26 June 2013

ပြဿနာရှာရန် မရည်ရွယ်သော


ဒီလထုတ် Mandalay Icon မဂ္ဂဇင်းမှာ ကျွန်မရဲ့ကဗျာကို ဖော်ပြထားတယ်လို့ မိတ်ဆွေတစ်ယောက်က သတင်းပေးလာတဲ့အခါ အလွန်တရာမျက်လုံးပြူးသွားခဲ့ပါတယ်။ အဘယ့်ကြောင့်ဆိုသော် လွန်ခဲ့တဲ့တစ်နှစ်ကျော်က ကျွန်မရဲ့စာမူတစ်ချို့ကို အစ်ကိုကြည်စိုး(ကဗျာဆရာ ဝေးခေါင်)ကို ပေးအပ်ခဲ့ပေမယ့် ထိုစာမူများထဲမှာ ကဗျာမပါဝင်တဲ့အတွက် ဖြစ်ပါတယ်။

မိတ်ဆွေက ကျွန်မရဲ့ဖော်ပြခံရသောစာမူကို ဓာတ်ပုံရိုက်ပြီး ပို့လိုက်တဲ့အခါမှာတော့ နင့်နင့်သီးသီးတုန်လှုပ်သွားရပြန်ပါတယ်။ ‘ဖျားနေတဲ့ ညနေ’ လို့ အမည်ပေးထားတဲ့စာကို ကြည့်ပြီး အဲဒီညနေမှာ ကျွန်မ အမှန်တကယ်ဖျားနာပါတော့တယ်။ အစ်ကိုကြည်စိုးကို အကြောင်းစုံမေးမြန်းကြည့်ရာ တခြားအယ်ဒီတာက ရွေးချယ်ထားခြင်း ဖြစ်ကြောင်း၊ ဖောင်ပိတ်တဲ့နောက်ဆုံးညမှ သူသိကြောင်း၊ ကဗျာနဲ့ အက်အေးမို့ ပြဿနာမရှိဟု ယူဆကာ မဖြုတ်လိုက်ခြင်းဖြစ်ကြောင်း ဖြေရှင်းပေးပါတယ်။ 


ဟုန်ကဲ့။ မှန်ပါတယ်။ ကံအကြောင်းမလှစွာဘဲ ကဗျာနဲ့ စကားပြေကြားမှာ ရှင်းလင်းပြတ်သားတဲ့ စည်းမျဉ်းချဖို့ ခက်ခဲလှတာမို့ ကဗျာလို့ သတ်မှတ်ယူဆလိုက်တာကို လက်ခံနိုင်ပါတယ်။ ဖြစ်သမျှကို ဇာမချဲ့တော့ဘဲ ပုံနှိပ်စာမျက်နှာထက်မှာ ဖော်ပြခံရတဲ့ကဗျာဆရာမ ဖြစ်ပြီရယ်လို့ ချော်လဲရောထိုင်ပြီး ခပ်တည်တည်နေလိုက်လို့လည်း ရပါတယ်။ ဒါပေမယ့် ခက်တာက ကျွန်မ လိပ်ပြာလုံချင်ပါတယ်။

ဘာဖြစ်လို့ပါလဲဆိုရင် ဒီအက်ဆေးဟာ ကျွန်မအတွက်တော့ ကဗျာမဖြစ်ခဲ့ပါဘူး။ ဒါဆို ကဗျာနဲ့ စကားပြေရဲ့ ကွာခြားချက်က ဘာပါလဲလို့ မေးနိုင်ပါတယ်။ ဒီမေးခွန်းဟာ ကျွန်မအတွက်သာမက စာပေသုတေသီတွေကိုပါ ခေါင်းကိုက်စေတဲ့ အကြောင်းအရာဖြစ်ပါလိမ့်မယ်။ အထူးသဖြင့် ပြင်သစ်မော်ဒန်ကဗျာဆရာတွေက စကားပြေကဗျာ (Prose Poetry)ကို တီထွင်လိုက်တဲ့အခါမှာပေါ့။ နောက်တစ်မျိုးမှာ အမျိုးအစားတွေ ကျယ်ပြန့်လွန်းလို့ အကျဉ်းချုံးသတ်မှတ်ဖို့ ခက်ခဲလွန်းတဲ့ လွတ်လပ်ကဗျာ(Free Verse)ကြောင့် ဖြစ်ပါတယ်။

ကဗျာနဲ့စကားပြေတို့ရဲ့ နယ်ခြားမျဉ်းဟာ ထင်ရှားခြားနားတယ်လို့ ထင်ရပေမယ့် ရစ်သမ်နဲ့ ဆက်စပ်လိုက်တဲ့အခါမှာ မယုံနိုင်စရာပါးလျလာကြောင်းကို ဒီလွတ်လပ်ကဗျာနဲ့ စကားပြေကဗျာတို့က သက်သေပြပြီးသား ဖြစ်ပါတယ်။ ကဗျာနဲ့ စကားပြေဟာ လိမ္မော်မှ အဝါ၊ အဝါမှအနီ ဖြတ်စီးနေတဲ့ ရောင်ပြေးတွေလို ဖြစ်နေပြီး လွတ်ထွက်မသွားအောင် ဆုပ်ကိုင်ဖို့ ခက်လှပါတယ်။ ဒါဆို ကျွန်မရဲ့ကဗျာကို ဘယ်လိုစံထားခွဲခြားသတ်မှတ်ထားလဲလို့ ထပ်မံမေးစရာရှိပါတယ်။ ဟုတ်ကဲ့။ ဥပမာသုံးခုဖြင့် အရှင်းဆုံးဖြစ်အောင် ဆိုခွင့်ပြုပါ။

  • ပထမ- ကျွန်မရဲ့ကဗျာမှာ စကားလုံးအသုံးအနှုန်းကို အထူးဂရုစိုက်ပါတယ်။ ပိုလျှံနေတဲ့၊ ထပ်ကျော့နေတဲ့ စကားလုံးတွေကို ပစ်ပယ်ပါတယ်။
         (စိတ်မကောင်းစရာက ဖျားနေတဲ့ညနေမှာ ဖွာနေတဲ့စကားလုံးများကို တွေ့နိုင်ပါတယ်။)
  • ဒုတိယ-အဖြတ်အတောက်ဖြစ်ပါတယ်။ကဗျာမှာ စကားလုံးနေရာချပုံ၊အဆုံးသတ်ပုံဟာ အရေးကြီးတယ်လို့ ကျွန်မ ခံယူထားပါတယ်။ ဒါကြောင့် သီးခြားဂုဏ်ရည်ရှိတဲ့ စာတစ်ကြောင်းဖြစ်အောင် ကြိုးစားပြီး စကားလုံး၊ဝါကျ၊ပါဒများကို ဖြတ်တောက်ပါတယ်။
          (ဖျားနေတဲ့ညနေကို ရေးဖွဲ့ခဲ့ရာမှာ စာပိုဒ်များကိုသာ နေရာတကျအစီအစဉ်ချခဲ့တာ ဖြစ်ပါတယ်။)
  • တတိယ-ကဗျာရဲ့ပုံစံဖြစ်ပါတယ်။ ကျွန်မက အမြင်အာရုံခံစားမှုနောက်လိုက်တဲ့ စာရေးသူဖြစ်တဲ့အတွက် ကဗျာမှာ အချိုးကျနဖို့ အားထုတ်လေ့ရှိပါတယ်။ စာကြောင်းတွေရဲ့ အတိုအရှည်၊ဖြန့်ကားထွက်မှု၊လွတ်လပ်ပုံစံ စသည်ဖြင့် တတ်စွမ်းသလောက် ပုံသဏ္ဍာန်ကို ကစားလေ့ရှိပါတယ်။ 
          (ဖျားနေတဲ့ညနေရဲ့ စာပိုဒ်အစီအစဉ်မှာ စကားပြေပီပီ ငြီးငွေ့ဖွယ်အလှအပမဲ့နေပါတယ်။)

စာပေသုတေသီတွေက ကျွန်မရဲ့ ကဗျာတွေကို အဆင်ပြေသလိုခေါင်းစဉ်အောက်မှာ ထည့်သွင်းနိုင်ပါတယ်။ ဒါပေမယ့် ကျွန်မသတ်မှတ်ထားတဲ့စံနဲ့ ရေးသားခဲ့တဲ့ ကဗျာများသာ ဖြစ်စေလိုပါတယ်။ ဒါကြောင့် ကဗျာကို အနည်းငယ်သာရေးလေ့ရှိပြီး စိတ်တိုင်းမကျသေးတဲ့အတွက် မည်သည့်ပုံနှိပ်မဂ္ဂဇင်းကိုမှ ပေးပို့ခြင်း မရှိခဲ့ပါဘူး။

မညာတမ်းဝန်ခံရမယ်ဆိုပါရင် ကျွန်မရဲ့ ကဗျာတစ်ခုခုကို လေးစားစွာ အသိအမှတ်ပြုခံရမယ်ဆို ပျော်မဆုံးအောင်ဖြစ်ချင်ပေမယ့်  ‘ဖျားနေတဲ့ညနေ’စာမူဟာ ကျွန်မအတွက် ကဗျာမဖြစ်ခဲ့တဲ့အကြောင်း စိတ်မချမ်းမြေ့စွာပဲ ရိုးရိုးသားသားဆိုပါရစေ။ ဒီအတွက် စာဖတ်သူများက  စိတ်ပျက်လက်ပျက်ဖြစ်ခဲ့မယ်ဆို ဒီကြွေးကို အကျေဆပ်နိုင်ဖို့ ကျွန်မ ကြိုးစားပါဦးမယ်။ ။ 

ချစ်ခင်လေးစားစွာဖြင့်
မယ့်ကိုး

6 comments:

မြသွေးနီ said...

ဖြစ်ရလေ..မယ့်ရယ်... ၀မ်းနည်းရမလားမသိ.. ၀မ်းသာရမလားမသိ ဖြစ်ရတဲ့အဖြစ်..။ အစ်မရဲ့ လမ်းကလေးအက်ဆေး Halo Magazineမှာ ပါလာတုန်းက စာပိုဒ်တွေ ကျော်လွှားစီထားလိုက်တာ ရေးသူ အစ်မတောင် မျက်စိတွေလည်သွားရတယ်။ ဘယ်လိုမှ အဆက်အစပ် မရှိဖြစ်သွားရတယ်။ နောက်အစ်မရေးတာ အက်ဆေး၊ အဲ့တာကို ၀တ္တုတိုဆို ထည့်ထားတယ်။ ဆရာမဂျူးရဲ့ဆောင်းပါးကိုလဲ ၀တ္တုတိုဆို ထည့်ထားတယ်။ စိတ်ပျက်စရာ မယ့်ရယ်..။

နွေတေးရှင် (မင်းဧရာ) said...

ဒီလောကကြီး ဒီလိုဖြစ်နေတာ ကြာပလားလို့ မယ့်ကိုး ရေ.....။

သို့ပေမင့်
ချော်လဲနေပါလျက်
ရောမထိုင်တတ်သော
စာပေ သမားရဲ့ မာန လေးကို
သိပ်လေးစားမိတယ်ဗျာ ။

မိုးနတ်ကြယ်စင် said...

မယ့်ရဲ့ ကဗျာနဲ့ပတ်သက်ပြီး ခွဲခြားသတ်မှတ်ထားတဲ့
စံတွေကို ကြိုက်တယ်...:) မိုးနတ်လဲ ခုချိန်မှာ
ကိုယ့်ကိုယ်ကိုယ် ကဗျာဆရာတစ်ယောက်အဖြစ်
အတိအကျ ခံယူထားတာမျိုးမဟုတ်သေးပေမဲ့
ကိုယ်က ကဗျာတွေကိုချည်း တစိုက်မတ်မတ်
မြတ်မြတ်နိုးနိုးရေးလာတဲ့သူဆိုတော့ ကဗျာရေးတာ
အရမ်းဂရုစိုက်မိတယ် မယ့် ...
မယ့် စိတ်ဓါတ်ကို အရမ်းပဲလေးစားမိတယ် :)

ချစ်တဲ့ မိုးနတ်ကြယ်စင်

ရိုးမြေကျ said...

အော်ဖြစ်မှဖြစ်ရလေမယ့်။ ပျော်ရမှာတောင် လွတ်လွတ်လပ်လပ်ပျော်ခွင့်မရှိသလိုဖြစ်ခဲ့ရပြီပဲ။ ။

Thwin said...

စာပေကို မြတ်နိုးသူ၊ လေးစားသူ ဆိုတာလေးကို မြင်လာတယ်..။ မမမယ့်ကိုးကို ပိုပြီး လေးစားမိပါတယ်..။ အမှားလေးကို အကောင်းပဲ မြင်ပေးလိုက်တော့ပေါ့နော်..။

Anonymous said...

ချစ်စရာလေး


ချစ်သော
စု