08 July 2013

အခန်းဆက်ခရီး

ညီမငယ်က ကိုရီးယားကားကြည့်ရင်း ‘သမီးတို့က ဘာလို့ ရုပ်ဆိုးရတာလဲ’ လို့ မေးလေ၏။ တို့…လို့ဆိုသောကြောင့် ကျွန်မကိုပါ ရည်ညွှန်းဟန်ပဲဟု အလိုအလျှောက် သဘောပေါက်ရသည်။ ကြားရတာ နားမချမ်းသာပေမယ့် ရင်နာနာနဲ့ပဲ ရှင်းပြရသေးတာပ။ 

‘မလိက္ကာမိဖုရားကြီးကလည်း ဘုရားကို ဒီလိုမေးလျှောက်ဖူးတယ်။ဘုရားက ရုပ်အဆင်းမလှတာ အရင်ဘဝက ဒေါသအားကြီးလို့ လို့မိန့်တယ်’ ညီမငယ်က အဖြေရဟန်နဲ့ ခေါင်းငြိမ့်ပေမယ့် အပြည့်အစုံနားလည်စေချင်သေးတော့ ခက်လှသည်။ ‘ဒေါသမှာ နှစ်မျိုးရှိတယ် သိလား။’ ဟု မေးလိုက်တဲ့အခါ ညီမငယ်က မသိဘူးလို့ ဆိုသည်။

ငုံ့နေတဲ့ဒေါသနဲ့ ဖွင့်ထွက်တဲ့ဒေါသလို့ ရှိတယ်တဲ့။ စိုးရိမ်သောကကြီးတာ။ စိတ်ညစ်တာ၊စိတ်ပျက်တာ၊စိတ်ဓာတ်ကျတာ၊ အလိုမကျတာ၊အငြိူးထားတာတွေက အငုံ့ဒေါသတွေ၊  စိတ်တိုတာ၊ဒေါသထွက်တာ၊ဆူပူတာ၊ရန်လုပ်တာ၊ဂလဲ့စားချေတာ၊ နောက်ဆုံး ကိုယ်ထိလက်ရောက်တိုက်ခိုက်တာတွေက အပွင့်ဒေါသလို့ ဖြေရင်း စိတ်ကြည်မှ ရုပ်ကြည်တယ် လို့ လူတွေပြောကြတယ်မဟုတ်လား။ အဲဒီသဘောလိုပဲ စိတ်ဆိုးတော့ ရုပ်ဆိုး၊ ဒီဘဝမှာ စိတ်မကြည်လင်တဲ့အကြောင်းကြောင့် နောက်ဘဝအထိ ရုပ်အဆင်းထိခိုက်တာလို့ အကျယ်ချဲ့ဖြေမိလေသည်။ 

ညီမငယ်က တစ်ခွန်းလေးမေးမိတာ တစ်မီးနစ်မျှ နားထောင်လိုက်ရသဖြင့် စိတ်လေသွားဟန်နဲ့ ဟုတ်ကဲ့လို့ ပြောပြီး ကိုရီးယားကားဆက်ကြည့်နေရာ အင်း နောက်ဆို မေးသလောက်ပဲဖြေမှလို့ အသိတရားရလေသည်။ စာအုပ်ထဲ မျက်နှာလွှဲပြန်လွှဲလိုက်ပေမယ့် စာထဲမှာ စိတ်မရောက်ဘဲ ပျော်ရွှင်မှုကို ကြာရှည်မသိုလှောင်နိုင်တဲ့ကျွန်မ နောက်ဘဝမှာ အလွန့်အလွန်အကျည်းတန်နေမလားဟု သောကပွားမိလည်း စိတ်ညစ်နေသလားလို့တော့ ကိုယ့်ကိုယ်ကိုယ်မမေးဝံ့အောင်ပင်။


တစ်နေရာမှာ မပျော်ဘူးဆိုပြီး နေပျော်မယ်ထင်ရာဆီ ပြန်လာခဲ့သည်။ စာဖတ်၊စာရေးနေရလျှင် လူဆင်းရဲလည်း စိတ်ချမ်းသာမည် မျှော်လင့်ခဲ့သည်။ တစ်လကျော်ပြီ ဖြစ်ပေမယ့် ရည်ရွယ်ထားတဲ့စာက တစ်မျက်နှာပင် မရှိသေး။ ခက်ပြီ။ စာမရေးနိုင်ပြီမို့ ပိုလို့စိတ်မချမ်းမြေ့အောင်ရှိလေသည်။ စားလိုက်၊အိပ်လိုက်၊စာဖတ်လိုက် လုပ်နေလို့မဖြစ်ဘူးဆိုတာ နားလည်ပေမယ့် ရင်ထဲက တွန်းအားမီးက ဖျော့နေရာမှ ချုပ်ငြိမ်းသွားဟန်ရှိသည်။ ဒီမီးကို ဘယ်လိုပြန်မွှေးရမလဲ။ တစ်နေရာကို ထွက်သွားချင်ပြန်ပေမယ့် ဘယ်ကိုသွားရမှာလဲ။ ကျွန်မနဲ့ သက်ဆိုင်တဲ့နေရာဟာ ဘယ်အရာလဲ။ ဘာလုပ်ရမည် မသိ။ 

အနားမှာ ဆေးလိပ်ဗူးသာရှိပြီး ဆေးလိပ်သောက်တတ်သူဆိုရင် တလိပ်နဲ့တလိပ်မီးကူးပြီး သောက်မိနေမည်ထင်သည်။ အခုတော့ မီးခိုးငွေ့အစား သက်ပြင်းငွေ့ကိုသာ မှုတ်ထုတ်နေမိသည်။ ငုတ်တုတ်ထိုင်ပြီး မှိုင်နေသူဟာ ငါ မဟုတ်ဘူးလို့ ဆိုရင်းပင် စိတ်ပျက်စိတ်က အစပျိုးလာလေပြီ။ ကောင်းပါလေ့။ ဒီဘဝလည်း ရုပ်အကြည်ပျက်သလို နောက်ဘဝမှာလည်း အကျည်းတန်နေလိမ့်။ ။ 

မယ့်ကိုး

5 comments:

yee lin said...

ဒေါသအကြောင်းကိုသိသွားတယ် ကျေးဇူးတင်ပါတယ် နော်

QOS said...

R u in Myanmar?

မယ့်ကိုး said...

yes,i am.

မြသွေးနီ said...

ရုပ်ရည်နဲ့ စိတ်ထားက တိုက်ရိုက်အချိုးမကျပါဘူး မယ့်ရေ.. သေချာတွေးကြည့်ရင် ပုခုံးနှစ်ဘက်ကြား ခေါင်းပေါက်ကြတဲ့လူအချင်းချင်းပါပဲ။ ရုပ်ချောပြီး စိတ်ထားယုတ်သူထက်၊ ရုပ်ဆိုးပြီး စိတ်ထားဖြူစင်သူက ပိုတန်ဖိုးရှိပါတယ်။ ရုပ်အလှက အပေါ်ယံ အရေပြားတစ်ထောက်စာပဲ ရှိတာပါ။ စိတ်ထားအလှကိုတော့ ပိုတန်ဖိုးထားမိပါတယ်။

ချစ်သော -
မြသွေးနီ

ရိုးမြေကျ said...

ဒေါသမှာ အငုံ့ဒေါသနဲ့ အပွင့်ဒေါသရှိတာ ခုသိသွားပြီ။ အနော်လဲ အပွင့်ဒေါသတွေရော အငုံ့ဒေါသတွေရော အလုပ်လုပ်မှ ခဏခဏဖြစ်နေတာ။ မဖြစ်သေးဘူး။ ဖျောက်ရမယ်။