခဲ့ချေ။ ကျွန်မကို မမြင်သောအဘွားကို ‘မေကြီး’ လို့  လှမ်းခေါ်လိုက်တဲ့အခါ အဘွားက မပြုံးမရယ်ခပ်တည်တည်နှင့် ကျွန်မကို လှမ်းကြည့်ပါတယ်။ ပြီးတော့ နှစ်ယောက်လုံး လမ်းရဲ့တစ်ဖက်တစ်ချက်မှာ ရပ်နေကြပြီး ဘယ်သူကမှ  လမ်းကူးပြီး လျှောက်မလာခဲ့ပါ။

‘မေကြီး ဘယ်သွားမလို့လဲ’လို့ ကျွန်မ မေးလိုက်တဲ့အခါ အဘွားက မျက်နှာမသာမယာနှင့် ‘ဟိုနားဒီနား’လို့ ဖြေပါတယ်။ ‘သမီးက အိမ်ကိုသွားမလို့’ လို့ ကျွန်မ ပြောနေစဉ်မှာပင် အဘွားက မျက်နှာလွှဲကာ ကျွန်မနဲ့ ဝေးရာလျှောက်သွားပြီး ကျောက်ခုံလေးတစ်ခုမှာ ထိုင်လိုက်ပါတယ်။ ကျွန်မက ‘သမီးသွားတော့မယ်’ လို့ နှုတ်ဆက်လိုက်မှ အဘွားက စကားပြန်ပြောပါတယ်။ အဘွားနှင့် ကျွန်မမှာ တော်တော်အလှမ်းကွာဝေးနေပြီဖြစ်ပေမယ့် အဘွားရဲ့စကားသံကို ကျွန်မ ကျယ်လောင်စွာကြားလိုက်ရ။

‘တစ်ယောက်တည်း ပျင်းတယ်။ဒီမှာ လာနေပါ။’ တဲ့။

ကျွန်မက ကြောက်လန့်တကြားနဲ့ ငြင်းရန်အားယူခိုက်မှာ အိပ်ရာမှနိုးလာ။ ဘုရား… ဘုရား။ ဒါဟာ နမိတ်လား။ ငါ သေရတော့မယ် ထင်ရဲ့။ အစ်မက ဖုန်းဆက်တဲ့အခါ ‘ ပျော်စရာကြီး ။ ငါတစ်ယောက်တည်း အမွေတွေ ရတော့မယ်’ လို့ စနောက်တဲ့အခါ အရင်လို ပြန်နောက်ကာ မရယ်နိုင်တော့။ သေရမှာ ကြောက်ပြီး မျက်ရည်စိမ့်ကျလာ။

ကျွန်မ မသေချင်သေးပါ။ အကုသိုလ်များအလယ်မှာ သာယာတုန်းရှိပါသေးတယ်။ American Idol ကြည့်တုန်း၊ The Voice ကြည့်တုန်း ၊ စာရေးစရာအခြင်းအရာများစွာ ရှိနေတုန်း၊ အိမ်လေးတစ်ခုဆောက်မယ့်အိမ်မက် မက်တုန်း၊ ဥယျာဉ်ပျိုးဖို့ ကြံရွယ်တုန်း ဖြစ်ပါတယ်။ (စကားမစပ် အမေရိကန်မှ မိတ်ဆွေများ American Idol မှာ ကျွန်မချစ်သော Angie Millerကို မဲလေးပေးပါရန် မေတ္တာရပ်ခံချင်ပါတယ်။)

ဟုတ်ပါတယ်။ ယနေ့ထက်တိုင် တမျှင်မျှင်ငင်သော အစွဲအလမ်းများဖြင့် ငရဲရှိသည်ဆိုပါက ကုသိုလ်နည်းသောကျွန်မ ငရဲကျမှာ အသေအချာပါ။ သေရတော့မယ်တဲ့လား။ အရင်လို ဘယ်သူငိုမှာလဲလို့ မမေးချင်ပါ။ ဘယ်သူတွေ ဝမ်းသာမလဲလို့သာ စဉ်းစားမိရဲ့။ ဝမ်းအသာဆုံးဖြစ်မယ့်သူတွေကတော့ ကျွန်မဆီက အကြွေးယူထားသူများ ဖြစ်နိုင်လေတာ။ ကျန်တာတော့ ဘာကိုမျှ မစဉ်းစားလိုမရအောင် အဘွားရဲ့ အရိပ်က အာရုံမှာ ပေါ်နေဆဲ။

မိုးပြိုမှာစိုးသူလို နေစရာမရှိဖြစ်နေကာ အပြင်ထွက်ရမှာလည်း ကြောက်အားပို။ ဘယ်လိုလုပ်ရမလဲ။လက်ဖဝါးပြင်နှစ်ခုကို ဖြန့်ကြည့်တိုင်းလည်း အသက်လမ်းကြောင်းက တိုတိုလေးရှိရဲ့။ အဆုံးထိအောင်မြင်ခဲ့ပြီးပြီဆို ငယ်ရွယ်စဉ်မှာ သေလိုက်ရတာကို ကြောက်စရာမလိုဘူး ထင်ရဲ့။ ကြည့်ပါဦး ...။ မာရီလင်မွန်ရိုး၊ ခာ့တ် ကိုဘိန်း၊ ဂျိမ်းစ် ဒီးန်၊ ဆာလ်ဗီယာ ပလာသ်… အစရှိသည်ဖြင့်။သူတို့ ဘယ်တော့မှ မအိုဘူး။ သူတို့ အမြဲငယ်ရွယ်လှပအောင်မြင်နေတယ် မဟုတ်လား။ တကယ်လို့သာ အောင်မြင်မှုအရှိန်ကျ၊ အိုမင်းမစွမ်းမှ သူတို့သေရင် ကိုးကွယ်မယ့်သူတွေအရေအတွက်က အခုလိုများပြားနိုင်ပါ့မလား။

သူတို့ကို အားကျပေမယ့် ကျွန်မမှာ ရေးချင်နေသောစာများကို စာလုံးမျှ မစီရသေး။ ကျွန်မက တကယ်အဖြစ်မရှိဘူးပဲ။  အချိန်မီပါတော့မလား။ အဘွားက ခေါ်နေပြီ။ ဟင့်အင်း ။ ဟင့်အင်းလို့ ငြင်းချင်လည်း၊ မလာချင်ဘူးလို့ ပြောကာ ရှောင်ပုန်းချင်လည်း လုံခြုံတဲ့နေရာ မရှိပါဘဲ။ ။ 

မယ့်ကိုး







4 comments:

မြသွေးနီ said...

အိပ်မက်ဆိုတာ အစိုးမရပါဘူး မယ့်ရေ..
အိပ်မက်ထဲကအတိုင်း တကယ်ဖြစ်ချင်မှ ဖြစ်တာပါ။ အဘွားကို အမှတ်မထင်သတိရမိတဲ့ စိတ်ကလေး အိပ်မက်ထဲပါလာတာနေမှာပါ။

စကားမစပ် American Idol က Angieကို ကြိုက်တာ အစ်မနဲ့ မယ့်တူတယ်။ သူ့ကို Top 10ရွေးချိန် ပါလာလို့ ဆွေ့ဆွေ့ခုန်နေတဲ့ပုံလေးထဲက ကြိုက်တာ။ အသံကလည်း အရမ်းကောင်းတယ်။ ၀ှစ်တနီဟူစတန်တို့လို အသံကာလာမျိုးနော်။
အိမ်မှာက Candiceကို အားပေးကြတယ်။ Kree ကတော့ အစ်မ ဒုတိယအကြိုက်ပေါ့။

မိုးငွေ့........ said...

အစွဲအလန်းမကြီးပါနဲ့လေ...။ မယ် မက်သလို အိပ်မက်မျိုး ကိုယ့်ကိုလည်း ကိုယ့်ဖေဖေ လာခေါ်ဖူးတယ်... မီးခိုးရောင်မှိုင်းမှိုင်းနောက်ခံ လူတစ်ရပ်စာရှည်တဲ့ မြက်ပင်စိမ်းကြီးတွေကြားထဲကလေ...။ ဖေဖေနဲ့ ကိုယ် တော်တော်လေးလှမ်းကွာနေပေမယ့် သူ့ခေါ်သံကိုကြားနေရတယ်...။ ဒါပေမယ့် အိပ်မက်ပါပဲ နိမိတ်မကောက်ဘဲ မေ့ပစ်လိုက်ပါ။

ရိုးမြေကျ said...

အိပ်မက်ကလေးကို စာစီကုံးသွားတာ။ ကျနော်လဲ အဖွားနဲ့ပတ်သက်ပြီး ခဏခဏ အိပ်မက်မက်တယ်။ မကြောက်နဲ့တော့ မယ့်။ အဲဟိုရက်က မယ့်တင်ထားတဲ့ပို့စ်တွေ စာမေးပွဲပြီးမှာ အကြွေးလာဆပ်မယ်။ သတိရနေပါတယ်မယ့်။ ဖေ့ဘုတ်မှာလဲ ပြန်လာပြီမလား။

မင်နေ said...

အိပ်မက်တွေထဲမှာ ပျော်ဝင်မနေပါနဲ့လေ